ܡܙܡܘܪ̈ܐ.
13.
ܗܲܠܔ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܡܲܢܫܹܝܬ ܠܝܼ ܠܥܵܠܲܡ؟ ܗܲܠܔ ܐܝܼܡܲܢ ܒܸܬ ܛܲܫܹܝܬ ܦܵܬܘܼܟ݂ ܡܸܢܝܼ؟ 
ܗܲܠܔ ܐܝܼܡܲܢ ܡܲܬܒܸܢ ܪܸܢܝܵܐ ܒܓܵܢܝܼ، ܚܲܫܵܐ ܒܠܸܒܝܼ ܟܠܹܗ ܝܵܘܡܵܐ؟ ܗܲܠܔ ܐܝܼܡܲܢ ܪܵܐܹܡ ܕܸܫ̃ܡܸܢܝܼ ܥܲܠܝܼ؟ 
ܚܘܼܪ ܓ̰ܲܘܸܒ ܠܝܼ، ܝܵܐ ܡܵܪܝܵܐ ܐܲܠܵܗ‌ܝܼ، ܒܲܗܪܸܢ ܥܲܝܢܝܼ̈ ܕܠܵܐ ܛܵܡܪܹܢ ܒܫܸܢܬܵ‌ܐ ܕܡܵܘܬܵ‌ܐ؛ 
ܕܠܵܐ ܐܵܡܹܪ ܕܸܫ̃ܡܸܢܝܼ: ”ܗܘܹܐ ܠܝܼ ܓ݂ܵܠܒܵܢܵܐ ܥܲܠܘܼܗ‌ܝ،“ ܘܡܲܠܝܸܨܵܢܝܼ̈ ܦܵܨܚܝܼ ܐܝܼܡܲܢ ܕܫܵܥܫܹܢ. 
ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. 
ܒܸܬ ܙܵܡܪܹܢ ܠܡܵܪܝܵܐ، ܒܗ̇ܝ ܕܒܦܸܪܝܘܼܬܵ‌ܐ ܩܵܡ ܦܵܪܹܥ ܠܝܼ.