﻿Womusu.
59.
Womu ɡe Dɑfidi u wom kowobun wiruɡii kuɑ. U ɡu kuɑwɑ sɑnɑm mɛ Sɔɔlu u ɡɔrɑ bu dɑ bu wi, Dɑfidin diru tɑrusi bu nùn ɡo. Ge wee. 
Nɛn Yinni, ɑ mɑn wɔro nɛn yibɛrɛbɑn nɔmɑn di. A mɑn kɔ̃suo ben sɔ̃. 
A mɑn wɔro tɔn kɔ̃sobun nɔmɑn di, kpɑ ɑ mɑn yɑkiɑ be bɑ tɔmbun yɛm yɑrimɔn nɔmɑn di. 
Domi be wee bɑ mɑn kɑsu bu ɡo. Dɑɑ bɔɔbɔyɑɡibɑ bɑ nɔɔ tiɑ mɔ̀ bu kɑ mɑn ɡo. Nɑ ǹ kɔ̃sɑ kue, nɑ ǹ mɑɑ durum kue, Yinni Gusunɔ. 
Kɑ mɛ, bɑ sɔɔru mɔ̀ bu kɑ mɑn wɔri. Yinni, ɑ seewo, ɑ mɑn mɛɛrio, ɑ nɑ ɑ mɑn somi. 
Gusunɔ Isirelibɑn Yinni, wunɛ wi ɑ wɔllu kɑ tem mɔ, ɑ seewo ɑ tɔn kɔ̃so be sɛɛyɑsiɑ be, be bɑ ǹ nun nɑsie. A ku ben ɡoon wɔnwɔndu ko. 
Yokɑ bɑɑyere bɑ rɑ nɛwɑ bɑ n wori nɡe bɔ̃nu kpɑ bɑ n kɑ wuu sikerenɛ. 
Kɔ̃sɑ yɑrimɔ sɑɑ ben nɔsun di, mɑ n sɑ̃ɑ nɡe bɑ tɑkobi wuuwɑ. Domi bɑ mɔ̀, wɑrɑ koo nɔ ye bɑ ɡerumɔ. 
Adɑmɑ wunɛ, Yinni Gusunɔ, ɑ bu yɛ̃ɛmɔ. A bwesenu kpuro ɑtɑfiiru sɑ̃ɑ. 
Bɑɑ bɑ̀ n dɑm mɔ ɑmɔ, wunɑ nɑ nɑɑnɛ sɑ̃ɑ. Domi wunɑ nɛn kuku yee bɑkɑru. 
Yinni kĩruɡii, ɑ nɑ ɑ mɑn swɑɑ ɡbiiyɑ. Wee ɑ derɑ nɑ nɛn yibɛrɛbɑ mɛɛrɑ kɑ nuku dobu. 
A ku bu ɡo kpɑ nɛn tɔmbu bu ku rɑɑ ye duɑri. Adɑmɑ ɑ de bu sirenɑ, kpɑ bu wɔruku wunɛn dɑm sɔ̃. Domi wunɛ, Yinni Gusunɔ, wunɑ ɑ sɑ̃ɑ bɛsɛn tɛrɛru. 
Ben ɡere kpuro yɑ durum yibɑwɑ. A de ben tii suɑbu bu bu surɑ. Domi bɑ rɑ n weesu kɑ ɡɑri kɔ̃si ɡerumɔwɑ. 
Yinni, ɑ bu kɑm koosio kɑ mɔru, kpɑ bɑ kun mɑɑ wɑ̃ɑ. Kpɑ bu ɡiɑ mɑ wunɑ ɑ bɑndu dii Yɑkɔbun bibu sɔɔ kɑ hɑnduniɑ kpuro sɔɔ. 
Yokɑ bɑɑyere, yibɛrɛ be, bɑ rɑ nɛwɑ bɑ n wori nɡe bɔ̃nu kpɑ bɑ n kɑ wuu sikerenɛ, 
bɑ n kɑsu ye bɑ koo di. Kpɑ bɑ n wɑ̃ɑ mi, wɔ̃ku ɡiriru, domi bɑ ku rɑ debu. 
Adɑmɑ nɛ, nɑ kon womu ko wunɛn dɑm sɔ̃. Buru buru yellu, nɑ kon nun tɔmɑ wunɛn kĩrun sɔ̃, domi ɑ sɑ̃ɑwɑ nɛn kuku yee dɑmɡiru, kpɑ n kuke wunɛn mi nɑ̀ n nuki sɑnkire. 
Yinni Gusunɔ, wunɑ ɑ sɑ̃ɑ nɛn dɑm kɑ mɑɑ nɛn kuku yee dɑmɡiru. Wunɑ kon tɔmɑ, domi ɑ sɑ̃ɑwɑ tɔn ɡeo. 
