﻿Womusu.
121.
Sɑ̃ɑ dɑɑrun womu. Ge wee. Nɑ nɛn nɔni sue ɡuunu ɡiɑ. Mɑn diyɑ kon somiru wɑ. 
Nɛn somirɑ weewɑ sɑɑ Yinni Gusunɔn min di wi u wɔllu kɑ tem tɑkɑ kuɑ. 
U ǹ derimɔ wunɛn nɑɑsu su sokurɑ. Wi u nun kɔ̃su, u ǹ dom yĩbirimɔ. 
Wee wi u Isirelibɑ kɔ̃su u ku rɑ dom yĩbiri, u ku rɑ mɑɑ dweeye. 
Yinni Gusunɔ u sɑ̃ɑwɑ wunɛn kɔ̃so. U wɑ̃ɑ wunɛn nɔn ɡeuɔ u nun sɑɑru sɑ̃ɑwɛ. 
Sɔ̃ɔ sɔɔ, sɔ̃ɔ kun nun soomɔ. Wɔ̃kuru, suru tɑrum kun mɑɑ nun soomɔ. 
Yinni Gusunɔ u koo nun bere ɡɑ̃ɑ kɔ̃sunu kpuron di. U koo wunɛn hunde kɔ̃su, 
kpɑ u nun kpɑrɑ wunɛn dɑɑru kɑ weru sɑɑ tɛ̃n di sere kɑ bɑɑdommɑɔ. 
