﻿Womusu.
129.
Sɑ̃ɑ dɑɑrun womu. Ge wee. Isirelibɑ bu ɡeruo sɑnnu sɑnnu bu nɛɛ, ɡeemɑ, tɔn kɔ̃sobu bɑ rɑ n sun dɑm dɔremɔwɑ sɑɑ bɛsɛn bweserun toren di. 
Bɑ sun nɔni sɔ̃ɔwɑ bɛsɛn bweserun toren di. Adɑmɑ bɑ ǹ nɑsɑrɑ wɑ bɛsɛn wɔllɔ. 
Bɑ wukɑ bɛsɛn birusun wɔllɔ bɑ kpĩi wunɑ wunɑ. 
Adɑmɑ Yinni Gusunɔ u sɑ̃ɑwɑ ɡemɡii, u ben wɛ̃ɛ kɑsukɑ. 
Yinni Gusunɔ, ɑ de be bɑ Yerusɑlɛmu tusɑ bu sekuru wɑ, kpɑ bu biruku yirɑ wurɑ, 
bɑ n sɑ̃ɑ nɡe yɑkɑ si su rɑ kpi diru wɔllɔ. Su rɑ ɡberewɑ bɑ kun su wukurɑ. 
Wi u su ɡɛ̃ɛmɔ, su ku rɑ win nɔmu yibu. Wi u mɑɑ su ɡurɑmɔ, su ku rɑ win nɔm koto teeru turi. 
Be bɑ sɑrɔ mi, bu ku bu domɑru kuɑ bu nɛɛ, Gusunɔn domɑru tɑ n kɑ bu wɑ̃ɑ. Bu ku rɑɑ mɑɑ nɛɛ, bɑ bu domɑru kuɑ kɑ Yinni Gusunɔn yĩsiru. 
