﻿Soũↄ.
112.
Àleluya! Báaaden gbɛ̃́ pↄ́ Dii vĩa vĩ, mɛ́ Diipi yãdilɛaↄ ì kaaàgu ũ. 
Aà nɛ́ↄ gↄ̃ gbãadeↄ ũ ń bùsuu, asa nↄ̀sɛpuade buiↄá báaadeↄnɛ. 
Pↄ́mↄama ń àizɛɛo di aà bɛɛ, aà yãkɛa a zɛ́wa láaa vĩo. 
Baa gusiau gu ì pu gbɛ̃maaↄnɛɛ, nↄ̀sɛpuade pↄ́ sùuu ń sósobio vĩↄ. 
Gbɛ̃́ pↄ́ gbɛ̃kɛ vĩ ì pↄ́ sɛ̃anɛ́, ì a yã́ↄ kɛ a zɛ́wa, yã́ ì bↄɛ̀ maaɛ. 
Gbɛ̃maa lí fu bauo, aà yã́ aↄ dↄńguɛ gↄↄpii. 
Bao ĩ́i lí aà vĩakũo, aà sↄ̃ ìↄ dilɛa, ìↄ Dii náai vĩ. 
Aà sↄ̃ lí vĩo, vĩa lí aà kũo, e à gɛ tidↄò a ibɛɛↄla. 
Ì pↄ́ fã́ɛ taasideↄnɛ, aà yãkɛa a zɛ́wa láaa vĩo. Aà mi ìↄ daa ía ń gawioɛ. 
Gbɛ̃vãi líↄ ye aà ea yã́io, ì lɛ́sakãaàzi, ì lↄ̀ↄ gá. Yã́ pↄ́ vãikɛna wɛ́ dↄi ì midɛwàɛ. 
