﻿ZABURA.
6.
Dauda lɛ̀. Òdi sí kũ mↄrↄlɛnaaomɛ. Dikiri, ǹsun patama kũ pɛ̃tɛ̃oro, ǹsun ma toto kũ pↄfɛ̃oro. 
Ǹ ma wɛ̃nda gwa, Dikiri, zaakũ ma gↄ̃ fɛ̃fɛ̃na, ǹ ma gba aafiaa, Dikiri, zaakũ ma wánↄ tɛn wímɛ. 
Ma pↄ yàka manamana, Dikiri, ĩni kpámai bↄrɛmɛɛ? 
Ǹ ɛra ǹ ma mì sí, Dikiri, ǹ ma sura ba n gbɛ̃kɛ yãi. 
Zaakũ gɛ̀ ni le à n tↄ́ kpáro, oni n sáabu kpá mira gũnlo. 
Ma ndana ma kpasa, ma mìbↄkↄↄ dì yaku kũ wɛ́'io, ma wutɛbↄ dì yĩda kũ ari gu gɛ́ dↄo. 
Ma wɛ́ kakana kũ pↄsira ↄ́ↄdↄnaao, àtɛn ga kũ ma ibɛrɛnↄn dasi yãi. 
À go ma kĩnaa yãvãnikɛrinↄ, zaakũ Dikiri ma ↄ́ↄ dↄ mà. 
Dikiri ma wikilɛnaa mà, Dikiri ma aduakɛnaa sì. 
Wé'i ni ma ibɛrɛnↄ kũ ò gↄ̃ bídi gũn, oni fua kãnto ò kpɛ li ń pínki. 
