﻿ZABURA.
61.
Dauda lɛ̀ɛ. Luda, ǹ sã kpá ma wikilɛnaai, ǹ ma aduakɛna ma. 
Kunna zaa andunialɛa ma wiki lɛ̀mma, kũ ma wɛ̃̀ndii gↄ̃̀ lɛɛkɛɛ, akũ ma n sisi. Ǹ gɛ́ kũmao gbɛ̀si kũ à lei demala kĩnaa. 
Zaakũ mↄkↄ̃mmɛ ma aafialeki ũ, ma utɛki gbãna ũ ma ibɛrɛnↄ arɛ. 
Má ye màgↄ̃ kú n ↄnn gↄrↄ sĩnda pínki, màgↄ̃ sↄtↄna n orun. 
Luda, zaakũ n lɛ́ kũ ma gbɛ̃̀nnɛ mà, n n vĩnakɛrinↄ bakaa kpàma. 
Ǹ kína dↄ̃ kũ aafiaao, ǹ tó à ká a gↄrↄa. 
Àgↄ̃ kpata ble n dↄ̃naa gũn gↄrↄ sĩnda pínki, ǹ a dãkpã n gbɛ̃kɛ kũ n náanikɛnaao yãi, 
gbasa màgↄ̃ n táaki lɛ́ lákũ gu dìgↄ̃ dↄ nà, manigↄ̃ lɛ́ kũ ma gbɛ̃̀nnɛ fĩna bo gↄrↄ sĩnda pínki. 
