﻿ZABURA.
67.
Lɛ̀ kũ òdi sí kũ guruminↄo. Luda, ǹ ó wɛ̃nda gwa, ǹ ãn werewá ǹ arubarika daógu, 
de andunia pínki gↄ̃ n zɛ́ dↄ̃, buri sĩnda pínki dↄ̃ lákũ ndì gbɛ̃ sura ba nà. 
Ò n táaki lɛ́ Luda, gbɛ̃ sĩnda pínki n táaki lɛ́. 
Burinↄ pↄnna kɛ à ayuwii kɛ, zaakũ ndì yãkpatɛ kɛ kũ gbɛ̃nↄ a zɛ́a, ndì do andunia burinↄnɛ arɛ. 
Ò n táaki lɛ́ Luda, gbɛ̃ sĩnda pínki n táaki lɛ́, 
gbasa zĩtɛ pↄ́ble kɛ, Luda ó Luda ni arubarika daógu. 
Luda ni arubarika daógu, andunia lɛ́zɛkidenↄ ni vĩna kɛnɛ ń pínki. 
