﻿ZABURA.
136.
À Dikiri sáabu kɛ, zaakũ à mana, a gbɛ̃kɛ lakana vĩro. 
À Luda kũ à de tãnanↄla sáabu kɛ, a gbɛ̃kɛ lakana vĩro. 
À Dikiri kũ à de dikirinↄla sáabu kɛ, a gbɛ̃kɛ lakana vĩro. 
Àkũ mɛ́ àdi daboyã zↄ̃kↄ̃nↄ kɛ ado, a gbɛ̃kɛ lakana vĩro. 
À musu kɛ̀ kũ a ↄ̃ndↄ̃o, a gbɛ̃kɛ lakana vĩro. 
À zĩtɛ kpàtɛ í musu, a gbɛ̃kɛ lakana vĩro. 
À pↄ́gupuri zↄ̃kↄ̃nↄ kɛ̀, a gbɛ̃kɛ lakana vĩro. 
À ifãntɛ̃ kɛ̀ à kí ble fãnantɛ̃, a gbɛ̃kɛ lakana vĩro. 
À mↄvura kũ susunɛnↄ kɛ̀ ò kí ble gwãani, a gbɛ̃kɛ lakana vĩro. 
À Misila daudunↄ dɛ̀dɛ, a gbɛ̃kɛ lakana vĩro, 
À Isarailanↄ bↄ̀tɛ ń tɛ́, a gbɛ̃kɛ lakana vĩro. 
À a gã̀a pòro kũ a iko gbãnao, a gbɛ̃kɛ lakana vĩro. 
À Isira Tɛ̃ra zↄ̃̀kↄ̃rɛ pla, a gbɛ̃kɛ lakana vĩro. 
À tò Isarailanↄ gɛ̃̀tɛ a dagura, a gbɛ̃kɛ lakana vĩro. 
À Firi'auna kũ a zĩ̀karinↄ kà Isira Tɛ̃ran, a gbɛ̃kɛ lakana vĩro. 
À dò a gbɛ̃nↄnɛ arɛ gbárannan, a gbɛ̃kɛ lakana vĩro. 
À kína zↄ̃kↄ̃nↄ lɛ̀ à nɛ̀, a gbɛ̃kɛ lakana vĩro. 
À kína gbãnadenↄ dɛ̀dɛ, a gbɛ̃kɛ lakana vĩro. 
Amↄrinↄ kína Siↄ̃, a gbɛ̃kɛ lakana vĩro. 
Kũ Basã kína Oguo, a gbɛ̃kɛ lakana vĩro. 
À ń bùsuu sì à gba dào, a gbɛ̃kɛ lakana vĩro. 
À kpà a zↄ̀bleri Isarailanↄa túbi ũ, a gbɛ̃kɛ lakana vĩro. 
À dↄ̀ ó yãn ó gwena vãnin, a gbɛ̃kɛ lakana vĩro. 
À ó bó ó ibɛrɛɛnↄ ↄĩ, a gbɛ̃kɛ lakana vĩro. 
Àdi pↄ́ble kpá pↄ́ sĩnda pínkia, a gbɛ̃kɛ lakana vĩro. 
À Luda Musude sáabu kɛ, a gbɛ̃kɛ lakana vĩro. 
