﻿Josua.
19.
Te augwaligo si wali tǫ dąį ilali, te Simeongo hani sibi deli deliba mani. Te tǫ pedai te augwaligo te Judago tǫ dąį ilali madi, te tǫ tomode elaluali. 
Te tǫ pedaigo sigi pali tǫ te e hanu dabe elaluali, Berseba, aga gasa nogi Seba, te Molada, 
Hasarsual, Bala, Esem, 
Eltolat, Betul, Horma, 
Siklak, Bet Markabot, Hasarsusa, 
Bet Lebaot, Saruhen, te tama hanu tǫ sali. Te 13 hanu dabe dali, te pąde bulu dali elaluali. 
Te e tama hanu me elaluali, Ain, me Rimon, me Eter, me Asan, tama elaluali. Te hanu me si me si dali, te pąde bulu dabe dali elaluali. 
Te Balatber teba dąį igi pali, te gasa nogi wabo Rama tama, te Negev pedai badu elaluali, tama tede elalubo dwasianu bulu dabe elaluali. Te tama tǫ pedai naga te Simeongo hani sibi deli deligo sai dao. 
Te Simeongo tǫ te Judago tǫ tomode elaluali. Te augwaligo Judago tǫ dąį ilali te genuai mu elaluali. Tama tibaso, te Juda dabego usu da po weyu, tama te tǫ pedai me badu te Simeongo hanigo sali. 
Te sela wali tǫ augwaligo te Sebulungo hani sibi deli delibolo dąį ilama, mani. Te augwaligo sali tǫ dąį pali, te Sarit dąį igi pali. 
Tama dąį pali, te giliga dega sabo badu te Mareal dąį igi pelama, te Dabeset te pąba sabolama, tama te Jokneam pąde elalubo dwasianu wę te giliga pedalubo badu sabolali. 
Te Sarit pedai badu, te dąį pali, te Kislot Tabor te giliga pedalubo te sesege badu dąį igi palima, te pelama, Daberat sabolama, tama te Jafia te ugwaba pelama, sabolali. 
Tama dąį pidubadi, te giliga pedalubo te dąį igi pelama, te Gathefer me Etkasin, teba sabolama, tama begelalima, te Nea badu te Rimon teba pabo sunumi te dąį igi pai. 
Tama te not badu dąį begelali, te Hanaton dąį igi palima, tama te Iptahel tǫ maluba pedelali. 
Tama te tǫgo te Katat, me Nahalal, me Simron, me Idala, me Betlehem, te tama hanu sigi pali. Te 12 te tama hanu dali, te pąde bulu dabe dali elaluali. 
Te hanu dabe dali, te pąde elaluali bulu dabe dali, te Sebulungo hani sibi deli deligo sali tǫde te pedaide elaluali. 
Te tǫ me si me si wali te augwaligo te Isakar hani sibi deli deliba sa munama mani. 
Te tǫ pedaigo te Jesril, Kesulot, Sunem, te tama hanu sali, 
Hafaraim, Sion, Anaharat, 
Rabit, Kision, Ebes, 
Remet, Enganim, Enhada, Betpases, te tama hanu dabe sali. 
Tama dąį pali, te Tabor pąba sabolama, tama te Sahasuma, me Betsemes dąį igi pelama, tama pali, te wę Jordanba sabolali. Agai te 16 hanu te tama hanu dali, te bulu pąde elaluali bulu dabe dali sai dao. 
Te hanu me bulu dabe dali, te tǫ pedai me te Isakargo hani sibi dabego sali. 
Te tǫ pedai a naga wali te augwaligo Asergo hanigo somainogo sa muani. 
Te tǫ pedai te Helkat, me Hali, me Beten, me Aksap, te tama hanu sobadi, 
tama te Alamelek, me Amat, me Misal, te tama sali. Te giliga dega sabo badu te Karmel me Sihorlipnat te pąba pedelali. 
Tama dąį begelali, te giliga pedalubo madi teba sabolali, te Betdagon te dąį igi pelama, tama palima, te Sebulungo tǫ pąba dąį igi pelama, tama te Iptahel te tǫ maludu pelama, te not te Betemek me Neiel sabolali. Tama dąį pidubadi, te not badu te Kabul dąį igi pelama, 
tama Ebron, me Rehop, me Hamon, me Kana tama pali, te genuai hanu Saidonba sabolali. 
Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi, 
me Uma, me Afek, me Rehop, te tama tǫ me hanu sobadi yali. Te 22 hanu, te tama hanu badi, te pąde elaluali bulu dabe dali sobadi yali. 
Te hanu me, te bulu dabe dali, te tǫ dali te Asergo hani sibi deli deligo sali tǫde elaluali. 
Te a naga olama, me badu nogo kibisa deli wali tǫ te augwaligo Naptaligo hani sibi deli delibolo dąį ilali. 
Te augwaligo dąį eyu, te Helep tagalama, tama te Sananimde elaluali ni ok te dąį igi pelama, tama te Adami Nekep me Japnel dąį igi pelama, tama pali, te Lakum dąį igi pelama, tama te wę Jordanba siligi pali. 
Tama dąį pali, te giliga dulubo badu begelama, te Asnot Tabor, me Hukok te dąį igi pelama, tama te Sebulungo tǫ te saut pąbadu sabolama, tama te Asergo tǫ badu, me te giliga dega sabo badu pelama, te Judago tǫ badu dąį igi palima, te giliga pedalubo badu te wę Jordan dąį igi pai. 
Te dili yai masigigo nigali obo bagulali elaluali hanu dabe te e dao, Sidim, Ser, Hamat, Rakat, Kineret, 
Adama, Rama, Hasor, 
Kedes, Edrei, Enhasor, 
Yiron, Mikdalel, Horem, Betanat, me Betsemes. Te hanu dabe dali, te gasa hanu dali nedeyu, te 19 tama hanu dali te tama bulu pąde dabe dali elaluali. 
Te tama hanu me, te bulu dabe dali, te Naptali hani sibi deli deligo sali tǫde elaluali. 
Te a naga olama, me badu nogo si tǫ te augwaligo Dan hani sibi deli delibolo sa muani. 
Te tǫ pedaigo te e tama hanu sali, Sora, Estaol, Irsemes, 
Salabin, Aijalon, Itla, 
Elon, Timna, Ekron, 
Elteke, Gibeton, Balat, 
Jehut, Beneberak, Gatrimon, 
Mejarkon, me Rakon, me te Jopa, te bulu habu badu elaluali. 
Nosali te Dango hani dabe bidali tǫde te tǫ page bidi dabego augwali ela gudulai. Tama tibaso, te Dan dabe te Lesem buluba pelama, tama augwali dali boi hwįgi pali. Augwaligo te hanu sainu, te hanude bidali bulu page bidi dabe te tigidali ela silai. Nosali augwaligo te po wali, te tǫ te augwa tǫ dao wali, tama augwali tede bidaluali. Augwaligo te hanu Lesem te nogi hasegelama, tama augwaligo te nogi Dan poali, te augwa wąįgo nogi tiwai mu dolo poali. 
Te bulude te elaluali hanu, me te pąde elaluali bulu dabe dali, te Dango hani sibi deli deli augwa sali. 
Te Israel dabe augwaligo te tigidali tǫ sesabela silama, tama augwaligo te tǫ pedai me deli te Josua mani, te aga Nungo ogwa dao. 
Josuago te bidi dabe augwalibolo hanaluyu, te Timnat Sera, te Efraimgo bulu du pedai badu mao po wali. Tialima, augwaligo agabolo te hanu mani, te Genuai Bidigo po wali gilama tama tiali. Tama Josuago te hanu ma nigilama, tama aga te hanude bidali. 
Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio. 
