﻿Godigo Nogi Ugwaba Sabo Tęąbi Po Wabo Buku Dabe.
67.
God, nago te olo tau sabo wiegi yai kolesaga dabolo elama, tama daba te wiegi yai sę yao. Nago daba homu kone palama, tama da tau sao. 
Tama tiyu, te tigidali we bidigo nago kolesaga te konemainu elama, tama tigidali hanigo te nago augwali ma saiba weyu, te augwaligo konemainao. 
God, eno homugo te tigidali bagego nageba wiegi yai pemene elama, tama nago nogi ugwaba somainu yao. 
Tigidali hani we bidi te bugai haliga elama, tama wiegi yai pemene ebo tęąbi emainu yao, magi baso meni, te nago tigidali we bidigo kolesaga te doloba pai po tų ebogo dagalaibao, tama nago te we bidi hani dabe te wiegi yai sunumidu bugagia bilimainu dodolobo dao. 
God, eno homugo te tigidali bagego te nageba wiegi yai pemene elama, tama nago nogi ugwaba somainu yai dao. 
Te wiegi yai nai hauwa dago tǫde pedelalio. God, aga te dago God, agai te dabolo wiegi yai sę bugagia mu yai. 
Mu tama, Godigo te wiegi yai sę dabolo bugagia yai. Te tigidali tǫde we bidite aga dologode bidaluao. 
