﻿Godigo Nogi Ugwaba Sabo Tęąbi Po Wabo Buku Dabe.
98.
Dago gesi balia Genuai Bidiba wao. Agai te haniani wiegi yai sę yai. Te agai genuai bomogo, tama aga tedali wiegi yai kolesagade naga, agai te hwįbo boi bidigo bomo aiyaba elaluai. 
Genuai Bidi agai te hwįnama, te boi bidi aiyaba elaluali po pusali, tama agai augwali ma dobola sabo bomo te aga hani we bidi dabeba ola mawai, te agai Israel dabe ma sali sogo tialio. 
Agai te aga dąų walali pode homu konealuai, tama agai te Israel dabe homu dene eyu, tama augwali me tagalubeo. Tigidali bulu te tigidali we bidigo sualio. Te dena Godigo te boi bidigo bomo aiyaba elaluama, tama da ma sai dao. 
Dage tǫde we bidi dabe i hae weyu, Genuai Bidiba pemene yao. Te bugai haliga ebo tęąbi hodolama weyu, tama agai nogi ugwaba sao. 
Te gita eliyu, tama te tęąbi dabe weyu, te Genuai Bidi nogi ugwaba sao. Te gitago wiegi yai musik mu waiyąo. 
Te biugel me ona eliyu, me bu weyu, tama i weyu, te wiegi yai pemene Genuai Bidiba yao, aga te king dao. 
Tama tamu ąį, nage dali te nagede elalubo tigidali sųgų me, dagego te tęąbi waiyąo. 
Te genuai soabo ąį dabe, dagego te nogo eliyąo. Tama te bulu du dabe, dagego tęąbi weyu, te Genuai Bidi gedude pemene yao. 
Magi baso meni, aga te tigidali bulu tǫ tonaluainu asobao. Tama aga te king bidu, tama tigidali we bidi te doloba pai kolesagade tonaluyu, te po tų ebo dolo naga yaibao. 
