﻿Godigo Nogi Ugwaba Sabo Tęąbi Po Wabo Buku Dabe.
99.
Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao. 
Te Saionde Genuai Bidigo te genuai bomo mu elalubao, tama agai te tigidali tǫde bidibo hani bage tonalubao. 
Tigidali we bidigo aga te polalubo king te genuai nogi elalubo homu koneaibao. Tama augwa aga genuai nogi ugwaba somainu yaibao. Aga te tedali wiegi yai mu dao. 
Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali. 
Dagego te Genuai Bidigo nogi ugwaba siąo, aga te dena God dao. Dage pąba pelama, tama agaba lotu waiyąo. Aga te tedali wiegi yai mu dao. 
Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao. 
Aga te genuai dagalu pǫde bidama, tama augwaliba te bomai po mani. Tama te Godigo augwaliba mani bomai po tigidali te augwaligo wali pai dao. 
God, dago Genuai Bidi, nago te naga we bidi augwaligo gedu haluasa po odali. Nago augwaliba ola mawai, naga digi nage te God, tama nago te augwaligo sęgę sela sąbo dao, tiali goli, nago te augwa ebo dwai sęde te dene mayu yai dao. 
Te dena Genuai Bidi Godigo nogi ugwaba sao. Tama aga bulu dude te agaba lotu wao. God, dena Genuai Bidi, aga te tedali wiegi yai mu bidibo dao. 
