﻿Godigo Nogi Ugwaba Sabo Tęąbi Po Wabo Buku Dabe.
113.
Genuai Bidigo nogi ugwaba sao. Dage Genuai Bidigo sę bidigo, te Genuai Bidigo nogi ugwaba sao. 
Da tigidaligo te wiegi yai pemene te Genuai Bidigo nogide yao, megi, me tigidali bidada pabo sogo nosali, te tama tiao. 
Te giliga pedalubo badu, me giliga dega sigulubo badu, teba usu nigi peyu, da tigidali we bidigo te Genuai Bidi nogi ugwa sao. 
Genuai Bidigo te tigidali hani bage tonalubao. Te aga genuai nogigo te tigidali dagalude nai aiyaba elaluai dao. 
Dago God Genuai Bidi tiwai bidi me deli elalubeo. Aga te ugwadu mu bidibao. 
Agai te dagalu me tǫ dali suainu, aiyaba tonalubao. 
Agai te magi nai meni yai bidi dabe tau sobaso, tama augwali dwai me ma bidibeo. Augwali bugagia naga bidibao. Agai te doado bage sǫą pali bidi dabe tau selama, tama augwa usu nama sabo dao. 
Agai te aga bage tobolu bidi dabe dali munama, bidibo dao. 
Tama agai te wai ame nisąbo we dabeba bugai sę elama, tama augwa te wai hauwa ame nomainu ebaso, tama te we dabe augwa pemene mu ebo dao. Te Genuai Bidigo nogi ugwaba sao. 
