﻿Godigo Nogi Ugwaba Sabo Tęąbi Po Wabo Buku Dabe.
114.
Polobadu Israel dabego te Isip tagalama pelawalio. Te Jekopgo hani dabego te gasa hani dabego bulu taga soai dao. 
Te augwaligo tama tiali sogo, te Juda te Genuai Bidigo tedali gasagi yai hani bage pedaliyu, te Israel dabe me tama tiali. 
Te nosa elalubo tamu ąį agai te tonono elama, tama wi palio, tama te wę Jordan dolalu, tama te wę ma soabeo. 
Te genuai bulu du dabe te meme sasa mano pelabo tiwai eyu, tama te dwasianu bulu du dabe te sipsip dabe sasa mano pelabo tiwai yalio. 
Tamu ąį, magi nai pedalubaso, nage wi paliwe? Jordan wę, magi baso tama nage ma soabewe? 
Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe? 
Tǫ, megi da Genuai Bidi asobaso, tama nage mumunu yao. Te Jekopgo God asalio, tama nage mumunu yao. 
Agai te masigigo ulu wę pedalumainu ilali, tama te bulu du masigigo te genuai soabo wę pedalubo dao. 
