﻿Godigo Nogi Ugwaba Sabo Tęąbi Po Wabo Buku Dabe.
124.
“Te Genuai Bidigo da me tau sigi menigi sogo da, teda magi igi dawe?” Te Israel dabego te hanalubo wei ponao. 
“Polobadu te bidi dabego dabolo haliga sębę elama, tama augwaligo da dali hwįani. Tama Genuai Bidigo da tau sigi menigi sogo da, te boi bidi dabego augwa haliga sębęgo da mu doligi dao. 
Te da węgo bomogo sabo tiwai elama hagagi da, tama te węgo da mesegelibo tiwai igi dao. 
Tama te wę bomo yai asiyu, da sigibaso, tama da isigi dao. Tiali goli, me tebeo menio.” 
Dago Genuai Bidiba usu da mu wao. Agai te boi bidi dabego da silimainu me ebeo. 
Dago augwali tagalali, te ba te bidi me deligo muani wade tola sali te tagalubo tiwai elama, tama bola pali. Te wa alua pelama, tama da tede ma dąų me elalubeo. 
Te dagalu dali, tǫ dali nigali Genuai Bidigo, aga digi te da tau sabo dao. 
