﻿Godigo Nogi Ugwaba Sabo Tęąbi Po Wabo Buku Dabe.
126.
Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai. 
Tama dago gisugu kisu selama mu wali, tama dago pemene umabo mu ebo tęąbi wali. Tama te Genuai Bidigo po konesiąbo bidi dabego te tiwai po wali, “Genuai Bidigo te genuai sę mu ebogo te Israel dabe tau sabo dao,” wali. 
Mu dao, Genuai Bidigo te genuai sę mu da tau siyu yai dao. Tama tibaso, da bugai haliga mu ebo dao. 
Genuai Bidi, nago da tigidali dena tǫba ma odasa asao. Te tama tiali, te buside wę gamia soabo te wa pomainu ebo tiwai bolo yali, tiali goli, nago te tulubage tulumainu elama, tama wę te ąį gamiade pągąmainu yao. 
Te gela wabo sę eyu, te nai bulali bidi dabe, te augwa wiegi yai pemene elama, te inayu tau yali nai nosali saibao. 
Mu tama dao. Te gela weyu, te nai wai sela pelama, bulugi pali bidi dabe, nosali augwa te wiegi yai pemene ebo tęąbi weyu, tama te tau yali nai dabe selama, asaibao. 
