﻿Godigo Nogi Ugwaba Sabo Tęąbi Po Wabo Buku Dabe.
137.
Da te Babilon dabego wę sesegede bidalu, tama dago te Saionba homu kone palubao. Tama tiyu, da gela udubao. 
Dago dena gita dabe te pąde elalubo ni nologode walama, elaluali. 
Tama da te kalabus yali bidi dabego te tama po wali, “Dago homugo te dagego da bugai haliga yabo tęąbi meba omainu homu ebao,” wali. “Te Saion tęąbi me deli waiyąo,” po walio. 
Tiali goli, magi baso dago te Genuai Bidiba tęąbi te dago bulude wabo ąǫ te mena bulude waibawe? Te usu mu me egobeo. 
Jerusalem, te eno nageba homu kone isiąyu da, teda eno te gita ma elainu ebaso, te usu me egobeo. 
Jerusalem, te eno nageba homu kone me isiąyu, tama te eno polalubo pemene ebo homu nageba sa munama, bidisąbaso da, teda eno dogoni dolobaso, tama eno tęąbi ma wainu ebaso, usu me egobeo. 
Genuai Bidi, nago te Idom dabego yali kolesaga homugo ma kone palao, te augwa hwįani sogo te Jerusalem sai. Augwa te wali po ma homude koneao. Augwaligo te tama po wali, “Te Jerusalemde tigidali be me te tigidali aluama, tama tigidali dolao,” po wai dao. 
Babilon, odao. Te nage dolaibao. Te nago dabolo yali dwai sę wei ponobo bidi da, te bidi aga pemene yagameo. 
Te bidigo te nago dwasianu wai puluba dabe selama, tama augwali te masigiba aiya sąnama tama augwali mu dolagameo. 
