﻿Godigo Nogi Ugwaba Sabo Tęąbi Po Wabo Buku Dabe.
138.
Genuai Bidi, te eno haliga tigidali mugo nageba usu da obao. Te tigidali tibo godigo gedude te eno nago nogi ugwaba sabo tęąbi po obao. 
Eno te nago tedali wiegi yai tempel bego gedude kidu sugunama, tama nago nogi ugwaba sobao. Magi baso meni, nago ena sesemane sogo godolo mu elama, tama nago ena bugagia tonalubo dao. Nago dabolo ola manio, nage dali, te nago po dali, te mu polalubo dao. 
Te eno nageba i wabo sogo, nago eno gedu haluasa po wabo odolama, tama nago naga bomo digi enaba menama, tama ena bomo mu elalu bidalio. 
Te tigidali tǫde kingo nago dąų walali po odola silama, tama tiyu, augwa te nago nogi ugwaba saibao. 
Tama augwaligo te nago yali sę dabede te augwa tęąbi po weyu, tama nago genuai nogide te tęąbi po me waibao. 
Genuai Bidi, nage te ugwadu mu bidiyu, tama nage polalubao, tiali goli, nago te hagoma homu isiąbo we bidi dabeba homu kone ebao. Tama te hagoma ebo bidi dabe me te nagede geme me duala sogobeo. 
Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao. 
Genuai Bidi, eno koneani, te nago enabolo po dąų walali gilama te tigidali sę yaibao. Tama nago ena te sesemane bidada pabo sogo godolo mu ebo dao. Eno homugo nago te hodolali sę tigidali silimainu homu ebao. 
