﻿Godigo Nogi Ugwaba Sabo Tęąbi Po Wabo Buku Dabe.
150.
Te Genuai Bidigo nogi ugwaba sinao. Te Godigo nogi te aga tempel bede ugwaba sao. Dago te aga genuai bomo te dagalude elalubaso, te aga nogi ugwaba mu sao. 
Agai te genuai sę dabe yai. Tama tibaso, dago aga nogi ugwaba sao. Aga te mu polalu, tama te genuai nogi ugwadu mu elalubao. Dago aga nogi ugwaba sao. 
Te biugel bu weyu, te aga nogi ugwaba sao. Te gita dabe me, musik me eliyu, tama te aga nogi ugwaba sao. 
Te tamborin eliyu, te tęąbi weyu, tama aga nogi ugwaba sao. Te gita eliyu, tama te ona eliyu, tama aga nogi ugwaba sao. 
Te simbol eliyu, tama te aga hwą ola peyu, tama te Genuai Bidigo nogi ugwaba sao. Te simbol bomonama weyu, te hwą wabo genuai pedaliyu, tama te hwą wabogo Genuai Bidigo nogi ugwaba siąo. 
Dage te bidibo ula elalubo tigidali nai, dagego te Genuai Bidigo nogi ugwaba sao. Te Genuai Bidigo nogi ugwaba sinao. 
