Sabo.
60.
Nampiezeñezeñe’o ty tane; nabenta’o; melaño o jeba’eo, fa miozoñozoñe. 
Nampahaoniña’o ­fisotriañe ondati’oo; nampitohofa’o divay mampivembèñe. 
Nanolora’o viloñe o mañeveñe ama’oo; honjoneñe ty ami’ty hatò. Selà 
Soa te ho hahàñe o kokoa’oo; rombaho am-pità’o havana; toiño raho. 
Nitsara ami’ty hamasiña’e t’i Andrianañahare: Hitreñe raho, ho zaraeko ty Sekeme, vaho ho zeheko ty vavatane’ i Sokote; 
ahiko t’i Gilàde, naho ahiko t’i Menasè; fiaron-dohako t’i Efraime, kobaiko t’Iehodà; 
Koveta fisasako t’i Mòabe; fampipohan-kanako t’i Edome miroharohà ty amako, ry Pilisty. 
Ia ty hampihova ahy amy rova fatratsey? Ia ty hiaolo ahy mb’ Edome mb’eo? 
Tsy Ihe hao ry Andrianañahare ty nahafary anay? Tsy hitraofa’o fionjonañe hao, ry Andrianañahare o lahindefo’aio ! 
Oloro amy rafelahiy zahay, fa tsy vente’e ty fandrombaha’ ondatio. 
I Andrianañahare ro fahareketa’ay, Ie ty handialia o rafelahi’aio.