Sabo.
95.
Antao hisabo am’ Iehovà; Antao hipoña-peo amy lamilamim-pandrombahan-tikañey. 
Ntao hiatrek’Aze am-pañandriañañe, antao hirebek’ ama’e an-tsabo. 
Andrianamboatse jabahinake t’Iehovà, naho Mpanjaka ra’elahy ambone’ ze fanalolahy iaby. 
Am-pità’e ao o hatsikeokeo’ ty tane toio, Aze ka o lengom-bohitseo. 
Aze i riakey, ie ty namboatse aze, nitsenèm-pità’e i tane maikey. 
Mb’etoa, hiambane vaho hitalaho, antao hanongalek’ añatrefa’ Iehovà Mpitsene antikañe. 
Amy te ie t’i Andrianañaharentikañe; itika ro ondatim-piandraza’e, naho ty lia-raim-pità’e; Anito, naho janjiñe’ areo i fiarañanaña’ey ! 
Ko mañagàñe arofo, manahake te Meriba añe, tañ’andro’ i Masa am-babangoañ’ añe; 
Ie nazizin-droae’ areo, naoveove’iareo ndra te nioni’iereo o fitoloñakoo. 
Efa-polo taoñe te nalaiñeko i tariratsey le nanoeko ty hoe: foko miola an-troke, fa tsy apota’ iareo o satakoo; 
Aa le nifanta ami’ty fifomboko: Toe tsy himoaha’iareo ty fitofàko.