Sabo.
110.
Hirahe’ Iehovà boak’e Tsiône ao ty kobain-kaozara’o: Mifehea añivon-drafelahi’o eo! 
Hahimbañe ondati’oo amy andron-kaozara’oy, ami’ty havolonahen-kamasiñañe; boak’an-kovim-panjirik’ andro ao; ama’o ty zono-katora’o. 
Nifanta t’Iehovà, vaho tsy hilesa: Mpisoroñe nainai’e rehe, ami’ty famosora’ i Melkizedeke. 
I Tale am-pitàn-kavana’oy ty handemoke mpanjaka amy andron-kaviñera’ey. 
Hizaka’e añivo’ o fifeheañeo ré, le ho lipore’e lolo ty ao, ho hotohotoe’e an-tane mienene ty loha maro. 
Hikama rano an-torahañe añ’olon-dalañe eo re, vaho hampiandrae’e ty añ’ambone’e.