Sabo.
122.
Fa mijohañe amo lalam-bei’oo ty fandia’ay, ry Ierosalaime! 
Hehe t’Ierosalaime, rova niranjieñe soa-fifamatotse. 
Ie ty ionjona’ o rofòkoo, o rofòko’ Ià-o, ty amy nitaroñañe am’ Israeley, hañandriaña’iareo ty tahina’ Iehovà. 
Ao ty nampitroarañe fiambesam-pizakàñe, o fiambesa’ i tarira’ i Davideio. 
Mihalalia fañanintsiñe am’Ierosalaime: hiraorao o mikoko Azoo. 
Fañanintsiñe ty ho an-kijoli’o ao, naho fierañerañañe amo anjomba’o mitiotiotseo. 
O longokoo naho o rañekoo, le hataoko ty hoe: Fañanintsiñe ama’o. 
I anjomba’ Iehovà Andrianañaharentikañey, ho paiako ty hampibodobodo azo.