Sabo.
137.
Tañ’olon-tsaka e Bavele eo, ty nitoboha’ay naho nirovetse, t’ie nahatiahy i Tsiône. 
Amo sohihy añivo’eo ty nandradoradoa’ay o marovani’aio, 
Teo ty nihalalia’ o mpanese anaio sabo, naho nipaia’ o mpampisoañ’ anaio rebeke, ami’ty hoe : Isabò o sabo’ i Tsiôneo. 
Aa vaho akore ty hisaboentika ty sabo’ Iehovà an-tanen’ ambahiny atoy? 
Naho haliñoko rehe ry Ierosalaime, le angao ho kombimba ty sirako havana. 
Adono hipitek’ ami’ty lañilañiko ty lelako, naho tsy mahatiahy azo raho, lehe tsy aonjoko ambone’ ze mahafale ahiko iaby t’Ierosalaime. 
Tiahio ry Iehovà ty kabò’o amo nte Edomeo tañ’andro’ Ierosalaime: Rotsaho! hoe iereo, akoromaho pak’amo mananta’eo! 
Ry anak-ampela’ i Bavele, harotsake rehe, haha ty hañavak’azo amy nañondroha’o ama’aio. 
Fale ty handrambe o anak’ajaja’oo, handretsake iareo an-damilamy eo.