﻿Acts.
22.
ཧེ པིཏྲྀགཎཱ ཧེ བྷྲཱཏྲྀགཎཱཿ, ཨིདཱནཱིཾ མམ ནིཝེདནེ སམཝདྷཏྟ། 
ཏདཱ ས ཨིབྲཱིཡབྷཱཥཡཱ ཀཐཱཾ ཀཐཡཏཱིཏི ཤྲུཏྭཱ སཪྻྭེ ལོཀཱ ཨཏཱིཝ ནིཿཤབྡཱ སནྟོ྅ཏིཥྛན྄། 
པཤྩཱཏ྄ སོ྅ཀཐཡད྄ ཨཧཾ ཡིཧཱུདཱིཡ ཨིཏི ནིཤྩཡཿ ཀིལིཀིཡཱདེཤསྱ ཏཱརྵནགརཾ མམ ཛནྨབྷཱུམིཿ,ཨེཏནྣགརཱིཡསྱ གམིལཱིཡེལནཱམྣོ྅དྷྱཱཔཀསྱ ཤིཥྱོ བྷཱུཏྭཱ པཱུཪྻྭཔུརུཥཱཎཱཾ ཝིདྷིཝྱཝསྠཱནུསཱརེཎ སམྤཱུརྞརཱུཔེཎ ཤིཀྵིཏོ྅བྷཝམ྄ ཨིདཱནཱིནྟནཱ ཡཱུཡཾ ཡཱདྲྀཤཱ བྷཝཐ ཏཱདྲྀཤོ྅ཧམཔཱིཤྭརསེཝཱཡཱམ྄ ཨུདྱོགཱི ཛཱཏཿ། 
མཏམེཏད྄ དྭིཥྚྭཱ ཏདྒྲཱཧིནཱརཱིཔུརུཥཱན྄ ཀཱརཱཡཱཾ བདྡྷྭཱ ཏེཥཱཾ པྲཱཎནཱཤཔཪྻྱནྟཱཾ ཝིཔཀྵཏཱམ྄ ཨཀརཝམ྄། 
མཧཱཡཱཛཀཿ སབྷཱསདཿ པྲཱཙཱིནལོཀཱཤྩ མམཻཏསྱཱཿ ཀཐཱཡཱཿ པྲམཱཎཾ དཱཏུཾ ཤཀྣུཝནྟི, ཡསྨཱཏ྄ ཏེཥཱཾ སམཱིཔཱད྄ དམྨེཥཀནགརནིཝཱསིབྷྲཱཏྲྀགཎཱརྠམ྄ ཨཱཛྙཱཔཏྲཱཎི གྲྀཧཱིཏྭཱ ཡེ ཏཏྲ སྠིཏཱསྟཱན྄ དཎྜཡིཏུཾ ཡིརཱུཤཱལམམ྄ ཨཱནཡནཱརྠཾ དམྨེཥཀནགརཾ གཏོསྨི། 
ཀིནྟུ གཙྪན྄ ཏནྣགརསྱ སམཱིཔཾ པྲཱཔྟཝཱན྄ ཏདཱ དྭིཏཱིཡཔྲཧརཝེལཱཡཱཾ སཏྱཱམ྄ ཨཀསྨཱད྄ གགཎཱནྣིརྒཏྱ མཧཏཱི དཱིཔྟི རྨམ ཙཏུརྡིཤི པྲཀཱཤིཏཝཏཱི། 
ཏཏོ མཡི བྷཱུམཽै པཏིཏེ སཏི, ཧེ ཤཽལ ཧེ ཤཽལ ཀུཏོ མཱཾ ཏཱཌཡསི? མཱམྤྲཏི བྷཱཥིཏ ཨེཏཱདྲྀཤ ཨེཀོ རཝོཔི མཡཱ ཤྲུཏཿ། 
ཏདཱཧཾ པྲཏྱཝདཾ, ཧེ པྲབྷེ ཀོ བྷཝཱན྄? ཏཏཿ སོ྅ཝཱདཱིཏ྄ ཡཾ ཏྭཾ ཏཱཌཡསི ས ནཱསརཏཱིཡོ ཡཱིཤུརཧཾ། 
མམ སངྒིནོ ལོཀཱསྟཱཾ དཱིཔྟིཾ དྲྀཥྚྭཱ བྷིཡཾ པྲཱཔྟཱཿ, ཀིནྟུ མཱམྤྲཏྱུདིཏཾ ཏདྭཱཀྱཾ ཏེे ནཱབུདྷྱནྟ། 
ཏཏཿ པརཾ པྲྀཥྚཝཱནཧཾ, ཧེ པྲབྷོ མཡཱ ཀིཾ ཀརྟྟཝྱཾ? ཏཏཿ པྲབྷུརཀཐཡཏ྄, ཨུཏྠཱཡ དམྨེཥཀནགརཾ ཡཱཧི ཏྭཡཱ ཡདྱཏ྄ ཀརྟྟཝྱཾ ནིརཱུཔིཏམཱསྟེ ཏཏ྄ ཏཏྲ ཏྭཾ ཛྙཱཔཡིཥྱསེ། 
ཨནནྟརཾ ཏསྱཱཿ ཁརཏརདཱིཔྟེཿ ཀཱརཎཱཏ྄ ཀིམཔི ན དྲྀཥྚྭཱ སངྒིགཎེན དྷྲྀཏཧསྟཿ སན྄ དམྨེཥཀནགརཾ ཝྲཛིཏཝཱན྄། 
ཏནྣགརནིཝཱསིནཱཾ སཪྻྭེཥཱཾ ཡིཧཱུདཱིཡཱནཱཾ མཱནྱོ ཝྱཝསྠཱནུསཱརེཎ བྷཀྟཤྩ ཧནཱནཱིཡནཱམཱ མཱནཝ ཨེཀོ 
མམ སནྣིདྷིམ྄ ཨེཏྱ ཏིཥྛན྄ ཨཀཐཡཏ྄, ཧེ བྷྲཱཏཿ ཤཽལ སུདྲྀཥྚི རྦྷཝ ཏསྨིན྄ དཎྜེ྅ཧཾ སམྱཀ྄ ཏཾ དྲྀཥྚཝཱན྄། 
ཏཏཿ ས མཧྱཾ ཀཐིཏཝཱན྄ ཡཐཱ ཏྭམ྄ ཨཱིཤྭརསྱཱབྷིཔྲཱཡཾ ཝེཏྶི ཏསྱ ཤུདྡྷསཏྟྭཛནསྱ དརྴནཾ པྲཱཔྱ ཏསྱ ཤྲཱིམུཁསྱ ཝཱཀྱཾ ཤྲྀཎོཥི ཏནྣིམིཏྟམ྄ ཨསྨཱཀཾ པཱུཪྻྭཔུརུཥཱཎཱམ྄ ཨཱིཤྭརསྟྭཱཾ མནོནཱིཏཾ ཀྲྀཏཝཱནཾ། 
ཡཏོ ཡདྱད྄ ཨདྲཱཀྵཱིརཤྲཽཥཱིཤྩ སཪྻྭེཥཱཾ མཱནཝཱནཱཾ སམཱིཔེ ཏྭཾ ཏེཥཱཾ སཱཀྵཱི བྷཝིཥྱསི། 
ཨཏཨེཝ ཀུཏོ ཝིལམྦསེ? པྲབྷོ རྣཱམྣཱ པྲཱརྠྱ ནིཛཔཱཔཔྲཀྵཱལནཱརྠཾ མཛྫནཱཡ སམུཏྟིཥྛ། 
ཏཏཿ པརཾ ཡིརཱུཤཱལམྣགརཾ པྲཏྱཱགཏྱ མནྡིརེ྅ཧམ྄ ཨེཀདཱ པྲཱརྠཡེ, ཏསྨིན྄ སམཡེ྅ཧམ྄ ཨབྷིབྷཱུཏཿ སན྄ པྲབྷཱུཾ སཱཀྵཱཏ྄ པཤྱན྄, 
ཏྭཾ ཏྭརཡཱ ཡིརཱུཤཱལམཿ པྲཏིཥྛསྭ ཡཏོ ལོཀཱམཡི ཏཝ སཱཀྵྱཾ ན གྲཧཱིཥྱནྟི, མཱམྤྲཏྱུདིཏཾ ཏསྱེདཾ ཝཱཀྱམ྄ ཨཤྲཽཥམ྄། 
ཏཏོཧཾ པྲཏྱཝཱདིཥམ྄ ཧེ པྲབྷོ པྲཏིབྷཛནབྷཝནཾ ཏྭཡི ཝིཤྭཱསིནོ ལོཀཱན྄ བདྡྷྭཱ པྲཧྲྀཏཝཱན྄, 
ཏཐཱ ཏཝ སཱཀྵིཎཿ སྟིཕཱནསྱ རཀྟཔཱཏནསམཡེ ཏསྱ ཝིནཱཤཾ སམྨནྱ སནྣིདྷཽ ཏིཥྛན྄ ཧནྟྲྀལོཀཱནཱཾ ཝཱསཱཾསི རཀྵིཏཝཱན྄, ཨེཏཏ྄ ཏེ ཝིདུཿ། 
ཏཏཿ སོ྅ཀཐཡཏ྄ པྲཏིཥྛསྭ ཏྭཱཾ དཱུརསྠབྷིནྣདེཤཱིཡཱནཱཾ སམཱིཔཾ པྲེཥཡིཥྱེ། 
ཏདཱ ལོཀཱ ཨེཏཱཝཏྤཪྻྱནྟཱཾ ཏདཱིཡཱཾ ཀཐཱཾ ཤྲུཏྭཱ པྲོཙྩཻརཀཐཡན྄, ཨེནཾ བྷཱུམཎྜལཱད྄ དཱུརཱིཀུརུཏ, ཨེཏཱདྲྀཤཛནསྱ ཛཱིཝནཾ ནོཙིཏམ྄། 
ཨིཏྱུཙྩཻཿ ཀཐཡིཏྭཱ ཝསནཱནི པརིཏྱཛྱ གགཎཾ པྲཏི དྷཱུལཱིརཀྵིཔན྄ 
ཏཏཿ སཧསྲསེནཱཔཏིཿ པཽལཾ དུརྒཱབྷྱནྟར ནེཏུཾ སམཱདིཤཏ྄། ཨེཏསྱ པྲཏིཀཱུལཱཿ སནྟོ ལོཀཱཿ ཀིནྣིམིཏྟམ྄ ཨེཏཱཝདུཙྩཻཿསྭརམ྄ ཨཀུཪྻྭན྄, ཨེཏད྄ ཝེཏྟུཾ ཏཾ ཀཤཡཱ པྲཧྲྀཏྱ ཏསྱ པརཱིཀྵཱཾ ཀརྟྟུམཱདིཤཏ྄། 
པདཱཏཡཤྩརྨྨནིརྨྨིཏརཛྫུབྷིསྟསྱ བནྡྷནཾ ཀརྟྟུམུདྱཏཱསྟཱསྟདཱནཱིཾ པཽལཿ སམྨུཁསྠིཏཾ ཤཏསེནཱཔཏིམ྄ ཨུཀྟཝཱན྄ དཎྜཱཛྙཱཡཱམ྄ ཨཔྲཱཔྟཱཡཱཾ ཀིཾ རོམིལོཀཾ པྲཧརྟྟུཾ ཡུཥྨཱཀམ྄ ཨདྷིཀཱརོསྟི? 
ཨེནཱཾ ཀཐཱཾ ཤྲུཏྭཱ ས སཧསྲསེནཱཔཏེཿ སནྣིདྷིཾ གཏྭཱ ཏཱཾ ཝཱརྟྟཱམཝདཏ྄ ས རོམིལོཀ ཨེཏསྨཱཏ྄ སཱཝདྷཱནཿ སན྄ ཀརྨྨ ཀུརུ། 
ཏསྨཱཏ྄ སཧསྲསེནཱཔཏི རྒཏྭཱ ཏམཔྲཱཀྵཱིཏ྄ ཏྭཾ ཀིཾ རོམིལོཀཿ? ཨིཏི མཱཾ བྲཱུཧི། སོ྅ཀཐཡཏ྄ སཏྱམ྄། 
ཏཏཿ སཧསྲསེནཱཔཏིཿ ཀཐིཏཝཱན྄ བཧུདྲཝིཎཾ དཏྟྭཱཧཾ ཏཏ྄ པཽརསཁྱཾ པྲཱཔྟཝཱན྄; ཀིནྟུ པཽལཿ ཀཐིཏཝཱན྄ ཨཧཾ ཛནུནཱ ཏཏ྄ པྲཱཔྟོ྅སྨི། 
ཨིཏྠཾ སཏི ཡེ པྲཧཱརེཎ ཏཾ པརཱིཀྵིཏུཾ སམུདྱཏཱ ཨཱསན྄ ཏེ ཏསྱ སམཱིཔཱཏ྄ པྲཱཏིཥྛནྟ; སཧསྲསེནཱཔཏིསྟཾ རོམིལོཀཾ ཝིཛྙཱཡ སྭཡཾ ཡཏ྄ ཏསྱ བནྡྷནམ྄ ཨཀཱརྵཱིཏ྄ ཏཏྐཱརཎཱད྄ ཨབིབྷེཏ྄། 
ཡིཧཱུདཱིཡལོཀཱཿ པཽལཾ ཀུཏོ྅པཝདནྟེ ཏསྱ ཝྲྀཏྟཱནྟཾ ཛྙཱཏུཾ ཝཱཉྪན྄ སཧསྲསེནཱཔཏིཿ པརེ྅ཧནི པཽལཾ བནྡྷནཱཏ྄ མོཙཡིཏྭཱ པྲདྷཱནཡཱཛཀཱན྄ མཧཱསབྷཱཡཱཿ སཪྻྭལོཀཱཤྩ སམུཔསྠཱཏུམ྄ ཨཱདིཤྱ ཏེཥཱཾ སནྣིདྷཽ པཽལམ྄ ཨཝརོཧྱ སྠཱཔིཏཝཱན྄། 
