﻿༡ ཀརིནྠིནཿ.
2.
ཧེ བྷྲཱཏརོ ཡུཥྨཏྶམཱིཔེ མམཱགམནཀཱལེ྅ཧཾ ཝཀྟྲྀཏཱཡཱ ཝིདྱཱཡཱ ཝཱ ནཻཔུཎྱེནེཤྭརསྱ སཱཀྵྱཾ པྲཙཱརིཏཝཱན྄ ཏནྣཧི; 
ཡཏོ ཡཱིཤུཁྲཱིཥྚཾ ཏསྱ ཀྲུཤེ ཧཏཏྭཉྩ ཝིནཱ ནཱནྱཏ྄ ཀིམཔི ཡུཥྨནྨདྷྱེ ཛྙཱཔཡིཏུཾ ཝིཧིཏཾ བུདྡྷཝཱན྄། 
ཨཔརཉྩཱཏཱིཝ དཽརྦྦལྱབྷཱིཏིཀམྤཡུཀྟོ ཡུཥྨཱབྷིཿ སཱརྡྡྷམཱསཾ། 
ཨཔརཾ ཡུཥྨཱཀཾ ཝིཤྭཱསོ ཡཏ྄ མཱནུཥིཀཛྙཱནསྱ ཕལཾ ན བྷཝེཏ྄ ཀིནྟྭཱིཤྭརཱིཡཤཀྟེཿ ཕལཾ བྷཝེཏ྄, 
ཏདརྠཾ མམ ཝཀྟྲྀཏཱ མདཱིཡཔྲཙཱརཤྩ མཱནུཥིཀཛྙཱནསྱ མདྷུརཝཱཀྱསམྦལིཏཽ ནཱསྟཱཾ ཀིནྟྭཱཏྨནཿ ཤཀྟེཤྩ པྲམཱཎཡུཀྟཱཝཱསྟཱཾ། 
ཝཡཾ ཛྙཱནཾ བྷཱཥཱམཧེ ཏཙྩ སིདྡྷལོཀཻ རྫྙཱནམིཝ མནྱཏེ, ཏདིཧལོཀསྱ ཛྙཱནཾ ནཧི, ཨིཧལོཀསྱ ནཤྭརཱཎཱམ྄ ཨདྷིཔཏཱིནཱཾ ཝཱ ཛྙཱནཾ ནཧི; 
ཀིནྟུ ཀཱལཱཝསྠཱཡཱཿ པཱུཪྻྭསྨཱད྄ ཡཏ྄ ཛྙཱནམ྄ ཨསྨཱཀཾ ཝིབྷཝཱརྠམ྄ ཨཱིཤྭརེཎ ནིཤྩིཏྱ པྲཙྪནྣཾ ཏནྣིགཱུཌྷམ྄ ཨཱིཤྭརཱིཡཛྙཱནཾ པྲབྷཱཥཱམཧེ། 
ཨིཧལོཀསྱཱདྷིཔཏཱིནཱཾ ཀེནཱཔི ཏཏ྄ ཛྙཱནཾ ན ལབྡྷཾ, ལབྡྷེ སཏི ཏེ པྲབྷཱཝཝིཤིཥྚཾ པྲབྷུཾ ཀྲུཤེ ནཱཧནིཥྱན྄། 
ཏདྭལླིཁིཏམཱསྟེ, ནེཏྲེཎ ཀྐཱཔི ནོ དྲྀཥྚཾ ཀརྞེནཱཔི ཙ ན ཤྲུཏཾ། མནོམདྷྱེ ཏུ ཀསྱཱཔི ན པྲཝིཥྚཾ ཀདཱཔི ཡཏ྄། ཨཱིཤྭརེ པྲཱིཡམཱཎཱནཱཾ ཀྲྀཏེ ཏཏ྄ ཏེན སཉྩིཏཾ། 
ཨཔརམཱིཤྭརཿ སྭཱཏྨནཱ ཏདསྨཱཀཾ སཱཀྵཱཏ྄ པྲཱཀཱཤཡཏ྄; ཡཏ ཨཱཏྨཱ སཪྻྭམེཝཱནུསནྡྷཏྟེ ཏེན ཙེཤྭརསྱ མརྨྨཏཏྟྭམཔི བུདྷྱཏེ། 
མནུཛསྱཱནྟཿསྠམཱཏྨཱནཾ ཝིནཱ ཀེན མནུཛེན ཏསྱ མནུཛསྱ ཏཏྟྭཾ བུདྷྱཏེ? ཏདྭདཱིཤྭརསྱཱཏྨཱནཾ ཝིནཱ ཀེནཱཔཱིཤྭརསྱ ཏཏྟྭཾ ན བུདྷྱཏེ། 
ཝཡཉྩེཧལོཀསྱཱཏྨཱནཾ ལབྡྷཝནྟསྟནྣཧི ཀིནྟྭཱིཤྭརསྱཻཝཱཏྨཱནཾ ལབྡྷཝནྟཿ, ཏཏོ ཧེཏོརཱིཤྭརེཎ སྭཔྲསཱདཱད྄ ཨསྨབྷྱཾ ཡད྄ ཡད྄ དཏྟཾ ཏཏྶཪྻྭམ྄ ཨསྨཱབྷི རྫྙཱཏུཾ ཤཀྱཏེ། 
ཏཙྩཱསྨཱབྷི རྨཱནུཥིཀཛྙཱནསྱ ཝཱཀྱཱནི ཤིཀྵིཏྭཱ ཀཐྱཏ ཨིཏི ནཧི ཀིནྟྭཱཏྨཏོ ཝཱཀྱཱནི ཤིཀྵིཏྭཱཏྨིཀཻ ཪྻཱཀྱཻརཱཏྨིཀཾ བྷཱཝཾ པྲཀཱཤཡདྦྷིཿ ཀཐྱཏེ། 
པྲཱཎཱི མནུཥྱ ཨཱིཤྭརཱིཡཱཏྨནཿ ཤིཀྵཱཾ ན གྲྀཧླཱཏི ཡཏ ཨཱཏྨིཀཝིཙཱརེཎ སཱ ཝིཙཱཪྻྱེཏི ཧེཏོཿ ས ཏཱཾ པྲལཱཔམིཝ མནྱཏེ བོདྡྷུཉྩ ན ཤཀྣོཏི། 
ཨཱཏྨིཀོ མཱནཝཿ སཪྻྭཱཎི ཝིཙཱརཡཏི ཀིནྟུ སྭཡཾ ཀེནཱཔི ན ཝིཙཱཪྻྱཏེ། 
ཡཏ ཨཱིཤྭརསྱ མནོ ཛྙཱཏྭཱ ཏམུཔདེཥྚུཾ ཀཿ ཤཀྣོཏི? ཀིནྟུ ཁྲཱིཥྚསྱ མནོ྅སྨཱབྷི རླབྡྷཾ། 
