﻿༡ ཀརིནྠིནཿ.
8.
དེཝཔྲསཱདེ སཪྻྭེཥཱམ྄ ཨསྨཱཀཾ ཛྙཱནམཱསྟེ ཏདྭཡཾ ཝིདྨཿ། ཏཐཱཔི ཛྙཱནཾ གཪྻྭཾ ཛནཡཏི ཀིནྟུ པྲེམཏོ ནིཥྛཱ ཛཱཡཏེ། 
ཨཏཿ ཀཤྩན ཡདི མནྱཏེ མམ ཛྙཱནམཱསྟ ཨིཏི ཏརྷི ཏེན ཡཱདྲྀཤཾ ཛྙཱནཾ ཙེཥྚིཏཝྱཾ ཏཱདྲྀཤཾ ཀིམཔི ཛྙཱནམདྱཱཔི ན ལབྡྷཾ། 
ཀིནྟུ ཡ ཨཱིཤྭརེ པྲཱིཡཏེ ས ཨཱིཤྭརེཎཱཔི ཛྙཱཡཏེ། 
དེཝཏཱབལིཔྲསཱདབྷཀྵཎེ ཝཡམིདཾ ཝིདྨོ ཡཏ྄ ཛགནྨདྷྱེ ཀོ྅པི དེཝོ ན ཝིདྱཏེ, ཨེཀཤྩེཤྭརོ དྭིཏཱིཡོ ནཱསྟཱིཏི། 
སྭརྒེ པྲྀཐིཝྱཱཾ ཝཱ ཡདྱཔི ཀེཥུཙིད྄ ཨཱིཤྭར ཨིཏི ནཱམཱརོཔྱཏེ ཏཱདྲྀཤཱཤྩ བཧཝ ཨཱིཤྭརཱ བཧཝཤྩ པྲབྷཝོ ཝིདྱནྟེ 
ཏཐཱཔྱསྨཱཀམདྭིཏཱིཡ ཨཱིཤྭརཿ ས པིཏཱ ཡསྨཱཏ྄ སཪྻྭེཥཱཾ ཡདརྠཉྩཱསྨཱཀཾ སྲྀཥྚི རྫཱཏཱ, ཨསྨཱཀཉྩཱདྭིཏཱིཡཿ པྲབྷུཿ ས ཡཱིཤུཿ ཁྲཱིཥྚོ ཡེན སཪྻྭཝསྟཱུནཱཾ ཡེནཱསྨཱཀམཔི སྲྀཥྚིཿ ཀྲྀཏཱ། 
ཨདྷིཀནྟུ ཛྙཱནཾ སཪྻྭེཥཱཾ ནཱསྟི ཡཏཿ ཀེཙིདདྱཱཔི དེཝཏཱཾ སམྨནྱ དེཝཔྲསཱདམིཝ ཏད྄ བྷཀྵྱཾ བྷུཉྫཏེ ཏེན དུརྦྦལཏཡཱ ཏེཥཱཾ སྭཱནྟཱནི མལཱིམསཱནི བྷཝནྟི། 
ཀིནྟུ བྷཀྵྱདྲཝྱཱད྄ ཝཡམ྄ ཨཱིཤྭརེཎ གྲཱཧྱཱ བྷཝཱམསྟནྣཧི ཡཏོ བྷུངྐྟྭཱ ཝཡམུཏྐྲྀཥྚཱ ན བྷཝཱམསྟདྭདབྷུངྐྟྭཱཔྱཔཀྲྀཥྚཱ ན བྷཝཱམཿ། 
ཨཏོ ཡུཥྨཱཀཾ ཡཱ ཀྵམཏཱ སཱ དུརྦྦལཱནཱམ྄ ཨུནྨཱཐསྭརཱུཔཱ ཡནྣ བྷཝེཏ྄ ཏདརྠཾ སཱཝདྷཱནཱ བྷཝཏ། 
ཡཏོ ཛྙཱནཝིཤིཥྚསྟྭཾ ཡདི དེཝཱལཡེ ཨུཔཝིཥྚཿ ཀེནཱཔི དྲྀཤྱསེ ཏརྷི ཏསྱ དུརྦྦལསྱ མནསི ཀིཾ པྲསཱདབྷཀྵཎ ཨུཏྶཱཧོ ན ཛནིཥྱཏེ? 
ཏཐཱ སཏི ཡསྱ ཀྲྀཏེ ཁྲཱིཥྚོ མམཱར ཏཝ ས དུརྦྦལོ བྷྲཱཏཱ ཏཝ ཛྙཱནཱཏ྄ ཀིཾ ན ཝིནཾཀྵྱཏི? 
ཨིཏྱནེན པྲཀཱརེཎ བྷྲཱཏྲྀཎཱཾ ཝིརུདྡྷམ྄ ཨཔརཱདྷྱདྦྷིསྟེཥཱཾ དུརྦྦལཱནི མནཱཾསི ཝྱཱགྷཱཏཡདྦྷིཤྩ ཡུཥྨཱབྷིཿ ཁྲཱིཥྚསྱ ཝཻཔརཱིཏྱེནཱཔརཱདྷྱཏེ། 
ཨཏོ ཧེཏོཿ པིཤིཏཱཤནཾ ཡདི མམ བྷྲཱཏུ ཪྻིགྷྣསྭརཱུཔཾ བྷཝེཏ྄ ཏརྷྱཧཾ ཡཏ྄ སྭབྷྲཱཏུ ཪྻིགྷྣཛནཀོ ན བྷཝེཡཾ ཏདརྠཾ ཡཱཝཛྫཱིཝནཾ པིཤིཏཾ ན བྷོཀྵྱེ། 
