﻿༡ ཀརིནྠིནཿ.
13.
མརྟྱསྭརྒཱིཡཱཎཱཾ བྷཱཥཱ བྷཱཥམཱཎོ྅ཧཾ ཡདི པྲེམཧཱིནོ བྷཝེཡཾ ཏརྷི ཝཱདཀཏཱལསྭརཱུཔོ ནིནཱདཀཱརིབྷེརཱིསྭརཱུཔཤྩ བྷཝཱམི། 
ཨཔརཉྩ ཡདྱཧམ྄ ཨཱིཤྭརཱིཡཱདེཤཱཌྷྱཿ སྱཱཾ སཪྻྭཱཎི གུཔྟཝཱཀྱཱནི སཪྻྭཝིདྱཱཉྩ ཛཱནཱིཡཱཾ པཱུརྞཝིཤྭཱསཿ སན྄ ཤཻལཱན྄ སྠཱནཱནྟརཱིཀརྟྟུཾ ཤཀྣུཡཱཉྩ ཀིནྟུ ཡདི པྲེམཧཱིནོ བྷཝེཡཾ ཏརྷྱགཎནཱིཡ ཨེཝ བྷཝཱམི། 
ཨཔརཾ ཡདྱཧམ྄ ཨནྣདཱནེན སཪྻྭསྭཾ ཏྱཛེཡཾ དཱཧནཱཡ སྭཤརཱིརཾ སམརྤཡེཡཉྩ ཀིནྟུ ཡདི པྲེམཧཱིནོ བྷཝེཡཾ ཏརྷི ཏཏྶཪྻྭཾ མདརྠཾ ནིཥྥལཾ བྷཝཏི། 
པྲེམ ཙིརསཧིཥྞུ ཧིཏཻཥི ཙ, པྲེམ ནིརྡྭེཥམ྄ ཨཤཋཾ ནིརྒཪྻྭཉྩ། 
ཨཔརཾ ཏཏ྄ ཀུཏྶིཏཾ ནཱཙརཏི, ཨཱཏྨཙེཥྚཱཾ ན ཀུརུཏེ སཧསཱ ན ཀྲུདྷྱཏི པརཱནིཥྚཾ ན ཙིནྟཡཏི, 
ཨདྷརྨྨེ ན ཏུཥྱཏི སཏྱ ཨེཝ སནྟུཥྱཏི། 
ཏཏ྄ སཪྻྭཾ ཏིཏིཀྵཏེ སཪྻྭཏྲ ཝིཤྭསིཏི སཪྻྭཏྲ བྷདྲཾ པྲཏཱིཀྵཏེ སཪྻྭཾ སཧཏེ ཙ། 
པྲེམྣོ ལོཔཿ ཀདཱཔི ན བྷཝིཥྱཏི, ཨཱིཤྭརཱིཡཱདེཤཀཐནཾ ལོཔྶྱཏེ པརབྷཱཥཱབྷཱཥཎཾ ནིཝརྟྟིཥྱཏེ ཛྙཱནམཔི ལོཔཾ ཡཱསྱཏི། 
ཡཏོ྅སྨཱཀཾ ཛྙཱནཾ ཁཎྜམཱཏྲམ྄ ཨཱིཤྭརཱིཡཱདེཤཀཐནམཔི ཁཎྜམཱཏྲཾ། 
ཀིནྟྭསྨཱསུ སིདྡྷཏཱཾ གཏེཥུ ཏཱནི ཁཎྜམཱཏྲཱཎི ལོཔཾ ཡཱསྱནྟེ། 
བཱལྱཀཱལེ྅ཧཾ བཱལ ཨིཝཱབྷཱཥེ བཱལ ཨིཝཱཙིནྟཡཉྩ ཀིནྟུ ཡཽཝནེ ཛཱཏེ ཏཏྶཪྻྭཾ བཱལྱཱཙརཎཾ པརིཏྱཀྟཝཱན྄། 
ཨིདཱནཱིམ྄ ཨབྷྲམདྷྱེནཱསྤཥྚཾ དརྴནམ྄ ཨསྨཱབྷི རླབྷྱཏེ ཀིནྟུ ཏདཱ སཱཀྵཱཏ྄ དརྴནཾ ལཔྶྱཏེ། ཨདྷུནཱ མམ ཛྙཱནམ྄ ཨལྤིཥྛཾ ཀིནྟུ ཏདཱཧཾ ཡཐཱཝགམྱསྟཐཻཝཱཝགཏོ བྷཝིཥྱཱམི། 
ཨིདཱནཱིཾ པྲཏྱཡཿ པྲཏྱཱཤཱ པྲེམ ཙ ཏྲཱིཎྱེཏཱནི ཏིཥྛནྟི ཏེཥཱཾ མདྷྱེ ཙ པྲེམ ཤྲེཥྛཾ། 
