﻿༢ ཀརིནྠིནཿ.
6.
ཏསྱ སཧཱཡཱ ཝཡཾ ཡུཥྨཱན྄ པྲཱརྠཡཱམཧེ, ཨཱིཤྭརསྱཱནུགྲཧོ ཡུཥྨཱབྷི ཪྻྲྀཐཱ ན གྲྀཧྱཏཱཾ། 
ཏེནོཀྟམེཏཏ྄, སཾཤྲོཥྱཱམི ཤུབྷེ ཀཱལེ ཏྭདཱིཡཱཾ པྲཱརྠནཱམ྄ ཨཧཾ། ཨུཔཀཱརཾ ཀརིཥྱཱམི པརིཏྲཱཎདིནེ ཏཝ། པཤྱཏཱཡཾ ཤུབྷཀཱལཿ པཤྱཏེདཾ ཏྲཱཎདིནཾ། 
ཨསྨཱཀཾ པརིཙཪྻྱཱ ཡནྣིཥྐལངྐཱ བྷཝེཏ྄ ཏདརྠཾ ཝཡཾ ཀུཏྲཱཔི ཝིགྷྣཾ ན ཛནཡཱམཿ, 
ཀིནྟུ པྲཙུརསཧིཥྞུཏཱ ཀླེཤོ དཻནྱཾ ཝིཔཏ྄ ཏཱཌནཱ ཀཱརཱབནྡྷནཾ ནིཝཱསཧཱིནཏྭཾ པརིཤྲམོ ཛཱགརཎམ྄ ཨུཔཝསནཾ 
ནིརྨྨལཏྭཾ ཛྙཱནཾ མྲྀདུཤཱིལཏཱ ཧིཏཻཥིཏཱ 
པཝིཏྲ ཨཱཏྨཱ ནིཥྐཔཊཾ པྲེམ སཏྱཱལཱཔ ཨཱིཤྭརཱིཡཤཀྟི 
རྡཀྵིཎཝཱམཱབྷྱཱཾ ཀརཱབྷྱཱཾ དྷརྨྨཱསྟྲདྷཱརཎཾ 
མཱནཱཔམཱནཡོརཁྱཱཏིསུཁྱཱཏྱོ རྦྷཱགིཏྭམ྄ ཨེཏཻཿ སཪྻྭཻརཱིཤྭརསྱ པྲཤཾསྱཱན྄ པརིཙཱརཀཱན྄ སྭཱན྄ པྲཀཱཤཡཱམཿ། 
བྷྲམཀསམཱ ཝཡཾ སཏྱཝཱདིནོ བྷཝཱམཿ, ཨཔརིཙིཏསམཱ ཝཡཾ སུཔརིཙིཏཱ བྷཝཱམཿ, མྲྀཏཀལྤཱ ཝཡཾ ཛཱིཝཱམཿ, དཎྜྱམཱནཱ ཝཡཾ ན ཧནྱཱམཧེ, 
ཤོཀཡུཀྟཱཤྩ ཝཡཾ སདཱནནྡཱམཿ, དརིདྲཱ ཝཡཾ བཧཱུན྄ དྷནིནཿ ཀུརྨྨཿ, ཨཀིཉྩནཱཤྩ ཝཡཾ སཪྻྭཾ དྷཱརཡཱམཿ། 
ཧེ ཀརིནྠིནཿ, ཡུཥྨཱཀཾ པྲཏི མམཱསྱཾ མུཀྟཾ མམཱནྟཿཀརཎཱཉྩ ཝིཀསིཏཾ། 
ཡཱུཡཾ མམཱནྟརེ ན སངྐོཙིཏཱཿ ཀིཉྩ ཡཱུཡམེཝ སངྐོཙིཏཙིཏྟཱཿ། 
ཀིནྟུ མཧྱཾ ནྱཱཡྻཕལདཱནཱརྠཾ ཡུཥྨཱབྷིརཔི ཝིཀསིཏཻ རྦྷཝིཏཝྱམ྄ ཨིཏྱཧཾ ནིཛབཱལཀཱནིཝ ཡུཥྨཱན྄ ཝདཱམི། 
ཨཔརམ྄ ཨཔྲཏྱཡིབྷིཿ སཱརྡྡྷཾ ཡཱུཡམ྄ ཨེཀཡུགེ བདྡྷཱ མཱ བྷཱུཏ, ཡསྨཱད྄ དྷརྨྨཱདྷརྨྨཡོཿ ཀཿ སམྦནྡྷོ྅སྟི? ཏིམིརེཎ སརྡྡྷཾ པྲབྷཱཡཱ ཝཱ ཀཱ ཏུལནཱསྟི? 
བིལཱིཡཱལདེཝེན སཱཀཾ ཁྲཱིཥྚསྱ ཝཱ ཀཱ སནྡྷིཿ? ཨཝིཤྭཱསིནཱ སཱརྡྡྷཾ ཝཱ ཝིཤྭཱསིལོཀསྱཱཾཤཿ ཀཿ? 
ཨཱིཤྭརསྱ མནྡིརེཎ སཧ ཝཱ དེཝཔྲཏིམཱནཱཾ ཀཱ ཏུལནཱ? ཨམརསྱེཤྭརསྱ མནྡིརཾ ཡཱུཡམེཝ། ཨཱིཤྭརེཎ ཏདུཀྟཾ ཡཐཱ, ཏེཥཱཾ མདྷྱེ྅ཧཾ སྭཱཝཱསཾ ནིདྷཱསྱཱམི ཏེཥཱཾ མདྷྱེ ཙ ཡཱཏཱཡཱཏཾ ཀུཪྻྭན྄ ཏེཥཱམ྄ ཨཱིཤྭརོ བྷཝིཥྱཱམི ཏེ ཙ མལློཀཱ བྷཝིཥྱནྟི། 
ཨཏོ ཧེཏོཿ པརམེཤྭརཿ ཀཐཡཏི ཡཱུཡཾ ཏེཥཱཾ མདྷྱཱད྄ བཧིརྦྷཱུཡ པྲྀཐག྄ བྷཝཏ, ཀིམཔྱམེདྷྱཾ ན སྤྲྀཤཏ; ཏེནཱཧཾ ཡུཥྨཱན྄ གྲཧཱིཥྱཱམི, 
ཡུཥྨཱཀཾ པིཏཱ བྷཝིཥྱཱམི ཙ, ཡཱུཡཉྩ མམ ཀནྱཱཔུཏྲཱ བྷཝིཥྱཐེཏི སཪྻྭཤཀྟིམཏཱ པརམེཤྭརེཎོཀྟཾ། 
