﻿༢ ཀརིནྠིནཿ.
11.
ཡཱུཡཾ མམཱཛྙཱནཏཱཾ ཀྵཎཾ ཡཱཝཏ྄ སོཌྷུམ྄ ཨརྷཐ, ཨཏཿ སཱ ཡུཥྨཱབྷིཿ སཧྱཏཱཾ། 
ཨཱིཤྭརེ མམཱསཀྟཏྭཱད྄ ཨཧཾ ཡུཥྨཱནདྷི ཏཔེ ཡསྨཱཏ྄ སཏཱིཾ ཀནྱཱམིཝ ཡུཥྨཱན྄ ཨེཀསྨིན྄ ཝརེ྅རྠཏཿ ཁྲཱིཥྚེ སམརྤཡིཏུམ྄ ཨཧཾ ཝཱགྡཱནམ྄ ཨཀཱརྵཾ། 
ཀིནྟུ སརྤེཎ སྭཁལཏཡཱ ཡདྭད྄ ཧཝཱ ཝཉྩཡཱཉྩཀེ ཏདྭཏ྄ ཁྲཱིཥྚཾ པྲཏི སཏཱིཏྭཱད྄ ཡུཥྨཱཀཾ བྷྲཾཤཿ སམྦྷཝིཥྱཏཱིཏི བིབྷེམི། 
ཨསྨཱབྷིརནཱཁྱཱཔིཏོ྅པརཿ ཀཤྩིད྄ ཡཱིཤུ ཪྻདི ཀེནཙིད྄ ཨཱགནྟུཀེནཱཁྱཱཔྱཏེ ཡུཥྨཱབྷིཿ པྲཱགལབྡྷ ཨཱཏྨཱ ཝཱ ཡདི ལབྷྱཏེ པྲཱགགྲྀཧཱིཏཿ སུསཾཝཱདོ ཝཱ ཡདི གྲྀཧྱཏེ ཏརྷི མནྱེ ཡཱུཡཾ སམྱཀ྄ སཧིཥྱདྷྭེ། 
ཀིནྟུ མུཁྱེབྷྱཿ པྲེརིཏེབྷྱོ྅ཧཾ ཀེནཙིཏ྄ པྲཀཱརེཎ ནྱཱུནོ ནཱསྨཱིཏི བུདྷྱེ། 
མམ ཝཱཀྤཊུཏཱཡཱ ནྱཱུནཏྭེ སཏྱཔི ཛྙཱནསྱ ནྱཱུནཏྭཾ ནཱསྟི ཀིནྟུ སཪྻྭཝིཥཡེ ཝཡཾ ཡུཥྨདྒོཙརེ པྲཀཱཤཱམཧེ། 
ཡུཥྨཱཀམ྄ ཨུནྣཏྱཻ མཡཱ ནམྲཏཱཾ སྭཱིཀྲྀཏྱེཤྭརསྱ སུསཾཝཱདོ ཝིནཱ ཝེཏནཾ ཡུཥྨཱཀཾ མདྷྱེ ཡད྄ ཨགྷོཥྱཏ ཏེན མཡཱ ཀིཾ པཱཔམ྄ ཨཀཱརི? 
ཡུཥྨཱཀཾ སེཝནཱཡཱཧམ྄ ཨནྱསམིཏིབྷྱོ བྷྲྀཏི གྲྀཧླན྄ དྷནམཔཧྲྀཏཝཱན྄, 
ཡདཱ ཙ ཡུཥྨནྨདྷྱེ྅ཝ྅རྟྟེ ཏདཱ མམཱརྠཱབྷཱཝེ ཛཱཏེ ཡུཥྨཱཀཾ ཀོ྅པི མཡཱ ན པཱིཌིཏཿ; ཡཏོ མམ སོ྅རྠཱབྷཱཝོ མཱཀིདནིཡཱདེཤཱད྄ ཨཱགཏཻ བྷྲཱཏྲྀབྷི ནྱཝཱཪྻྱཏ, ཨིཏྠམཧཾ ཀྐཱཔི ཝིཥཡེ ཡཐཱ ཡུཥྨཱསུ བྷཱརོ ན བྷཝཱམི ཏཐཱ མཡཱཏྨརཀྵཱ ཀྲྀཏཱ ཀརྟྟཝྱཱ ཙ། 
ཁྲཱིཥྚསྱ སཏྱཏཱ ཡདི མཡི ཏིཥྛཏི ཏརྷི མམཻཥཱ ཤླཱགྷཱ ནིཁིལཱཁཱཡཱདེཤེ ཀེནཱཔི ན རོཏྶྱཏེ། 
ཨེཏསྱ ཀཱརཎཾ ཀིཾ? ཡུཥྨཱསུ མམ པྲེམ ནཱསྟྱེཏཏ྄ ཀིཾ ཏཏྐཱརཎཾ? ཏད྄ ཨཱིཤྭརོ ཝེཏྟི། 
ཡེ ཚིདྲམནྭིཥྱནྟི ཏེ ཡཏ྄ ཀིམཔི ཚིདྲཾ ན ལབྷནྟེ ཏདརྠམེཝ ཏཏ྄ ཀརྨྨ མཡཱ ཀྲིཡཏེ ཀཱརིཥྱཏེ ཙ ཏསྨཱཏ྄ ཏེ ཡེན ཤླཱགྷནྟེ ཏེནཱསྨཱཀཾ སམཱནཱ བྷཝིཥྱནྟི། 
ཏཱདྲྀཤཱ བྷཱཀྟཔྲེརིཏཱཿ པྲཝཉྩཀཱཿ ཀཱརཝོ བྷཱུཏྭཱ ཁྲཱིཥྚསྱ པྲེརིཏཱནཱཾ ཝེཤཾ དྷཱརཡནྟི། 
ཏཙྩཱཤྩཪྻྱཾ ནཧི; ཡཏཿ སྭཡཾ ཤཡཏཱནཔི ཏེཛསྭིདཱུཏསྱ ཝེཤཾ དྷཱརཡཏི, 
ཏཏསྟསྱ པརིཙཱརཀཱ ཨཔི དྷརྨྨཔརིཙཱརཀཱཎཱཾ ཝེཤཾ དྷཱརཡནྟཱིཏྱདྦྷུཏཾ ནཧི; ཀིནྟུ ཏེཥཱཾ ཀརྨྨཱཎི ཡཱདྲྀཤཱནི ཕལཱནྱཔི ཏཱདྲྀཤཱནི བྷཝིཥྱནྟི། 
ཨཧཾ པུན ཪྻདཱམི ཀོ྅པི མཱཾ ནིརྦྦོདྷཾ ན མནྱཏཱཾ ཀིཉྩ ཡདྱཔི ནིརྦྦོདྷོ བྷཝེཡཾ ཏཐཱཔི ཡཱུཡཾ ནིརྦྦོདྷམིཝ མཱམནུགྲྀཧྱ ཀྵཎཻཀཾ ཡཱཝཏ྄ མམཱཏྨཤླཱགྷཱམ྄ ཨནུཛཱནཱིཏ། 
ཨེཏསྱཱཿ ཤླཱགྷཱཡཱ ནིམིཏྟཾ མཡཱ ཡཏ྄ ཀཐིཏཝྱཾ ཏཏ྄ པྲབྷུནཱདིཥྚེནེཝ ཀཐྱཏེ ཏནྣཧི ཀིནྟུ ནིརྦྦོདྷེནེཝ། 
ཨཔརེ བཧཝཿ ཤཱརཱིརིཀཤླཱགྷཱཾ ཀུཪྻྭཏེ ཏསྨཱད྄ ཨཧམཔི ཤླཱགྷིཥྱེ། 
བུདྡྷིམནྟོ ཡཱུཡཾ སུཁེན ནིརྦྦོདྷཱནཱམ྄ ཨཱཙཱརཾ སཧདྷྭེ། 
ཀོ྅པི ཡདི ཡུཥྨཱན྄ དཱསཱན྄ ཀརོཏི ཡདི ཝཱ ཡུཥྨཱཀཾ སཪྻྭསྭཾ གྲསཏི ཡདི ཝཱ ཡུཥྨཱན྄ ཧརཏི ཡདི ཝཱཏྨཱབྷིམཱནཱི བྷཝཏི ཡདི ཝཱ ཡུཥྨཱཀཾ ཀཔོལམ྄ ཨཱཧནྟི ཏརྷི ཏདཔི ཡཱུཡཾ སཧདྷྭེ། 
དཽརྦྦལྱཱད྄ ཡུཥྨཱབྷིརཝམཱནིཏཱ ཨིཝ ཝཡཾ བྷཱཥཱམཧེ, ཀིནྟྭཔརསྱ ཀསྱཙིད྄ ཡེན པྲགལྦྷཏཱ ཛཱཡཏེ ཏེན མམཱཔི པྲགལྦྷཏཱ ཛཱཡཏ ཨིཏི ནིརྦྦོདྷེནེཝ མཡཱ ཝཀྟཝྱཾ། 
ཏེ ཀིམ྄ ཨིབྲིལོཀཱཿ? ཨཧམཔཱིབྲཱི། ཏེ ཀིམ྄ ཨིསྲཱཡེལཱིཡཱཿ? ཨཧམཔཱིསྲཱཡེལཱིཡཿ། ཏེ ཀིམ྄ ཨིབྲཱཧཱིམོ ཝཾཤཱཿ? ཨཧམཔཱིབྲཱཧཱིམོ ཝཾཤཿ། 
ཏེ ཀིཾ ཁྲཱིཥྚསྱ པརིཙཱརཀཱཿ? ཨཧཾ ཏེབྷྱོ྅པི ཏསྱ མཧཱཔརིཙཱརཀཿ; ཀིནྟུ ནིརྦྦོདྷ ཨིཝ བྷཱཥེ, ཏེབྷྱོ྅པྱཧཾ བཧུཔརིཤྲམེ བཧུཔྲཧཱརེ བཧུཝཱརཾ ཀཱརཱཡཱཾ བཧུཝཱརཾ པྲཱཎནཱཤསཾཤཡེ ཙ པཏིཏཝཱན྄། 
ཡིཧཱུདཱིཡཻརཧཾ པཉྩཀྲྀཏྭ ཨཱུནཙཏྭཱརིཾཤཏྤྲཧཱརཻརཱཧཏསྟྲིཪྻེཏྲཱགྷཱཏམ྄ ཨེཀཀྲྀཏྭཿ པྲསྟརཱགྷཱཏཉྩ པྲཔྟཝཱན྄། 
ཝཱརཏྲཡཾ པོཏབྷཉྫནེན ཀླིཥྚོ྅ཧམ྄ ཨགཱདྷསལིལེ དིནམེཀཾ རཱཏྲིམེཀཱཉྩ ཡཱཔིཏཝཱན྄། 
བཧུཝཱརཾ ཡཱཏྲཱབྷི རྣདཱིནཱཾ སངྐཊཻ རྡསྱཱུནཱཾ སངྐཊཻཿ སྭཛཱཏཱིཡཱནཱཾ སངྐཊཻ རྦྷིནྣཛཱཏཱིཡཱནཱཾ སངྐཊཻ རྣགརསྱ སངྐཊཻ རྨརུབྷཱུམེཿ སངྐཊཻ སཱགརསྱ སངྐཊཻ རྦྷཱཀྟབྷྲཱཏྲྀཎཱཾ སངྐཊཻཤྩ 
པརིཤྲམཀླེཤཱབྷྱཱཾ ཝཱརཾ ཝཱརཾ ཛཱགརཎེན ཀྵུདྷཱཏྲྀཥྞཱབྷྱཱཾ བཧུཝཱརཾ ནིརཱཧཱརེཎ ཤཱིཏནགྣཏཱབྷྱཱཉྩཱཧཾ ཀཱལཾ ཡཱཔིཏཝཱན྄། 
ཏཱདྲྀཤཾ ནཻམིཏྟིཀཾ དུཿཁཾ ཝིནཱཧཾ པྲཏིདིནམ྄ ཨཱཀུལོ བྷཝཱམི སཪྻྭཱསཱཾ སམིཏཱིནཱཾ ཙིནྟཱ ཙ མཡི ཝརྟྟཏེ། 
ཡེནཱཧཾ ན དུརྦྦལཱིབྷཝཱམི ཏཱདྲྀཤཾ དཽརྦྦལྱཾ ཀཿ པཱཔྣོཏི? 
ཡདི མཡཱ ཤླཱགྷིཏཝྱཾ ཏརྷི སྭདུརྦྦལཏཱམདྷི ཤླཱགྷིཥྱེ། 
མཡཱ མྲྀཥཱཝཱཀྱཾ ན ཀཐྱཏ ཨིཏི ནིཏྱཾ པྲཤཾསནཱིཡོ྅སྨཱཀཾ པྲབྷོ ཪྻཱིཤུཁྲཱིཥྚསྱ ཏཱཏ ཨཱིཤྭརོ ཛཱནཱཏི། 
དམྨེཥཀནགརེ྅རིཏཱརཱཛསྱ ཀཱཪྻྱཱདྷྱཀྵོ མཱཾ དྷརྟྟུམ྄ ཨིཙྪན྄ ཡདཱ སཻནྱཻསྟད྄ དམྨེཥཀནགརམ྄ ཨརཀྵཡཏ྄ 
ཏདཱཧཾ ལོཀཻཿ པིཊཀམདྷྱེ པྲཱཙཱིརགཝཱཀྵེཎཱཝརོཧིཏསྟསྱ ཀརཱཏ྄ ཏྲཱཎཾ པྲཱཔཾ། 
