﻿༢ ཀརིནྠིནཿ.
12.
ཨཱཏྨཤླཱགྷཱ མམཱནུཔཡུཀྟཱ ཀིནྟྭཧཾ པྲབྷོ རྡརྴནཱདེཤཱནཱམ྄ ཨཱཁྱཱནཾ ཀཐཡིཏུཾ པྲཝརྟྟེ། 
ཨིཏཤྩཏུརྡཤཝཏྶརེབྷྱཿ པཱུཪྻྭཾ མཡཱ པརིཙིཏ ཨེཀོ ཛནསྟྲྀཏཱིཡཾ སྭརྒམནཱིཡཏ, ས སཤརཱིརེཎ ནིཿཤརཱིརེཎ ཝཱ ཏཏ྄ སྠཱནམནཱིཡཏ ཏདཧཾ ན ཛཱནཱམི ཀིནྟྭཱིཤྭརོ ཛཱནཱཏི། 
ས མཱནཝཿ སྭརྒཾ ནཱིཏཿ སན྄ ཨཀཐྱཱནི མརྟྟྱཝཱགཏཱིཏཱནི ཙ ཝཱཀྱཱནི ཤྲུཏཝཱན྄། 
ཀིནྟུ ཏདཱནཱིཾ ས སཤརཱིརོ ནིཿཤརཱིརོ ཝཱསཱིཏ྄ ཏནྨཡཱ ན ཛྙཱཡཏེ ཏད྄ ཨཱིཤྭརེཎཻཝ ཛྙཱཡཏེ། 
ཏམདྷྱཧཾ ཤླཱགྷིཥྱེ མཱམདྷི ནཱནྱེན ཀེནཙིད྄ ཝིཥཡེཎ ཤླཱགྷིཥྱེ ཀེཝལཾ སྭདཽརྦྦལྱེན ཤླཱགྷིཥྱེ། 
ཡདྱཧམ྄ ཨཱཏྨཤླཱགྷཱཾ ཀརྟྟུམ྄ ཨིཙྪེཡཾ ཏཐཱཔི ནིརྦྦོདྷ ཨིཝ ན བྷཝིཥྱཱམི ཡཏཿ སཏྱམེཝ ཀཐཡིཥྱཱམི, ཀིནྟུ ལོཀཱ མཱཾ ཡཱདྲྀཤཾ པཤྱནྟི མམ ཝཱཀྱཾ ཤྲུཏྭཱ ཝཱ ཡཱདྲྀཤཾ མཱཾ མནྱཏེ ཏསྨཱཏ྄ ཤྲེཥྛཾ མཱཾ ཡནྣ གཎཡནྟི ཏདརྠམཧཾ ཏཏོ ཝིརཾསྱཱམི། 
ཨཔརམ྄ ཨུཏྐྲྀཥྚདརྴནཔྲཱཔྟིཏོ ཡདཧམ྄ ཨཱཏྨཱབྷིམཱནཱི ན བྷཝཱམི ཏདརྠཾ ཤརཱིརཝེདྷཀམ྄ ཨེཀཾ ཤཱུལཾ མཧྱམ྄ ཨདཱཡི ཏཏ྄ མདཱིཡཱཏྨཱབྷིམཱནནིཝཱརཎཱརྠཾ མམ ཏཱཌཡིཏཱ ཤཡཏཱནོ དཱུཏཿ། 
མཏྟསྟསྱ པྲསྠཱནཾ ཡཱཙིཏུམཧཾ ཏྲིསྟམདྷི པྲབྷུམུདྡིཤྱ པྲཱརྠནཱཾ ཀྲྀཏཝཱན྄། 
ཏཏཿ ས མཱམུཀྟཝཱན྄ མམཱནུགྲཧསྟཝ སཪྻྭསཱདྷཀཿ, ཡཏོ དཽརྦྦལྱཱཏ྄ མམ ཤཀྟིཿ པཱུརྞཏཱཾ གཙྪཏཱིཏི། ཨཏཿ ཁྲཱིཥྚསྱ ཤཀྟི ཪྻནྨཱམ྄ ཨཱཤྲཡཏི ཏདརྠཾ སྭདཽརྦྦལྱེན མམ ཤླཱགྷནཾ སུཁདཾ། 
ཏསྨཱཏ྄ ཁྲཱིཥྚཧེཏོ རྡཽརྦྦལྱནིནྡཱདརིདྲཏཱཝིཔཀྵཏཱཀཥྚཱདིཥུ སནྟུཥྱཱམྱཧཾ། ཡདཱཧཾ དུརྦྦལོ྅སྨི ཏདཻཝ སབལོ བྷཝཱམི། 
ཨེཏེནཱཏྨཤླཱགྷནེནཱཧཾ ནིརྦྦོདྷ ཨིཝཱབྷཝཾ ཀིནྟུ ཡཱུཡཾ ཏསྱ ཀཱརཎཾ ཡཏོ མམ པྲཤཾསཱ ཡུཥྨཱབྷིརེཝ ཀརྟྟཝྱཱསཱིཏ྄། ཡདྱཔྱམ྄ ཨགཎྱོ བྷཝེཡཾ ཏཐཱཔི མུཁྱཏམེབྷྱཿ པྲེརིཏེབྷྱཿ ཀེནཱཔི པྲཀཱརེཎ ནཱཧཾ ནྱཱུནོ྅སྨི། 
སཪྻྭཐཱདྦྷུཏཀྲིཡཱཤཀྟིལཀྵཎཻཿ པྲེརིཏསྱ ཙིཧྣཱནི ཡུཥྨཱཀཾ མདྷྱེ སདྷཻཪྻྱཾ མཡཱ པྲཀཱཤིཏཱནི། 
མམ པཱལནཱརྠཾ ཡཱུཡཾ མཡཱ བྷཱརཱཀྲཱནྟཱ ནཱབྷཝཏཻཏད྄ ཨེཀཾ ནྱཱུནཏྭཾ ཝིནཱཔརཱབྷྱཿ སམིཏིབྷྱོ ཡུཥྨཱཀཾ ཀིཾ ནྱཱུནཏྭཾ ཛཱཏཾ? ཨནེན མམ དོཥཾ ཀྵམདྷྭཾ། 
པཤྱཏ ཏྲྀཏཱིཡཝཱརཾ ཡུुཥྨཏྶམཱིཔཾ གནྟུམུདྱཏོ྅སྨི ཏཏྲཱཔྱཧཾ ཡུཥྨཱན྄ བྷཱརཱཀྲཱནྟཱན྄ ན ཀརིཥྱཱམི། ཡུཥྨཱཀཾ སམྤཏྟིམཧཾ ན མྲྀགཡེ ཀིནྟུ ཡུཥྨཱནེཝ, ཡཏཿ པིཏྲོཿ ཀྲྀཏེ སནྟཱནཱནཱཾ དྷནསཉྩཡོ྅ནུཔཡུཀྟཿ ཀིནྟུ སནྟཱནཱནཱཾ ཀྲྀཏེ པིཏྲོ རྡྷནསཉྩཡ ཨུཔཡུཀྟཿ། 
ཨཔརཉྩ ཡུཥྨཱསུ བཧུ པྲཱིཡམཱཎོ྅པྱཧཾ ཡདི ཡུཥྨཏྟོ྅ལྤཾ པྲམ ལབྷེ ཏཐཱཔི ཡུཥྨཱཀཾ པྲཱཎརཀྵཱརྠཾ སཱནནྡཾ བཧུ ཝྱཡཾ སཪྻྭཝྱཡཉྩ ཀརིཥྱཱམི། 
ཡཱུཡཾ མཡཱ ཀིཉྩིདཔི ན བྷཱརཱཀྲཱནྟཱ ཨིཏི སཏྱཾ, ཀིནྟྭཧཾ དྷཱུརྟྟཿ སན྄ ཚལེན ཡུཥྨཱན྄ ཝཉྩིཏཝཱན྄ ཨེཏཏ྄ ཀིཾ ཀེནཙིད྄ ཝཀྟཝྱཾ? 
ཡུཥྨཏྶམཱིཔཾ མཡཱ ཡེ ལོཀཱཿ པྲཧིཏཱསྟེཥཱམེཀེན ཀིཾ མམ ཀོ྅པྱརྠལཱབྷོ ཛཱཏཿ? 
ཨཧཾ ཏཱིཏཾ ཝིནཱིཡ ཏེན སཱརྡྡྷཾ བྷྲཱཏརམེཀཾ པྲེཥིཏཝཱན྄ ཡུཥྨཏྟསྟཱིཏེན ཀིམ྄ ཨརྠོ ལབྡྷཿ? ཨེཀསྨིན྄ བྷཱཝ ཨེཀསྱ པདཙིཧྣེཥུ ཙཱཝཱཾ ཀིཾ ན ཙརིཏཝནྟཽ? 
ཡུཥྨཱཀཾ སམཱིཔེ ཝཡཾ པུན རྡོཥཀྵཱལནཀཐཱཾ ཀཐཡཱམ ཨིཏི ཀིཾ བུདྷྱདྷྭེ? ཧེ པྲིཡཏམཱཿ, ཡུཥྨཱཀཾ ནིཥྛཱརྠཾ ཝཡམཱིཤྭརསྱ སམཀྵཾ ཁྲཱིཥྚེན སཪྻྭཱཎྱེཏཱནི ཀཐཡཱམཿ། 
ཨཧཾ ཡདཱགམིཥྱཱམི, ཏདཱ ཡུཥྨཱན྄ ཡཱདྲྀཤཱན྄ དྲཥྚུཾ ནེཙྪཱམི ཏཱདྲྀཤཱན྄ དྲཀྵྱཱམི, ཡཱུཡམཔི མཱཾ ཡཱདྲྀཤཾ དྲཥྚུཾ ནེཙྪཐ ཏཱདྲྀཤཾ དྲཀྵྱཐ, ཡུཥྨནྨདྷྱེ ཝིཝཱད ཨཱིརྵྱཱ ཀྲོདྷོ ཝིཔཀྵཏཱ པརཱཔཝཱདཿ ཀརྞེཛཔནཾ དརྤཿ ཀལཧཤྩཻཏེ བྷཝིཥྱནྟི; 
ཏེནཱཧཾ ཡུཥྨཏྶམཱིཔཾ པུནརཱགཏྱ མདཱིཡེཤྭརེཎ ནམཡིཥྱེ, པཱུཪྻྭཾ ཀྲྀཏཔཱཔཱན྄ ལོཀཱན྄ སྭཱིཡཱཤུཙིཏཱཝེཤྱཱགམནལམྤཊཏཱཙརཎཱད྄ ཨནུཏཱཔམ྄ ཨཀྲྀཏཝནྟོ དྲྀཥྚྭཱ ཙ ཏཱནདྷི མམ ཤོཀོ ཛནིཥྱཏ ཨིཏི བིབྷེམི། 
