﻿གཱལཱཏིནཿ.
5.
ཁྲཱིཥྚོ྅སྨབྷྱཾ ཡཏ྄ སྭཱཏནྟྲྱཾ དཏྟཝཱན྄ ཡཱུཡཾ ཏཏྲ སྠིརཱསྟིཥྛཏ དཱསཏྭཡུགེན པུན རྣ ནིབདྷྱདྷྭཾ། 
པཤྱཏཱཧཾ པཽལོ ཡུཥྨཱན྄ ཝདཱམི ཡདི ཚིནྣཏྭཙོ བྷཝཐ ཏརྷི ཁྲཱིཥྚེན ཀིམཔི ནོཔཀཱརིཥྱདྷྭེ། 
ཨཔརཾ ཡཿ ཀཤྩིཏ྄ ཚིནྣཏྭག྄ བྷཝཏི ས ཀྲྀཏྶྣཝྱཝསྠཱཡཱཿ པཱལནམ྄ ཨཱིཤྭརཱཡ དྷཱརཡཏཱིཏི པྲམཱཎཾ དདཱམི། 
ཡུཥྨཱཀཾ ཡཱཝནྟོ ལོཀཱ ཝྱཝསྠཡཱ སཔུཎྱཱིབྷཝིཏུཾ ཙེཥྚནྟེ ཏེ སཪྻྭེ ཁྲཱིཥྚཱད྄ བྷྲཥྚཱ ཨནུགྲཧཱཏ྄ པཏིཏཱཤྩ། 
ཡཏོ ཝཡམ྄ ཨཱཏྨནཱ ཝིཤྭཱསཱཏ྄ པུཎྱལཱབྷཱཤཱསིདྡྷཾ པྲཏཱིཀྵཱམཧེ། 
ཁྲཱིཥྚེ ཡཱིཤཽ ཏྭཀྪེདཱཏྭཀྪེདཡོཿ ཀིམཔི གུཎཾ ནཱསྟི ཀིནྟུ པྲེམྣཱ སཕལོ ཝིཤྭཱས ཨེཝ གུཎཡུཀྟཿ། 
པཱུཪྻྭཾ ཡཱུཡཾ སུནྡརམ྄ ཨདྷཱཝཏ ཀིནྟྭིདཱནཱིཾ ཀེན བཱདྷཱཾ པྲཱཔྱ སཏྱཏཱཾ ན གྲྀཧླཱིཐ? 
ཡུཥྨཱཀཾ སཱ མཏི ཪྻུཥྨདཱཧྭཱནཀཱརིཎ ཨཱིཤྭརཱནྣ ཛཱཏཱ། 
ཝིཀཱརཿ ཀྲྀཏྶྣཤཀྟཱུནཱཾ སྭལྤཀིཎྭེན ཛསཡཏེ། 
ཡུཥྨཱཀཾ མཏི ཪྻིཀཱརཾ ན གམིཥྱཏཱིཏྱཧཾ ཡུཥྨཱནདྷི པྲབྷུནཱཤཾསེ; ཀིནྟུ ཡོ ཡུཥྨཱན྄ ཝིཙཱརལཡཏི ས ཡཿ ཀཤྩིད྄ བྷཝེཏ྄ སམུཙིཏཾ དཎྜཾ པྲཱཔྶྱཏི། 
པརནྟུ ཧེ བྷྲཱཏརཿ, ཡདྱཧམ྄ ཨིདཱནཱིམ྄ ཨཔི ཏྭཀྪེདཾ པྲཙཱརཡེཡཾ ཏརྷི ཀུཏ ཨུཔདྲཝཾ བྷུཉྫིཡ? ཏཏྐྲྀཏེ ཀྲུཤཾ ནིརྦྦཱདྷམ྄ ཨབྷཝིཥྱཏ྄། 
ཡེ ཛནཱ ཡུཥྨཱཀཾ ཙཱཉྩལྱཾ ཛནཡནྟི ཏེཥཱཾ ཚེདནམེཝ མཡཱབྷིལཥྱཏེ། 
ཧེ བྷྲཱཏརཿ, ཡཱུཡཾ སྭཱཏནྟྲྱཱརྠམ྄ ཨཱཧཱུཏཱ ཨཱདྷྭེ ཀིནྟུ ཏཏྶྭཱཏནྟྲྱདྭཱརེཎ ཤཱརཱིརིཀབྷཱཝོ ཡུཥྨཱན྄ ན པྲཝིཤཏུ། ཡཱུཡཾ པྲེམྣཱ པརསྤརཾ པརིཙཪྻྱཱཾ ཀུརུདྷྭཾ། 
ཡསྨཱཏ྄ ཏྭཾ སམཱིཔཝཱསིནི སྭཝཏ྄ པྲེམ ཀུཪྻྱཱ ཨིཏྱེཀཱཛྙཱ ཀྲྀཏྶྣཱཡཱ ཝྱཝསྠཱཡཱཿ སཱརསཾགྲཧཿ། 
ཀིནྟུ ཡཱུཡཾ ཡདི པརསྤརཾ དཾདཤྱདྷྭེ ྅ཤཱཤྱདྷྭེ ཙ ཏརྷི ཡུཥྨཱཀམ྄ ཨེཀོ྅ནྱེན ཡནྣ གྲསྱཏེ ཏཏྲ ཡུཥྨཱབྷིཿ སཱཝདྷཱནཻ རྦྷཝིཏཝྱཾ། 
ཨཧཾ བྲཝཱིམི ཡཱུཡམ྄ ཨཱཏྨིཀཱཙཱརཾ ཀུརུཏ ཤཱརཱིརིཀཱབྷིལཱཥཾ མཱ པཱུརཡཏ། 
ཡཏཿ ཤཱརཱིརིཀཱབྷིལཱཥ ཨཱཏྨནོ ཝིཔརཱིཏཿ, ཨཱཏྨིཀཱབྷིལཱཥཤྩ ཤརཱིརསྱ ཝིཔརཱིཏཿ, ཨནཡོརུབྷཡོཿ པརསྤརཾ ཝིརོདྷོ ཝིདྱཏེ ཏེན ཡུཥྨཱབྷི ཪྻད྄ ཨབྷིལཥྱཏེ ཏནྣ ཀརྟྟཝྱཾ། 
ཡཱུཡཾ ཡདྱཱཏྨནཱ ཝིནཱིཡདྷྭེ ཏརྷི ཝྱཝསྠཱཡཱ ཨདྷཱིནཱ ན བྷཝཐ། 
ཨཔརཾ པརདཱརགམནཾ ཝེཤྱཱགམནམ྄ ཨཤུཙིཏཱ ཀཱམུཀཏཱ པྲཏིམཱཔཱུཛནམ྄ 
ཨིནྡྲཛཱལཾ ཤཏྲུཏྭཾ ཝིཝཱདོ྅ནྟརྫྭལནཾ ཀྲོདྷཿ ཀལཧོ྅ནཻཀྱཾ 
པཱརྠཀྱམ྄ ཨཱིརྵྱཱ ཝདྷོ མཏྟཏྭཾ ལམྤཊཏྭམིཏྱཱདཱིནི སྤཥྚཏྭེན ཤཱརཱིརིཀབྷཱཝསྱ ཀརྨྨཱཎི སནྟི། པཱུཪྻྭཾ ཡདྭཏ྄ མཡཱ ཀཐིཏཾ ཏདྭཏ྄ པུནརཔི ཀཐྱཏེ ཡེ ཛནཱ ཨེཏཱདྲྀཤཱནི ཀརྨྨཱཎྱཱཙརནྟི ཏཻརཱིཤྭརསྱ རཱཛྱེ྅དྷིཀཱརཿ ཀདཱཙ ན ལཔྶྱཏེ། 
ཀིཉྩ པྲེམཱནནྡཿ ཤཱནྟིཤྩིརསཧིཥྞུཏཱ ཧིཏཻཥིཏཱ བྷདྲཏྭཾ ཝིཤྭཱསྱཏཱ ཏིཏིཀྵཱ 
པརིམིཏབྷོཛིཏྭམིཏྱཱདཱིནྱཱཏྨནཿ ཕལཱནི སནྟི ཏེཥཱཾ ཝིརུདྡྷཱ ཀཱཔི ཝྱཝསྠཱ ནཧི། 
ཡེ ཏུ ཁྲཱིཥྚསྱ ལོཀཱསྟེ རིཔུབྷིརབྷིལཱཥཻཤྩ སཧིཏཾ ཤཱརཱིརིཀབྷཱཝཾ ཀྲུཤེ ནིཧཏཝནྟཿ། 
ཡདི ཝཡམ྄ ཨཱཏྨནཱ ཛཱིཝཱམསྟརྷྱཱཏྨིཀཱཙཱརོ྅སྨཱབྷིཿ ཀརྟྟཝྱཿ, 
དརྤཿ པརསྤརཾ ནིརྦྷརྟྶནཾ དྭེཥཤྩཱསྨཱབྷི རྣ ཀརྟྟཝྱཱནི། 
