﻿གཱལཱཏིནཿ.
6.
ཧེ བྷྲཱཏརཿ, ཡུཥྨཱཀཾ ཀཤྩིད྄ ཡདི ཀསྨིཾཤྩིཏ྄ པཱཔེ པཏཏི ཏརྷྱཱཏྨིཀབྷཱཝཡུཀྟཻ ཪྻུཥྨཱབྷིསྟིཏིཀྵཱབྷཱཝཾ ཝིདྷཱཡ ས པུནརུཏྠཱཔྱཏཱཾ ཡཱུཡམཔི ཡཐཱ ཏཱདྲྀཀྤརཱིཀྵཱཡཱཾ ན པཏཐ ཏཐཱ སཱཝདྷཱནཱ བྷཝཏ། 
ཡུཥྨཱཀམ྄ ཨེཀཻཀོ ཛནཿ པརསྱ བྷཱརཾ ཝཧཏྭནེན པྲཀཱརེཎ ཁྲཱིཥྚསྱ ཝིདྷིཾ པཱལཡཏ། 
ཡདི ཀཤྩན ཀྵུདྲཿ སན྄ སྭཾ མཧཱནྟཾ མནྱཏེ ཏརྷི ཏསྱཱཏྨཝཉྩནཱ ཛཱཡཏེ། 
ཨཏ ཨེཀཻཀེན ཛནེན སྭཀཱིཡཀརྨྨཎཿ པརཱིཀྵཱ ཀྲིཡཏཱཾ ཏེན པརཾ ནཱལོཀྱ ཀེཝལམ྄ ཨཱཏྨཱལོཀནཱཏ྄ ཏསྱ ཤླགྷཱ སམྦྷཝིཥྱཏི། 
ཡཏ ཨེཀཻཀོे ཛནཿ སྭཀཱིཡཾ བྷཱརཾ ཝཀྵྱཏི། 
ཡོ ཛནོ དྷརྨྨོཔདེཤཾ ལབྷཏེ ས ཨུཔདེཥྚཱརཾ སྭཱིཡསཪྻྭསམྤཏྟེ རྦྷཱགིནཾ ཀརོཏུ། 
ཡུཥྨཱཀཾ བྷྲཱནྟི རྣ བྷཝཏུ, ཨཱིཤྭརོ ནོཔཧསིཏཝྱཿ, ཡེན ཡད྄ བཱིཛམ྄ ཨུཔྱཏེ ཏེན ཏཛྫཱཏཾ ཤསྱཾ ཀརྟྟིཥྱཏེ། 
སྭཤརཱིརཱརྠཾ ཡེན བཱིཛམ྄ ཨུཔྱཏེ ཏེན ཤརཱིརཱད྄ ཝིནཱཤརཱུཔཾ ཤསྱཾ ལཔྶྱཏེ ཀིནྟྭཱཏྨནཿ ཀྲྀཏེ ཡེན བཱིཛམ྄ ཨུཔྱཏེ ཏེནཱཏྨཏོ྅ནནྟཛཱིཝིཏརཱུཔཾ ཤསྱཾ ལཔྶྱཏེ། 
སཏྐརྨྨཀརཎེ྅སྨཱབྷིརཤྲཱནྟཻ རྦྷཝིཏཝྱཾ ཡཏོ྅ཀླཱནྟཽསྟིཥྛདྦྷིརསྨཱབྷིརུཔཡུཀྟསམཡེ ཏཏ྄ ཕལཱནི ལཔྶྱནྟེ། 
ཨཏོ ཡཱཝཏ྄ སམཡསྟིཥྛཏི ཏཱཝཏ྄ སཪྻྭཱན྄ པྲཏི ཝིཤེཥཏོ ཝིཤྭཱསཝེཤྨཝཱསིནཿ པྲཏྱསྨཱབྷི རྷིཏཱཙཱརཿ ཀརྟྟཝྱཿ། 
ཧེ བྷྲཱཏརཿ, ཨཧཾ སྭཧསྟེན ཡུཥྨཱན྄ པྲཏི ཀིཡདྭྲྀཧཏ྄ པཏྲཾ ལིཁིཏཝཱན྄ ཏད྄ ཡུཥྨཱབྷི རྡྲྀཤྱཏཱཾ། 
ཡེ ཤཱརཱིརིཀཝིཥཡེ སུདྲྀཤྱཱ བྷཝིཏུམིཙྪནྟི ཏེ ཡཏ྄ ཁྲཱིཥྚསྱ ཀྲུཤསྱ ཀཱརཎཱདུཔདྲཝསྱ བྷཱགིནོ ན བྷཝནྟི ཀེཝལཾ ཏདརྠཾ ཏྭཀྪེདེ ཡུཥྨཱན྄ པྲཝརྟྟཡནྟི། 
ཏེ ཏྭཀྪེདགྲཱཧིཎོ྅པི ཝྱཝསྠཱཾ ན པཱལཡནྟི ཀིནྟུ ཡུཥྨཙྪརཱིརཱཏ྄ ཤླཱགྷཱལཱབྷཱརྠཾ ཡུཥྨཱཀཾ ཏྭཀྪེདམ྄ ཨིཙྪནྟི། 
ཀིནྟུ ཡེནཱཧཾ སཾསཱརཱཡ ཧཏཿ སཾསཱརོ྅པི མཧྱཾ ཧཏསྟདསྨཏྤྲབྷོ ཪྻཱིཤུཁྲཱིཥྚསྱ ཀྲུཤཾ ཝིནཱནྱཏྲ ཀུཏྲཱཔི མམ ཤླཱགྷནཾ ཀདཱཔི ན བྷཝཏུ། 
ཁྲཱིཥྚེ ཡཱིཤཽ ཏྭཀྪེདཱཏྭཀྪེདཡོཿ ཀིམཔི གུཎཾ ནཱསྟི ཀིནྟུ ནཝཱིནཱ སྲྀཥྚིརེཝ གུཎཡུཀྟཱ། 
ཨཔརཾ ཡཱཝནྟོ ལོཀཱ ཨེཏསྨིན྄ མཱརྒེ ཙརནྟི ཏེཥཱམ྄ ཨཱིཤྭརཱིཡསྱ ཀྲྀཏྶྣསྱེསྲཱཡེལཤྩ ཤཱནྟི རྡཡཱལཱབྷཤྩ བྷཱུཡཱཏ྄། 
ཨིཏཿ པརཾ ཀོ྅པི མཱཾ ན ཀླིཤྣཱཏུ ཡསྨཱད྄ ཨཧཾ སྭགཱཏྲེ པྲབྷོ ཪྻཱིཤུཁྲཱིཥྚསྱ ཙིཧྣཱནི དྷཱརཡེ། 
ཧེ བྷྲཱཏརཿ ཨསྨཱཀཾ པྲབྷོ ཪྻཱིཤུཁྲཱིཥྚསྱ པྲསཱདོ ཡུཥྨཱཀམ྄ ཨཱཏྨནི སྠེཡཱཏ྄། ཏཐཱསྟུ། 
