﻿ཕིལིཔིནཿ.
2.
ཁྲཱིཥྚཱད྄ ཡདི ཀིམཔི སཱནྟྭནཾ ཀཤྩིཏ྄ པྲེམཛཱཏོ ཧརྵཿ ཀིཉྩིད྄ ཨཱཏྨནཿ སམབྷཱགིཏྭཾ ཀཱཙིད྄ ཨནུཀམྤཱ ཀྲྀཔཱ ཝཱ ཛཱཡཏེ ཏརྷི ཡཱུཡཾ མམཱཧླཱདཾ པཱུརཡནྟ 
ཨེཀབྷཱཝཱ ཨེཀཔྲེམཱཎ ཨེཀམནས ཨེཀཙེཥྚཱཤྩ བྷཝཏ། 
ཝིརོདྷཱད྄ དརྤཱད྄ ཝཱ ཀིམཔི མཱ ཀུརུཏ ཀིནྟུ ནམྲཏཡཱ སྭེབྷྱོ྅པརཱན྄ ཝིཤིཥྚཱན྄ མནྱདྷྭཾ། 
ཀེཝལམ྄ ཨཱཏྨཧིཏཱཡ ན ཙེཥྚམཱནཱཿ པརཧིཏཱཡཱཔི ཙེཥྚདྷྭཾ། 
ཁྲཱིཥྚསྱ ཡཱིཤོ ཪྻཱདྲྀཤཿ སྭབྷཱཝོ ཡུཥྨཱཀམ྄ ཨཔི ཏཱདྲྀཤོ བྷཝཏུ། 
ས ཨཱིཤྭརརཱུཔཱི སན྄ སྭཀཱིཡཱམ྄ ཨཱིཤྭརཏུལྱཏཱཾ ཤླཱགྷཱསྤདཾ ནཱམནྱཏ, 
ཀིནྟུ སྭཾ ཤཱུནྱཾ ཀྲྀཏྭཱ དཱསརཱུཔཱི བབྷཱུཝ ནརཱཀྲྀཏིཾ ལེབྷེ ཙ། 
ཨིཏྠཾ ནརམཱུརྟྟིམ྄ ཨཱཤྲིཏྱ ནམྲཏཱཾ སྭཱིཀྲྀཏྱ མྲྀཏྱོརརྠཏཿ ཀྲུཤཱིཡམྲྀཏྱོརེཝ བྷོགཱཡཱཛྙཱགྲཱཧཱི བབྷཱུཝ། 
ཏཏྐཱརཎཱད྄ ཨཱིཤྭརོ྅པི ཏཾ སཪྻྭོནྣཏཾ ཙཀཱར ཡཙྩ ནཱམ སཪྻྭེཥཱཾ ནཱམྣཱཾ ཤྲེཥྛཾ ཏདེཝ ཏསྨཻ དདཽ, 
ཏཏསྟསྨཻ ཡཱིཤུནཱམྣེ སྭརྒམརྟྱཔཱཏཱལསྠིཏཻཿ སཪྻྭཻ རྫཱནུཔཱཏཿ ཀརྟྟཝྱཿ, 
ཏཱཏསྠེཤྭརསྱ མཧིམྣེ ཙ ཡཱིཤུཁྲཱིཥྚཿ པྲབྷུརིཏི ཛིཧྭཱབྷིཿ སྭཱིཀརྟྟཝྱཾ། 
ཨཏོ ཧེ པྲིཡཏམཱཿ, ཡུཥྨཱབྷི ཪྻདྭཏ྄ སཪྻྭདཱ ཀྲིཡཏེ ཏདྭཏ྄ ཀེཝལེ མམོཔསྠིཏིཀཱལེ ཏནྣཧི ཀིནྟྭིདཱནཱིམ྄ ཨནུཔསྠིཏེ྅པི མཡི བཧུཏརཡཏྣེནཱཛྙཱཾ གྲྀཧཱིཏྭཱ བྷཡཀམྤཱབྷྱཱཾ སྭསྭཔརིཏྲཱཎཾ སཱདྷྱཏཱཾ། 
ཡཏ ཨཱིཤྭར ཨེཝ སྭཀཱིཡཱནུརོདྷཱད྄ ཡུཥྨནྨདྷྱེ མནསྐཱམནཱཾ ཀརྨྨསིདྡྷིཉྩ ཝིདདྷཱཏི། 
ཡཱུཡཾ ཀལཧཝིཝཱདཪྻིཛཏམ྄ ཨཱཙཱརཾ ཀུཪྻྭནྟོ྅ནིནྡནཱིཡཱ ཨཀུཊིལཱ 
ཨཱིཤྭརསྱ ནིཥྐལངྐཱཤྩ སནྟཱནཱཨིཝ ཝཀྲབྷཱཝཱནཱཾ ཀུཊིལཱཙཱརིཎཱཉྩ ལོཀཱནཱཾ མདྷྱེ ཏིཥྛཏ, 
ཡཏསྟེཥཱཾ མདྷྱེ ཡཱུཡཾ ཛཱིཝནཝཱཀྱཾ དྷཱརཡནྟོ ཛགཏོ དཱིཔཀཱ ཨིཝ དཱིཔྱདྷྭེ། ཡུཥྨཱབྷིསྟཐཱ ཀྲྀཏེ མམ ཡཏྣཿ པརིཤྲམོ ཝཱ ན ནིཥྥལོ ཛཱཏ ཨིཏྱཧཾ ཁྲཱིཥྚསྱ དིནེ ཤླཱགྷཱཾ ཀརྟྟུཾ ཤཀྵྱཱམི། 
ཡུཥྨཱཀཾ ཝིཤྭཱསཱརྠཀཱཡ བལིདཱནཱཡ སེཝནཱཡ ཙ ཡདྱཔྱཧཾ ནིཝེདིཏཝྱོ བྷཝེཡཾ ཏཐཱཔི ཏེནཱནནྡཱམི སཪྻྭེཥཱཾ ཡུཥྨཱཀམ྄ ཨཱནནྡསྱཱཾཤཱི བྷཝཱམི ཙ། 
ཏདྭད྄ ཡཱུཡམཔྱཱནནྡཏ མདཱིཡཱནནྡསྱཱཾཤིནོ བྷཝཏ ཙ། 
ཡུཥྨཱཀམ྄ ཨཝསྠཱམ྄ ཨཝགཏྱཱཧམཔི ཡཏ྄ སཱནྟྭནཱཾ པྲཱཔྣུཡཱཾ ཏདརྠཾ ཏཱིམཐིཡཾ ཏྭརཡཱ ཡུཥྨཏྶམཱིཔཾ པྲེཥཡིཥྱཱམཱིཏི པྲབྷཽ པྲཏྱཱཤཱཾ ཀུཪྻྭེ། 
ཡཿ སཏྱརཱུཔེཎ ཡུཥྨཱཀཾ ཧིཏཾ ཙིནྟཡཏི ཏཱདྲྀཤ ཨེཀབྷཱཝསྟསྨཱདནྱཿ ཀོ྅པི མམ སནྣིདྷཽ ནཱསྟི། 
ཡཏོ྅པརེ སཪྻྭེ ཡཱིཤོཿ ཁྲཱིཥྚསྱ ཝིཥཡཱན྄ ན ཙིནྟཡནྟ ཨཱཏྨཝིཥཡཱན྄ ཙིནྟཡནྟི། 
ཀིནྟུ ཏསྱ པརཱིཀྵིཏཏྭཾ ཡུཥྨཱབྷི རྫྙཱཡཏེ ཡཏཿ པུཏྲོ ཡཱདྲྀཀ྄ པིཏུཿ སཧཀཱརཱི བྷཝཏི ཏཐཻཝ སུསཾཝཱདསྱ པརིཙཪྻྱཱཡཱཾ ས མམ སཧཀཱརཱི ཛཱཏཿ། 
ཨཏཨེཝ མམ བྷཱཝིདཤཱཾ ཛྙཱཏྭཱ ཏཏྐྵཎཱཏ྄ ཏམེཝ པྲེཥཡིཏུཾ པྲཏྱཱཤཱཾ ཀུཪྻྭེ 
སྭཡམ྄ ཨཧམཔི ཏཱུརྞཾ ཡུཥྨཏྶམཱིཔཾ གམིཥྱཱམཱིཏྱཱཤཱཾ པྲབྷུནཱ ཀུཪྻྭེ། 
ཨཔརཾ ཡ ཨིཔཱཕྲདཱིཏོ མམ བྷྲཱཏཱ ཀརྨྨཡུདྡྷཱབྷྱཱཾ མམ སཧཱཡཤྩ ཡུཥྨཱཀཾ དཱུཏོ མདཱིཡོཔཀཱརཱཡ པྲཏིནིདྷིཤྩཱསྟི ཡུཥྨཏྶམཱིཔེ ཏསྱ པྲེཥཎམ྄ ཨཱཝཤྱཀམ྄ ཨམནྱེ། 
ཡཏཿ ས ཡུཥྨཱན྄ སཪྻྭཱན྄ ཨཀཱངྐྵཏ ཡུཥྨཱབྷིསྟསྱ རོགསྱ ཝཱརྟྟཱཤྲཱཝཱིཏི བུདྡྷྭཱ པཪྻྱཤོཙཙྩ། 
ས པཱིཌཡཱ མྲྀཏཀལྤོ྅བྷཝདིཏི སཏྱཾ ཀིནྟྭཱིཤྭརསྟཾ དཡིཏཝཱན྄ མམ ཙ དུཿཁཱཏ྄ པརཾ པུནརྡུཿཁཾ ཡནྣ བྷཝེཏ྄ ཏདརྠཾ ཀེཝལཾ ཏཾ ན དཡིཏྭཱ མཱམཔི དཡིཏཝཱན྄། 
ཨཏཨེཝ ཡཱུཡཾ ཏཾ ཝིལོཀྱ ཡཏ྄ པུནརཱནནྡེཏ མམཱཔི དུཿཁསྱ ཧྲཱསོ ཡད྄ བྷཝེཏ྄ ཏདརྠམ྄ ཨཧཾ ཏྭརཡཱ ཏམ྄ ཨཔྲེཥཡཾ། 
ཨཏོ ཡཱུཡཾ པྲབྷོཿ ཀྲྀཏེ སམྤཱུརྞེནཱནནྡེན ཏཾ གྲྀཧླཱིཏ ཏཱདྲྀཤཱན྄ ལོཀཱཾཤྩཱདརཎཱིཡཱན྄ མནྱདྷྭཾ། 
ཡཏོ མམ སེཝནེ ཡུཥྨཱཀཾ ཏྲུཊིཾ པཱུརཡིཏུཾ ས པྲཱཎཱན྄ པཎཱིཀྲྀཏྱ ཁྲཱིཥྚསྱ ཀཱཪྻྱཱརྠཾ མྲྀཏཔྲཱཡེ྅བྷཝཏ྄། 
