﻿༡ ཐིཥལནཱིཀིནཿ པཏྲཾ.
1.
པཽལཿ སིལྭཱནསྟཱིམཐིཡཤྩ པིཏུརཱིཤྭརསྱ པྲབྷོ ཪྻཱིཤུཁྲཱིཥྚསྱ ཙཱཤྲཡཾ པྲཱཔྟཱ ཐིཥལནཱིཀཱིཡསམིཏིཾ པྲཏི པཏྲཾ ལིཁནྟི། ཨསྨཱཀཾ ཏཱཏ ཨཱིཤྭརཿ པྲབྷུ ཪྻཱིཤུཁྲཱིཥྚཤྩ ཡུཥྨཱན྄ པྲཏྱནུགྲཧཾ ཤཱནྟིཉྩ ཀྲིཡཱསྟཱཾ། 
ཝཡཾ སཪྻྭེཥཱཾ ཡུཥྨཱཀཾ ཀྲྀཏེ ཨཱིཤྭརཾ དྷནྱཾ ཝདཱམཿ པྲཱརྠནཱསམཡེ ཡུཥྨཱཀཾ ནཱམོཙྩཱརཡཱམཿ, 
ཨསྨཱཀཾ ཏཱཏསྱེཤྭརསྱ སཱཀྵཱཏ྄ པྲབྷཽ ཡཱིཤུཁྲཱིཥྚེ ཡུཥྨཱཀཾ ཝིཤྭཱསེན ཡཏ྄ ཀཱཪྻྱཾ པྲེམྣཱ ཡཿ པརིཤྲམཿ པྲཏྱཱཤཡཱ ཙ ཡཱ ཏིཏིཀྵཱ ཛཱཡཏེ 
ཏཏ྄ སཪྻྭཾ ནིརནྟརཾ སྨརཱམཤྩ། ཧེ པིཡབྷྲཱཏརཿ, ཡཱུཡམ྄ ཨཱིཤྭརེཎཱབྷིརུཙིཏཱ ལོཀཱ ཨིཏི ཝཡཾ ཛཱནཱིམཿ། 
ཡཏོ྅སྨཱཀཾ སུསཾཝཱདཿ ཀེཝལཤབྡེན ཡུཥྨཱན྄ ན པྲཝིཤྱ ཤཀྟྱཱ པཝིཏྲེཎཱཏྨནཱ མཧོཏྶཱཧེན ཙ ཡུཥྨཱན྄ པྲཱཝིཤཏ྄། ཝཡནྟུ ཡུཥྨཱཀཾ ཀྲྀཏེ ཡུཥྨནྨདྷྱེ ཀཱིདྲྀཤཱ ཨབྷཝཱམ ཏད྄ ཡུཥྨཱབྷི རྫྙཱཡཏེ། 
ཡཱུཡམཔི བཧུཀླེཤབྷོགེན པཝིཏྲེཎཱཏྨནཱ དཏྟེནཱནནྡེན ཙ ཝཱཀྱཾ གྲྀཧཱིཏྭཱསྨཱཀཾ པྲབྷོཤྩཱནུགཱམིནོ྅བྷཝཏ། 
ཏེན མཱཀིདནིཡཱཁཱཡཱདེཤཡོ ཪྻཱཝནྟོ ཝིཤྭཱསིནོ ལོཀཱཿ སནྟི ཡཱུཡཾ ཏེཥཱཾ སཪྻྭེཥཱཾ ནིདརྴནསྭརཱུཔཱ ཛཱཏཱཿ། 
ཡཏོ ཡུཥྨཏྟཿ པྲཏིནཱདིཏཡཱ པྲབྷོ ཪྻཱཎྱཱ མཱཀིདནིཡཱཁཱཡཱདེཤཽ ཝྱཱཔྟཽ ཀེཝལམེཏནྣཧི ཀིནྟྭཱིཤྭརེ ཡུཥྨཱཀཾ ཡོ ཝིཤྭཱསསྟསྱ ཝཱརྟྟཱ སཪྻྭཏྲཱཤྲཱཝི, ཏསྨཱཏ྄ ཏཏྲ ཝཱཀྱཀཐནམ྄ ཨསྨཱཀཾ ནིཥྤྲཡོཛནཾ། 
ཡཏོ ཡུཥྨནྨདྷྱེ ཝཡཾ ཀཱིདྲྀཤཾ པྲཝེཤཾ པྲཱཔྟཱ ཡཱུཡཉྩ ཀཐཾ པྲཏིམཱ ཝིཧཱཡེཤྭརཾ པྲཏྱཱཝརྟྟདྷྭམ྄ ཨམརཾ སཏྱམཱིཤྭརཾ སེཝིཏུཾ 
མྲྀཏགཎམདྷྱཱཙྩ ཏེནོཏྠཱཔིཏསྱ པུཏྲསྱཱརྠཏ ཨཱགཱམིཀྲོདྷཱད྄ ཨསྨཱཀཾ ནིསྟཱརཡིཏུ ཪྻཱིཤོཿ སྭརྒཱད྄ ཨཱགམནཾ པྲཏཱིཀྵིཏུམ྄ ཨཱརབྷདྷྭམ྄ ཨེཏཏ྄ སཪྻྭཾ ཏེ ལོཀཱཿ སྭཡམ྄ ཨསྨཱན྄ ཛྙཱཔཡནྟི། 
