﻿༡ ཐིཥལནཱིཀིནཿ.
2.
ཧེ བྷྲཱཏརཿ, ཡུཥྨནྨདྷྱེ ྅སྨཱཀཾ པྲཝེཤོ ནིཥྥལོ ན ཛཱཏ ཨིཏི ཡཱུཡཾ སྭཡཾ ཛཱནཱིཐ། 
ཨཔརཾ ཡུཥྨཱབྷི ཪྻཐཱཤྲཱཝི ཏཐཱ པཱུཪྻྭཾ ཕིལིཔཱིནགརེ ཀླིཥྚཱ ནིནྡིཏཱཤྩ སནྟོ྅པི ཝཡམ྄ ཨཱིཤྭརཱད྄ ཨུཏྶཱཧཾ ལབྡྷྭཱ བཧུཡཏྣེན ཡུཥྨཱན྄ ཨཱིཤྭརསྱ སུསཾཝཱདམ྄ ཨབོདྷཡཱམ། 
ཡཏོ྅སྨཱཀམ྄ ཨཱདེཤོ བྷྲཱནྟེརཤུཙིབྷཱཝཱད྄ ཝོཏྤནྣཿ པྲཝཉྩནཱཡུཀྟོ ཝཱ ན བྷཝཏི། 
ཀིནྟྭཱིཤྭརེཎཱསྨཱན྄ པརཱིཀྵྱ ཝིཤྭསནཱིཡཱན྄ མཏྟྭཱ ཙ ཡདྭཏ྄ སུསཾཝཱདོ྅སྨཱསུ སམཱརྤྱཏ ཏདྭད྄ ཝཡཾ མཱནཝེབྷྱོ ན རུརོཙིཥམཱཎཱཿ ཀིནྟྭསྨདནྟཿཀརཎཱནཱཾ པརཱིཀྵཀཱཡེཤྭརཱཡ རུརོཙིཥམཱཎཱ བྷཱཥཱམཧེ། 
ཝཡཾ ཀདཱཔི སྟུཏིཝཱདིནོ ནཱབྷཝཱམེཏི ཡཱུཡཾ ཛཱནཱིཐ ཀདཱཔི ཚལཝསྟྲེཎ ལོབྷཾ ནཱཙྪཱདཡཱམེཏྱསྨིན྄ ཨཱིཤྭརཿ སཱཀྵཱི ཝིདྱཏེ། 
ཝཡཾ ཁྲཱིཥྚསྱ པྲེརིཏཱ ཨིཝ གཽརཝཱནྭིཏཱ བྷཝིཏུམ྄ ཨཤཀྵྱཱམ ཀིནྟུ ཡུཥྨཏྟཿ པརསྨཱད྄ ཝཱ ཀསྨཱདཔི མཱནཝཱད྄ གཽརཝཾ ན ལིཔྶམཱནཱ ཡུཥྨནྨདྷྱེ མྲྀདུབྷཱཝཱ བྷཱུཏྭཱཝརྟྟཱམཧི། 
ཡཐཱ ཀཱཙིནྨཱཏཱ སྭཀཱིཡཤིཤཱུན྄ པཱལཡཏི ཏཐཱ ཝཡམཔི ཡུཥྨཱན྄ ཀཱངྐྵམཱཎཱ 
ཡུཥྨབྷྱཾ ཀེཝལམ྄ ཨཱིཤྭརསྱ སུསཾཝཱདཾ ཏནྣཧི ཀིནྟུ སྭཀཱིཡཔྲཱཎཱན྄ ཨཔི དཱཏུཾ མནོབྷིརབྷྱལཥཱམ, ཡཏོ ཡཱུཡམ྄ ཨསྨཱཀཾ སྣེཧཔཱཏྲཱཎྱབྷཝཏ། 
ཧེ བྷྲཱཏརཿ, ཨསྨཱཀཾ ཤྲམཿ ཀླེेཤཤྩ ཡུཥྨཱབྷིཿ སྨཪྻྱཏེ ཡུཥྨཱཀཾ ཀོ྅པི ཡད྄ བྷཱརགྲསྟོ ན བྷཝེཏ྄ ཏདརྠཾ ཝཡཾ དིཝཱནིཤཾ པརིཤྲཱམྱནྟོ ཡུཥྨནྨདྷྱ ཨཱིཤྭརསྱ སུསཾཝཱདམགྷོཥཡཱམ། 
ཨཔརཉྩ ཝིཤྭཱསིནོ ཡུཥྨཱན྄ པྲཏི ཝཡཾ ཀཱིདྲྀཀ྄ པཝིཏྲཏྭཡཐཱརྠཏྭནིརྡོཥཏྭཱཙཱརིཎོ྅བྷཝཱམེཏྱསྨིན྄ ཨཱིཤྭརོ ཡཱུཡཉྩ སཱཀྵིཎ ཨཱདྷྭེ། 
ཨཔརཉྩ ཡདྭཏ྄ པིཏཱ སྭབཱལཀཱན྄ ཏདྭད྄ ཝཡཾ ཡུཥྨཱཀམ྄ ཨེཀཻཀཾ ཛནམ྄ ཨུཔདིཥྚཝནྟཿ སཱནྟྭིཏཝནྟཤྩ, 
ཡ ཨཱིཤྭརཿ སྭཱིཡརཱཛྱཱཡ ཝིབྷཝཱཡ ཙ ཡུཥྨཱན྄ ཨཱཧཱུཏཝཱན྄ ཏདུཔཡུཀྟཱཙརཎཱཡ ཡུཥྨཱན྄ པྲཝརྟྟིཏཝནྟཤྩེཏི ཡཱུཡཾ ཛཱནཱིཐ། 
ཡསྨིན྄ སམཡེ ཡཱུཡམ྄ ཨསྨཱཀཾ མུཁཱད྄ ཨཱིཤྭརེཎ པྲཏིཤྲུཏཾ ཝཱཀྱམ྄ ཨལབྷདྷྭཾ ཏསྨིན྄ སམཡེ ཏཏ྄ མཱནུཥཱཎཱཾ ཝཱཀྱཾ ན མཏྟྭེཤྭརསྱ ཝཱཀྱཾ མཏྟྭཱ གྲྀཧཱིཏཝནྟ ཨིཏི ཀཱརཎཱད྄ ཝཡཾ ནིརནྟརམ྄ ཨཱིཤྭརཾ དྷནྱཾ ཝདཱམཿ, ཡཏསྟད྄ ཨཱིཤྭརསྱ ཝཱཀྱམ྄ ཨིཏི སཏྱཾ ཝིཤྭཱསིནཱཾ ཡུཥྨཱཀཾ མདྷྱེ ཏསྱ གུཎཿ པྲཀཱཤཏེ ཙ། 
ཧེ བྷྲཱཏརཿ, ཁྲཱིཥྚཱཤྲིཏཝཏྱ ཨཱིཤྭརསྱ ཡཱཿ སམིཏྱོ ཡིཧཱུདཱདེཤེ སནྟི ཡཱུཡཾ ཏཱསཱམ྄ ཨནུཀཱརིཎོ྅བྷཝཏ, ཏདྦྷུཀྟཱ ལོཀཱཤྩ ཡདྭད྄ ཡིཧཱུདིལོཀེབྷྱསྟདྭད྄ ཡཱུཡམཔི སྭཛཱཏཱིཡལོཀེབྷྱོ དུཿཁམ྄ ཨལབྷདྷྭཾ། 
ཏེ ཡིཧཱུདཱིཡཱཿ པྲབྷུཾ ཡཱིཤུཾ བྷཝིཥྱདྭཱདིནཤྩ ཧཏཝནྟོ ྅སྨཱན྄ དཱུརཱིཀྲྀཏཝནྟཤྩ, ཏ ཨཱིཤྭརཱཡ ན རོཙནྟེ སཪྻྭེཥཱཾ མཱནཝཱནཱཾ ཝིཔཀྵཱ བྷཝནྟི ཙ; 
ཨཔརཾ བྷིནྣཛཱཏཱིཡལོཀཱནཱཾ པརིཏྲཱཎཱརྠཾ ཏེཥཱཾ མདྷྱེ སུསཾཝཱདགྷོཥཎཱད྄ ཨསྨཱན྄ པྲཏིཥེདྷནྟི ཙེཏྠཾ སྭཱིཡཔཱཔཱནཱཾ པརིམཱཎམ྄ ཨུཏྟརོཏྟརཾ པཱུརཡནྟི, ཀིནྟུ ཏེཥཱམ྄ ཨནྟཀཱརཱི ཀྲོདྷསྟཱན྄ ཨུཔཀྲམཏེ། 
ཧེ བྷྲཱཏརཿ མནསཱ ནཧི ཀིནྟུ ཝདནེན ཀིཡཏྐཱལཾ ཡུཥྨཏྟོ ྅སྨཱཀཾ ཝིཙྪེདེ ཛཱཏེ ཝཡཾ ཡུཥྨཱཀཾ མུཁཱནི དྲཥྚུམ྄ ཨཏྱཱཀཱངྐྵཡཱ བཧུ ཡཏིཏཝནྟཿ། 
དྭིརེཀཀྲྀཏྭོ ཝཱ ཡུཥྨཏྶམཱིཔགམནཱཡཱསྨཱཀཾ ཝིཤེཥཏཿ པཽལསྱ མམཱབྷིལཱཥོ྅བྷཝཏ྄ ཀིནྟུ ཤཡཏཱནོ ྅སྨཱན྄ ནིཝཱརིཏཝཱན྄། 
ཡཏོ྅སྨཱཀཾ ཀཱ པྲཏྱཱཤཱ ཀོ ཝཱནནྡཿ ཀིཾ ཝཱ ཤླཱགྷྱཀིརཱིཊཾ? ཨསྨཱཀཾ པྲབྷོ ཪྻཱིཤུཁྲཱིཥྚསྱཱགམནཀཱལེ ཏཏྶམྨུཁསྠཱ ཡཱུཡཾ ཀིཾ ཏནྣ བྷཝིཥྱཐ? 
ཡཱུཡམ྄ ཨེཝཱསྨཱཀཾ གཽརཝཱནནྡསྭརཱུཔཱ བྷཝཐ། 
