﻿༢ ཐིཥལནཱིཀིནཿ.
2.
ཧེ བྷྲཱཏརཿ, ཨསྨཱཀཾ པྲབྷོ ཪྻཱིཤུཁྲཱིཥྚསྱཱགམནཾ ཏསྱ སམཱིཔེ ྅སྨཱཀཾ སཾསྠིཏིཉྩཱདྷི ཝཡཾ ཡུཥྨཱན྄ ཨིདཾ པྲཱརྠཡཱམཧེे, 
པྲབྷེསྟད྄ དིནཾ པྲཱཡེཎོཔསྠིཏམ྄ ཨིཏི ཡདི ཀཤྩིད྄ ཨཱཏྨནཱ ཝཱཙཱ ཝཱ པཏྲེཎ ཝཱསྨཱཀམ྄ ཨཱདེཤཾ ཀལྤཡན྄ ཡུཥྨཱན྄ གདཏི ཏརྷི ཡཱུཡཾ ཏེན ཙཉྩལམནས ཨུདྭིགྣཱཤྩ ན བྷཝཏ། 
ཀེནཱཔི པྲཀཱརེཎ ཀོ྅པི ཡུཥྨཱན྄ ན ཝཉྩཡཏུ ཡཏསྟསྨཱད྄ དིནཱཏ྄ པཱུཪྻྭཾ དྷརྨྨལོཔེནོཔསྱཱཏཝྱཾ, 
ཡཤྩ ཛནོ ཝིཔཀྵཏཱཾ ཀུཪྻྭན྄ སཪྻྭསྨཱད྄ དེཝཱཏ྄ པཱུཛནཱིཡཝསྟུཤྩོནྣཾསྱཏེ སྭམ྄ ཨཱིཤྭརམིཝ དརྴཡན྄ ཨཱིཤྭརཝད྄ ཨཱིཤྭརསྱ མནྡིར ཨུཔཝེཀྵྱཏི ཙ ཏེན ཝིནཱཤཔཱཏྲེཎ པཱཔཔུརུཥེཎོདེཏཝྱཾ། 
ཡདཱཧཾ ཡུཥྨཱཀཾ སནྣིདྷཱཝཱསཾ ཏདཱནཱིམ྄ ཨེཏད྄ ཨཀཐཡམིཏི ཡཱུཡཾ ཀིཾ ན སྨརཐ? 
སཱམྤྲཏཾ ས ཡེན ནིཝཱཪྻྱཏེ ཏད྄ ཡཱུཡཾ ཛཱནཱིཐ, ཀིནྟུ སྭསམཡེ ཏེནོདེཏཝྱཾ། 
ཝིདྷརྨྨསྱ ནིགཱུཌྷོ གུཎ ཨིདཱནཱིམཔི ཕལཏི ཀིནྟུ ཡསྟཾ ནིཝཱརཡཏི སོ྅དྱཱཔི དཱུརཱིཀྲྀཏོ ནཱབྷཝཏ྄། 
ཏསྨིན྄ དཱུརཱིཀྲྀཏེ ས ཝིདྷརྨྨྱུདེཥྱཏི ཀིནྟུ པྲབྷུ ཪྻཱིཤུཿ སྭམུཁཔཝནེན ཏཾ ཝིདྷྭཾསཡིཥྱཏི ནིཛོཔསྠིཏེསྟེཛསཱ ཝིནཱཤཡིཥྱཏི ཙ། 
ཤཡཏཱནསྱ ཤཀྟིཔྲཀཱཤནཱད྄ ཝིནཱཤྱམཱནཱནཱཾ མདྷྱེ སཪྻྭཝིདྷཱཿ པརཱཀྲམཱ བྷྲམིཀཱ ཨཱཤྩཪྻྱཀྲིཡཱ ལཀྵཎཱནྱདྷརྨྨཛཱཏཱ སཪྻྭཝིདྷཔྲཏཱརཎཱ ཙ ཏསྱོཔསྠིཏེཿ ཕལཾ བྷཝིཥྱཏི; 
ཡཏོ ཧེཏོསྟེ པརིཏྲཱཎཔྲཱཔྟཡེ སཏྱདྷརྨྨསྱཱནུརཱགཾ ན གྲྀཧཱིཏཝནྟསྟསྨཱཏ྄ ཀཱརཎཱད྄ 
ཨཱིཤྭརེཎ ཏཱན྄ པྲཏི བྷྲཱནྟིཀརམཱཡཱཡཱཾ པྲེཥིཏཱཡཱཾ ཏེ མྲྀཥཱཝཱཀྱེ ཝིཤྭསིཥྱནྟི། 
ཡཏོ ཡཱཝནྟོ མཱནཝཱཿ སཏྱདྷརྨྨེ ན ཝིཤྭསྱཱདྷརྨྨེཎ ཏུཥྱནྟི ཏཻཿ སཪྻྭཻ རྡཎྜབྷཱཛནཻ རྦྷཝིཏཝྱཾ། 
ཧེ པྲབྷོཿ པྲིཡཱ བྷྲཱཏརཿ, ཡུཥྨཱཀཾ ཀྲྀཏ ཨཱིཤྭརསྱ དྷནྱཝཱདོ྅སྨཱབྷིཿ སཪྻྭདཱ ཀརྟྟཝྱོ ཡཏ ཨཱིཤྭར ཨཱ པྲཐམཱད྄ ཨཱཏྨནཿ པཱཝནེན སཏྱདྷརྨྨེ ཝིཤྭཱསེན ཙ པརིཏྲཱཎཱརྠཾ ཡུཥྨཱན྄ ཝརཱིཏཝཱན྄ 
ཏདརྠཉྩཱསྨཱབྷི རྒྷོཥིཏེན སུསཾཝཱདེན ཡུཥྨཱན྄ ཨཱཧཱུཡཱསྨཱཀཾ པྲབྷོ ཪྻཱིཤུཁྲཱིཥྚསྱ ཏེཛསོ྅དྷིཀཱརིཎཿ ཀརིཥྱཏི། 
ཨཏོ ཧེ བྷྲཱཏརཿ ཡཱུཡམ྄ ཨསྨཱཀཾ ཝཱཀྱཻཿ པཏྲཻཤྩ ཡཱཾ ཤིཀྵཱཾ ལབྡྷཝནྟསྟཱཾ ཀྲྀཏྶྣཱཾ ཤིཀྵཱཾ དྷཱརཡནྟཿ སུསྠིརཱ བྷཝཏ། 
ཨསྨཱཀཾ པྲབྷུ ཪྻཱིཤུཁྲཱིཥྚསྟཱཏ ཨཱིཤྭརཤྩཱརྠཏོ ཡོ ཡུཥྨཱསུ པྲེམ ཀྲྀཏཝཱན྄ ནིཏྱཱཉྩ སཱནྟྭནཱམ྄ ཨནུགྲཧེཎོཏྟམཔྲཏྱཱཤཱཉྩ ཡུཥྨབྷྱཾ དཏྟཝཱན྄ 
ས སྭཡཾ ཡུཥྨཱཀམ྄ ཨནྟཿཀརཎཱནི སཱནྟྭཡཏུ སཪྻྭསྨིན྄ སདྭཱཀྱེ སཏྐརྨྨཎི ཙ སུསྠིརཱིཀརོཏུ ཙ། 
