﻿Hebrews.
9.
ས པྲཐམོ ནིཡམ ཨཱརཱདྷནཱཡཱ ཝིཝིདྷརཱིཏིབྷིརཻཧིཀཔཝིཏྲསྠཱནེན ཙ ཝིཤིཥྚ ཨཱསཱིཏ྄། 
ཡཏོ དཱུཥྱམེཀཾ ནིརམཱིཡཏ ཏསྱ པྲཐམཀོཥྛསྱ ནཱམ པཝིཏྲསྠཱནམིཏྱཱསཱིཏ྄ ཏཏྲ དཱིཔཝྲྀཀྵོ བྷོཛནཱསནཾ དརྴནཱིཡཔཱུཔཱནཱཾ ཤྲེཎཱི ཙཱསཱིཏ྄། 
ཏཏྤཤྩཱད྄ དྭིཏཱིཡཱཡཱསྟིརཥྐརིཎྱཱ ཨབྷྱནྟརེ ྅ཏིཔཝིཏྲསྠཱནམིཏིནཱམཀཾ ཀོཥྛམཱསཱིཏ྄, 
ཏཏྲ ཙ སུཝརྞམཡོ དྷཱུཔཱདྷཱརཿ པརིཏཿ སུཝརྞམཎྜིཏཱ ནིཡམམཉྫཱུཥཱ ཙཱསཱིཏ྄ ཏནྨདྷྱེ མཱནྣཱཡཱཿ སུཝརྞགྷཊོ ཧཱརོཎསྱ མཉྫརིཏདཎྜསྟཀྵིཏཽ ནིཡམཔྲསྟརཽ, 
ཏདུཔརི ཙ ཀརུཎཱསནེ ཚཱཡཱཀཱརིཎཽ ཏེཛོམཡཽ ཀིརཱུབཱཝཱསྟཱམ྄, ཨེཏེཥཱཾ ཝིཤེཥཝྲྀཏྟཱནྟཀཐནཱཡ ནཱཡཾ སམཡཿ། 
ཨེཏེཥྭཱིདྲྀཀ྄ ནིརྨྨིཏེཥུ ཡཱཛཀཱ ཨཱིཤྭརསེཝཱམ྄ ཨནུཏིཥྛནཏོ དཱུཥྱསྱ པྲཐམཀོཥྛཾ ནིཏྱཾ པྲཝིཤནྟི། 
ཀིནྟུ དྭིཏཱིཡཾ ཀོཥྛཾ པྲཏིཝརྵམ྄ ཨེཀཀྲྀཏྭ ཨེཀཱཀིནཱ མཧཱཡཱཛཀེན པྲཝིཤྱཏེ ཀིནྟྭཱཏྨནིམིཏྟཾ ལོཀཱནཱམ྄ ཨཛྙཱནཀྲྀཏཔཱཔཱནཱཉྩ ནིམིཏྟམ྄ ཨུཏྶརྫྫནཱིཡཾ རུདྷིརམ྄ ཨནཱདཱཡ ཏེན ན པྲཝིཤྱཏེ། 
ཨིཏྱནེན པཝིཏྲ ཨཱཏྨཱ ཡཏ྄ ཛྙཱཔཡཏི ཏདིདཾ ཏཏ྄ པྲཐམཾ དཱུཥྱཾ ཡཱཝཏ྄ ཏིཥྛཏི ཏཱཝཏ྄ མཧཱཔཝིཏྲསྠཱནགཱམཱི པནྠཱ ཨཔྲཀཱཤིཏསྟིཥྛཏི། 
ཏཙྩ དཱུཥྱཾ ཝརྟྟམཱནསམཡསྱ དྲྀཥྚཱནྟཿ, ཡཏོ ཧེཏོཿ སཱམྤྲཏཾ སཾཤོདྷནཀཱལཾ ཡཱཝད྄ ཡནྣིརཱུཔིཏཾ ཏདནུསཱརཱཏ྄ སེཝཱཀཱརིཎོ མཱནསིཀསིདྡྷིཀརཎེ྅སམརྠཱབྷིཿ 
ཀེཝལཾ ཁཱདྱཔེཡེཥུ ཝིཝིདྷམཛྫནེཥུ ཙ ཤཱརཱིརིཀརཱིཏིབྷི ཪྻུཀྟཱནི ནཻཝེདྱཱནི བལིདཱནཱནི ཙ བྷཝནྟི། 
ཨཔརཾ བྷཱཝིམངྒལཱནཱཾ མཧཱཡཱཛཀཿ ཁྲཱིཥྚ ཨུཔསྠཱཡཱཧསྟནིརྨྨིཏེནཱརྠཏ ཨེཏཏྶྲྀཥྚེ རྦཧིརྦྷཱུཏེན ཤྲེཥྛེན སིདྡྷེན ཙ དཱུཥྱེཎ གཏྭཱ 
ཚཱགཱནཱཾ གོཝཏྶཱནཱཾ ཝཱ རུདྷིརམ྄ ཨནཱདཱཡ སྭཱིཡརུདྷིརམ྄ ཨཱདཱཡཻཀཀྲྀཏྭ ཨེཝ མཧཱཔཝིཏྲསྠཱནཾ པྲཝིཤྱཱནནྟཀཱལིཀཱཾ མུཀྟིཾ པྲཱཔྟཝཱན྄། 
ཝྲྀཥཚཱགཱནཱཾ རུདྷིརེཎ གཝཱིབྷསྨནཿ པྲཀྵེཔེཎ ཙ ཡདྱཤུཙིལོཀཱཿ ཤཱརཱིརིཤུཙིཏྭཱཡ པཱུཡནྟེ, 
ཏརྷི ཀིཾ མནྱདྷྭེ ཡཿ སདཱཏནེནཱཏྨནཱ ནིཥྐལངྐབལིམིཝ སྭམེཝེཤྭརཱཡ དཏྟཝཱན྄, ཏསྱ ཁྲཱིཥྚསྱ རུདྷིརེཎ ཡུཥྨཱཀཾ མནཱཾསྱམརེཤྭརསྱ སེཝཱཡཻ ཀིཾ མྲྀཏྱུཛནཀེབྷྱཿ ཀརྨྨབྷྱོ ན པཝིཏྲཱིཀཱརིཥྱནྟེ? 
ས ནཱུཏནནིཡམསྱ མདྷྱསྠོ྅བྷཝཏ྄ ཏསྱཱབྷིཔྲཱཡོ྅ཡཾ ཡཏ྄ པྲཐམནིཡམལངྒྷནརཱུཔཔཱཔེབྷྱོ མྲྀཏྱུནཱ མུཀྟཽ ཛཱཏཱཡཱམ྄ ཨཱཧཱུཏལོཀཱ ཨནནྟཀཱལཱིཡསམྤདཿ པྲཏིཛྙཱཕལཾ ལབྷེརན྄། 
ཡཏྲ ནིཡམོ བྷཝཏི ཏཏྲ ནིཡམསཱདྷཀསྱ བལེ རྨྲྀཏྱུནཱ བྷཝིཏཝྱཾ། 
ཡཏོ ཧཏེན བལིནཱ ནིཡམཿ སྠིརཱིབྷཝཏི ཀིནྟུ ནིཡམསཱདྷཀོ བལི ཪྻཱཝཏ྄ ཛཱིཝཏི ཏཱཝཏ྄ ནིཡམོ ནིརརྠཀསྟིཥྛཏི། 
ཏསྨཱཏ྄ ས པཱུཪྻྭནིཡམོ྅པི རུདྷིརཔཱཏཾ ཝིནཱ ན སཱདྷིཏཿ། 
ཕལཏཿ སཪྻྭལོཀཱན྄ པྲཏི ཝྱཝསྠཱནུསཱརེཎ སཪྻྭཱ ཨཱཛྙཱཿ ཀཐཡིཏྭཱ མཱུསཱ ཛལེན སིནྡཱུརཝརྞལོམྣཱ ཨེཥོཝཏྲྀཎེན ཙ སཱརྡྡྷཾ གོཝཏྶཱནཱཾ ཚཱགཱནཱཉྩ རུདྷིརཾ གྲྀཧཱིཏྭཱ གྲནྠེ སཪྻྭལོཀེཥུ ཙ པྲཀྵིཔྱ བབྷཱཥེ, 
ཡུཥྨཱན྄ ཨདྷཱིཤྭརོ ཡཾ ནིཡམཾ ནིརཱུཔིཏཝཱན྄ ཏསྱ རུདྷིརམེཏཏ྄། 
ཏདྭཏ྄ ས དཱུཥྱེ྅པི སེཝཱརྠཀེཥུ སཪྻྭཔཱཏྲེཥུ ཙ རུདྷིརཾ པྲཀྵིཔྟཝཱན྄། 
ཨཔརཾ ཝྱཝསྠཱནུསཱརེཎ པྲཱཡཤཿ སཪྻྭཱཎི རུདྷིརེཎ པརིཥྐྲིཡནྟེ རུདྷིརཔཱཏཾ ཝིནཱ པཱཔམོཙནཾ ན བྷཝཏི ཙ། 
ཨཔརཾ ཡཱནི སྭརྒཱིཡཝསྟཱུནཱཾ དྲྀཥྚཱནྟཱསྟེཥཱམ྄ ཨེཏཻཿ པཱཝནམ྄ ཨཱཝཤྱཀམ྄ ཨཱསཱིཏ྄ ཀིནྟུ སཱཀྵཱཏ྄ སྭརྒཱིཡཝསྟཱུནཱམ྄ ཨེཏེབྷྱཿ ཤྲེཥྛེै རྦལིདཱནཻཿ པཱཝནམཱཝཤྱཀཾ། 
ཡཏཿ ཁྲཱིཥྚཿ སཏྱཔཝིཏྲསྠཱནསྱ དྲྀཥྚཱནྟརཱུཔཾ ཧསྟཀྲྀཏཾ པཝིཏྲསྠཱནཾ ན པྲཝིཥྚཝཱན྄ ཀིནྟྭསྨནྣིམིཏྟམ྄ ཨིདཱནཱིམ྄ ཨཱིཤྭརསྱ སཱཀྵཱད྄ ཨུཔསྠཱཏུཾ སྭརྒམེཝ པྲཝིཥྚཿ། 
ཡཐཱ ཙ མཧཱཡཱཛཀཿ པྲཏིཝརྵཾ པརཤོཎིཏམཱདཱཡ མཧཱཔཝིཏྲསྠཱནཾ པྲཝིཤཏི ཏཐཱ ཁྲཱིཥྚེན པུནཿ པུནརཱཏྨོཏྶརྒོ ན ཀརྟྟཝྱཿ, 
ཀརྟྟཝྱེ སཏི ཛགཏཿ སྲྀཥྚིཀཱལམཱརབྷྱ བཧུཝཱརཾ ཏསྱ མྲྀཏྱུབྷོག ཨཱཝཤྱཀོ྅བྷཝཏ྄; ཀིནྟྭིདཱནཱིཾ ས ཨཱཏྨོཏྶརྒེཎ པཱཔནཱཤཱརྠམ྄ ཨེཀཀྲྀཏྭོ ཛགཏཿ ཤེཥཀཱལེ པྲཙཀཱཤེ། 
ཨཔརཾ ཡཐཱ མཱནུཥསྱཻཀཀྲྀཏྭོ མརཎཾ ཏཏ྄ པཤྩཱད྄ ཝིཙཱརོ ནིརཱུཔིཏོ྅སྟི, 
ཏདྭཏ྄ ཁྲཱིཥྚོ྅པི བཧཱུནཱཾ པཱཔཝཧནཱརྠཾ བལིརཱུཔེཎཻཀཀྲྀཏྭ ཨུཏྶསྲྀཛེ, ཨཔརཾ དྭིཏཱིཡཝཱརཾ པཱཔཱད྄ བྷིནྣཿ སན྄ ཡེ ཏཾ པྲཏཱིཀྵནྟེ ཏེཥཱཾ པརིཏྲཱཎཱརྠཾ དརྴནཾ དཱསྱཏི། 
