﻿2 Peter.
3.
ཧེ པྲིཡཏམཱཿ, ཡཱུཡཾ ཡཐཱ པཝིཏྲབྷཝིཥྱདྭཀྟྲྀབྷིཿ པཱུཪྻྭོཀྟཱནི ཝཱཀྱཱནི ཏྲཱཏྲཱ པྲབྷུནཱ པྲེརིཏཱནཱམ྄ ཨསྨཱཀམ྄ ཨཱདེཤཉྩ སཱརཐ ཏཐཱ ཡུཥྨཱན྄ སྨཱརཡིཏྭཱ 
ཡུཥྨཱཀཾ སརལབྷཱཝཾ པྲབོདྷཡིཏུམ྄ ཨཧཾ དྭིཏཱིཡམ྄ ཨིདཾ པཏྲཾ ལིཁཱམི། 
པྲཐམཾ ཡུཥྨཱབྷིརིདཾ ཛྙཱཡཏཱཾ ཡཏ྄ ཤེཥེ ཀཱལེ སྭེཙྪཱཙཱརིཎོ ནིནྡཀཱ ཨུཔསྠཱཡ 
ཝདིཥྱནྟི པྲབྷོརཱགམནསྱ པྲཏིཛྙཱ ཀུཏྲ? ཡཏཿ པིཏྲྀལོཀཱནཱཾ མཧཱནིདྲཱགམནཱཏ྄ པརཾ སཪྻྭཱཎི སྲྀཥྚེརཱརམྦྷཀཱལེ ཡཐཱ ཏཐཻཝཱཝཏིཥྛནྟེ། 
པཱུཪྻྭམ྄ ཨཱིཤྭརསྱ ཝཱཀྱེནཱཀཱཤམཎྜལཾ ཛལཱད྄ ཨུཏྤནྣཱ ཛལེ སནྟིཥྛམཱནཱ ཙ པྲྀཐིཝྱཝིདྱཏཻཏད྄ ཨནིཙྪུཀཏཱཏསྟེ ན ཛཱནཱནྟི, 
ཏཏསྟཱཏྐཱལིཀསཾསཱརོ ཛལེནཱཔླཱཝིཏོ ཝིནཱཤཾ གཏཿ། 
ཀིནྟྭདྷུནཱ ཝརྟྟམཱནེ ཨཱཀཱཤབྷཱུམཎྜལེ ཏེནཻཝ ཝཱཀྱེན ཝཧྣྱརྠཾ གུཔྟེ ཝིཙཱརདིནཾ དུཥྚམཱནཝཱནཱཾ ཝིནཱཤཉྩ ཡཱཝད྄ རཀྵྱཏེ། 
ཧེ པྲིཡཏམཱཿ, ཡཱུཡམ྄ ཨེཏདེཀཾ ཝཱཀྱམ྄ ཨནཝགཏཱ མཱ བྷཝཏ ཡཏ྄ པྲབྷོཿ སཱཀྵཱད྄ དིནམེཀཾ ཝརྵསཧསྲཝད྄ ཝརྵསཧསྲཉྩ དིནཻཀཝཏ྄། 
ཀེཙིད྄ ཡཐཱ ཝིལམྦཾ མནྱནྟེ ཏཐཱ པྲབྷུཿ སྭཔྲཏིཛྙཱཡཱཾ ཝིལམྦཏེ ཏནྣཧི ཀིནྟུ ཀོ྅པི ཡནྣ ཝིནཤྱེཏ྄ སཪྻྭཾ ཨེཝ མནཿཔརཱཝརྟྟནཾ གཙྪེཡུརིཏྱབྷིལཥན྄ སོ ྅སྨཱན྄ པྲཏི དཱིརྒྷསཧིཥྞུཏཱཾ ཝིདདྷཱཏི། 
ཀིནྟུ ཀྵཔཱཡཱཾ ཙཽར ཨིཝ པྲབྷོ རྡིནམ྄ ཨཱགམིཥྱཏི ཏསྨིན྄ མཧཱཤབྡེན གགནམཎྜལཾ ལོཔྶྱཏེ མཱུལཝསྟཱུནི ཙ ཏཱཔེན གལིཥྱནྟེ པྲྀཐིཝཱི ཏནྨདྷྱསྠིཏཱནི ཀརྨྨཱཎི ཙ དྷཀྵྱནྟེ། 
ཨཏཿ སཪྻྭཻརེཏཻ ཪྻིཀཱརེ གནྟཝྱེ སཏི ཡསྨིན྄ ཨཱཀཱཤམཎྜལཾ དཱཧེན ཝིཀཱརིཥྱཏེ མཱུལཝསྟཱུནི ཙ ཏཱཔེན གལིཥྱནྟེ 
ཏསྱེཤྭརདིནསྱཱགམནཾ པྲཏཱིཀྵམཱཎཻརཱཀཱངྐྵམཱཎཻཤྩ ཡཱུཥྨཱབྷི རྡྷརྨྨཱཙཱརེཤྭརབྷཀྟིབྷྱཱཾ ཀཱིདྲྀཤཻ རློཀཻ རྦྷཝིཏཝྱཾ? 
ཏཐཱཔི ཝཡཾ ཏསྱ པྲཏིཛྙཱནུསཱརེཎ དྷརྨྨསྱ ཝཱསསྠཱནཾ ནཱུཏནམ྄ ཨཱཀཱཤམཎྜལཾ ནཱུཏནཾ བྷཱུམཎྜལཉྩ པྲཏཱིཀྵཱམཧེ། 
ཨཏཨེཝ ཧེ པྲིཡཏམཱཿ, ཏཱནི པྲཏཱིཀྵམཱཎཱ ཡཱུཡཾ ནིཥྐལངྐཱ ཨནིནྡིཏཱཤྩ བྷཱུཏྭཱ ཡཏ྄ ཤཱནྟྱཱཤྲིཏཱསྟིཥྛཐཻཏསྨིན྄ ཡཏདྷྭཾ། 
ཨསྨཱཀཾ པྲབྷོ རྡཱིརྒྷསཧིཥྞུཏཱཉྩ པརིཏྲཱཎཛནིཀཱཾ མནྱདྷྭཾ། ཨསྨཱཀཾ པྲིཡབྷྲཱཏྲེ པཽལཱཡ ཡཏ྄ ཛྙཱནམ྄ ཨདཱཡི ཏདནུསཱརེཎ སོ྅པི པཏྲེ ཡུཥྨཱན྄ པྲཏི ཏདེཝཱལིཁཏ྄། 
སྭཀཱིཡསཪྻྭཔཏྲེཥུ ཙཻཏཱནྱདྷི པྲསྟུཏྱ ཏདེཝ གདཏི། ཏེཥུ པཏྲེཥུ ཀཏིཔཡཱནི དུརཱུཧྱཱཎི ཝཱཀྱཱནི ཝིདྱནྟེ ཡེ ཙ ལོཀཱ ཨཛྙཱནཱཤྩཉྩལཱཤྩ ཏེ ནིཛཝིནཱཤཱརྠམ྄ ཨནྱཤཱསྟྲཱིཡཝཙནཱནཱིཝ ཏཱནྱཔི ཝིཀཱརཡནྟི། 
ཏསྨཱད྄ ཧེ པྲིཡཏམཱཿ, ཡཱུཡཾ པཱུཪྻྭཾ བུདྡྷྭཱ སཱཝདྷཱནཱསྟིཥྛཏ, ཨདྷཱརྨྨིཀཱཎཱཾ བྷྲཱནྟིསྲོཏསཱཔཧྲྀཏཱཿ སྭཀཱིཡསུསྠིརཏྭཱཏ྄ མཱ བྷྲཤྱཏ། 
ཀིནྟྭསྨཱཀཾ པྲབྷོསྟྲཱཏུ ཪྻཱིཤུཁྲཱིཥྚསྱཱནུགྲཧེ ཛྙཱནེ ཙ ཝརྡྡྷདྷྭཾ། ཏསྱ གཽརཝམ྄ ཨིདཱནཱིཾ སདཱཀཱལཉྩ བྷཱུཡཱཏ྄། ཨཱམེན྄། 
