﻿ཡིཧཱུདཱཿ པཏྲཾ.
1.
ཡཱིཤུཁྲཱིཥྚསྱ དཱསོ ཡཱཀཱུབོ བྷྲཱཏཱ ཡིཧཱུདཱསྟཱཏེནེཤྭརེཎ པཝིཏྲཱིཀྲྀཏཱན྄ ཡཱིཤུཁྲཱིཥྚེན རཀྵིཏཱཾཤྩཱཧཱུཏཱན྄ ལོཀཱན྄ པྲཏི པཏྲཾ ལིཁཏི། 
ཀྲྀཔཱ ཤཱནྟིཿ པྲེམ ཙ བཱཧུལྱརཱུཔེཎ ཡུཥྨཱསྭདྷིཏིཥྛཏུ། 
ཧེ པྲིཡཱཿ, སཱདྷཱརཎཔརིཏྲཱཎམདྷི ཡུཥྨཱན྄ པྲཏི ལེཁིཏུཾ མམ བཧུཡཏྣེ ཛཱཏེ པཱུཪྻྭཀཱལེ པཝིཏྲལོཀེཥུ སམརྤིཏོ ཡོ དྷརྨྨསྟདརྠཾ ཡཱུཡཾ པྲཱཎཝྱཡེནཱཔི སཙེཥྚཱ བྷཝཏེཏི ཝིནཡཱརྠཾ ཡུཥྨཱན྄ པྲཏི པཏྲལེཁནམཱཝཤྱཀམ྄ ཨམནྱེ། 
ཡསྨཱད྄ ཨེཏདྲཱུཔདཎྜཔྲཱཔྟཡེ པཱུཪྻྭཾ ལིཁིཏཱཿ ཀེཙིཛྫནཱ ཨསྨཱན྄ ཨུཔསྲྀཔྟཝནྟཿ, ཏེ ྅དྷཱརྨྨིཀལོཀཱ ཨསྨཱཀམ྄ ཨཱིཤྭརསྱཱནུགྲཧཾ དྷྭཛཱིཀྲྀཏྱ ལམྤཊཏཱམ྄ ཨཱཙརནྟི, ཨདྭིཏཱིཡོ ྅དྷིཔཏི ཪྻོ ྅སྨཱཀཾ པྲབྷུ ཪྻཱིཤུཁྲཱིཥྚསྟཾ ནཱངྒཱིཀུཪྻྭནྟི། 
ཏསྨཱད྄ ཡཱུཡཾ པུརཱ ཡད྄ ཨཝགཏཱསྟཏ྄ པུན ཪྻུཥྨཱན྄ སྨཱརཡིཏུམ྄ ཨིཙྪཱམི, ཕལཏཿ པྲབྷུརེཀཀྲྀཏྭཿ སྭཔྲཛཱ མིསརདེཤཱད྄ ཨུདདྷཱར ཡཏ྄ ཏཏཿ པརམ྄ ཨཝིཤྭཱསིནོ ཝྱནཱཤཡཏ྄། 
ཡེ ཙ སྭརྒདཱུཏཱཿ སྭཱིཡཀརྟྲྀཏྭཔདེ ན སྠིཏྭཱ སྭཝཱསསྠཱནཾ པརིཏྱཀྟཝནྟསྟཱན྄ ས མཧཱདིནསྱ ཝིཙཱརཱརྠམ྄ ཨནྡྷཀཱརམཡེ ྅དྷཿསྠཱནེ སདཱསྠཱཡིབྷི རྦནྡྷནཻརབདྷྣཱཏ྄། 
ཨཔརཾ སིདོམམ྄ ཨམོརཱ ཏནྣིཀཊསྠནགརཱཎི ཙཻཏེཥཱཾ ནིཝཱསིནསྟཏྶམརཱུཔཾ ཝྱབྷིཙཱརཾ ཀྲྀཏཝནྟོ ཝིཥམམཻཐུནསྱ ཙེཥྚཡཱ ཝིཔཐཾ གཏཝནྟཤྩ ཏསྨཱཏ྄ ཏཱནྱཔི དྲྀཥྚཱནྟསྭརཱུཔཱཎི བྷཱུཏྭཱ སདཱཏནཝཧྣིནཱ དཎྜཾ བྷུཉྫཏེ། 
ཏཐཻཝེམེ སྭཔྣཱཙཱརིཎོ྅པི སྭཤརཱིརཱཎི ཀལངྐཡནྟི རཱཛཱདྷཱིནཏཱཾ ན སྭཱིཀུཪྻྭནྟྱུཙྩཔདསྠཱན྄ ནིནྡནྟི ཙ། 
ཀིནྟུ པྲདྷཱནདིཝྱདཱུཏོ མཱིཁཱཡེལོ ཡདཱ མཱུསསོ དེཧེ ཤཡཏཱནེན ཝིཝདམཱནཿ སམབྷཱཥཏ ཏདཱ ཏིསྨན྄ ནིནྡཱརཱུཔཾ དཎྜཾ སམརྤཡིཏུཾ སཱཧསཾ ན ཀྲྀཏྭཱཀཐཡཏ྄ པྲབྷུསྟྭཱཾ བྷརྟྶཡཏཱཾ། 
ཀིནྟྭིམེ ཡནྣ བུདྷྱནྟེ ཏནྣིནྡནྟི ཡཙྩ ནིརྦྦོདྷཔཤཝ ཨིཝེནྡྲིཡཻརཝགཙྪནྟི ཏེན ནཤྱནྟི། 
ཏཱན྄ དྷིཀ྄, ཏེ ཀཱབིལོ མཱརྒེ ཙརནྟི པཱརིཏོཥིཀསྱཱཤཱཏོ བིལིཡམོ བྷྲཱནྟིམནུདྷཱཝནྟི ཀོརཧསྱ དུརྨྨུཁཏྭེན ཝིནཤྱནྟི ཙ། 
ཡུཥྨཱཀཾ པྲེམབྷོཛྱེཥུ ཏེ ཝིགྷྣཛནཀཱ བྷཝནྟི, ཨཱཏྨམྦྷརཡཤྩ བྷཱུཏྭཱ ནིརླཛྫཡཱ ཡུཥྨཱབྷིཿ སཱརྡྡྷཾ བྷུཉྫཏེ། ཏེ ཝཱཡུབྷིཤྩཱལིཏཱ ནིསྟོཡམེགྷཱ ཧེམནྟཀཱལིཀཱ ནིཥྥལཱ དྭི རྨྲྀཏཱ ཨུནྨཱུལིཏཱ ཝྲྀཀྵཱཿ, 
སྭཀཱིཡལཛྫཱཕེཎོདྭམཀཱཿ པྲཙཎྜཱཿ སཱམུདྲཏརངྒཱཿ སདཱཀཱལཾ ཡཱཝཏ྄ གྷོརཏིམིརབྷཱགཱིནི བྷྲམཎཀཱརཱིཎི ནཀྵཏྲཱཎི ཙ བྷཝནྟི། 
ཨཱདམཏཿ སཔྟམཿ པུརུཥོ ཡོ ཧནོཀཿ ས ཏཱནུདྡིཤྱ བྷཝིཥྱདྭཱཀྱམིདཾ ཀཐིཏཝཱན྄, ཡཐཱ, པཤྱ སྭཀཱིཡཔུཎྱཱནཱམ྄ ཨཡུཏཻ ཪྻེཥྚིཏཿ པྲབྷུཿ། 
སཪྻྭཱན྄ པྲཏི ཝིཙཱརཱཛྙཱསཱདྷནཱཡཱགམིཥྱཏི། ཏདཱ ཙཱདྷཱརྨྨིཀཱཿ སཪྻྭེ ཛཱཏཱ ཡཻརཔརཱདྷིནཿ། ཝིདྷརྨྨཀརྨྨཎཱཾ ཏེཥཱཾ སཪྻྭེཥཱམེཝ ཀཱརཎཱཏ྄། ཏཐཱ ཏདྭཻཔརཱིཏྱེནཱཔྱདྷརྨྨཱཙཱརིཔཱཔིནཱཾ། ཨུཀྟཀཋོརཝཱཀྱཱནཱཾ སཪྻྭེཥཱམཔི ཀཱརཎཱཏ྄། པརམེཤེན དོཥིཏྭཾ ཏེཥཱཾ པྲཀཱཤཡིཥྱཏེ༎ 
ཏེ ཝཱཀྐལཧཀཱརིཎཿ སྭབྷཱགྱནིནྡཀཱཿ སྭེཙྪཱཙཱརིཎོ དརྤཝཱདིམུཁཝིཤིཥྚཱ ལཱབྷཱརྠཾ མནུཥྱསྟཱཝཀཱཤྩ སནྟི། 
ཀིནྟུ ཧེ པྲིཡཏམཱཿ, ཨསྨཱཀཾ པྲབྷོ ཪྻཱིཤུཁྲཱིཥྚསྱ པྲེརིཏཻ ཪྻད྄ ཝཱཀྱཾ པཱུཪྻྭཾ ཡུཥྨབྷྱཾ ཀཐིཏཾ ཏཏ྄ སྨརཏ, 
ཕལཏཿ ཤེཥསམཡེ སྭེཙྪཱཏོ ྅དྷརྨྨཱཙཱརིཎོ ནིནྡཀཱ ཨུཔསྠཱསྱནྟཱིཏི། 
ཨེཏེ ལོཀཱཿ སྭཱན྄ པྲྀཐཀ྄ ཀུཪྻྭནྟཿ སཱཾསཱརིཀཱ ཨཱཏྨཧཱིནཱཤྩ སནྟི། 
ཀིནྟུ ཧེ པྲིཡཏམཱཿ, ཡཱུཡཾ སྭེཥཱམ྄ ཨཏིཔཝིཏྲཝིཤྭཱསེ ནིཙཱིཡམཱནཱཿ པཝིཏྲེཎཱཏྨནཱ པྲཱརྠནཱཾ ཀུཪྻྭནྟ 
ཨཱིཤྭརསྱ པྲེམྣཱ སྭཱན྄ རཀྵཏ, ཨནནྟཛཱིཝནཱཡ ཙཱསྨཱཀཾ པྲབྷོ ཪྻཱིཤུཁྲཱིཥྚསྱ ཀྲྀཔཱཾ པྲཏཱིཀྵདྷྭཾ། 
ཨཔརཾ ཡཱུཡཾ ཝིཝིཙྱ ཀཱཾཤྩིད྄ ཨནུཀམྤདྷྭཾ 
ཀཱཾཤྩིད྄ ཨགྣིཏ ཨུདྡྷྲྀཏྱ བྷཡཾ པྲདརྴྱ རཀྵཏ, ཤཱརཱིརིཀབྷཱཝེན ཀལངྐིཏཾ ཝསྟྲམཔི ཨྲྀཏཱིཡདྷྭཾ། 
ཨཔརཉྩ ཡུཥྨཱན྄ སྑལནཱད྄ རཀྵིཏུམ྄ ཨུལླཱསེན སྭཱིཡཏེཛསཿ སཱཀྵཱཏ྄ ནིརྡྡོཥཱན྄ སྠཱཔཡིཏུཉྩ སམརྠོ 
ཡོ ྅སྨཱཀམ྄ ཨདྭིཏཱིཡསྟྲཱཎཀརྟྟཱ སཪྻྭཛྙ ཨཱིཤྭརསྟསྱ གཽརཝཾ མཧིམཱ པརཱཀྲམཿ ཀརྟྲྀཏྭཉྩེདཱནཱིམ྄ ཨནནྟཀཱལཾ ཡཱཝད྄ བྷཱུཡཱཏ྄། ཨཱམེན྄། 
