﻿པྲཀཱཤིཏཾ.
8.
ཨནནྟརཾ སཔྟམམུདྲཱཡཱཾ ཏེན མོཙིཏཱཡཱཾ སཱརྡྡྷདཎྜཀཱལཾ སྭརྒོ ནིཿཤབྡོ྅བྷཝཏ྄། 
ཨཔརམ྄ ཨཧམ྄ ཨཱིཤྭརསྱཱནྟིཀེ ཏིཥྛཏཿ སཔྟདཱུཏཱན྄ ཨཔཤྱཾ ཏེབྷྱཿ སཔྟཏཱུཪྻྱོ྅དཱིཡནྟ། 
ཏཏཿ པརམ྄ ཨནྱ ཨེཀོ དཱུཏ ཨཱགཏཿ ས སྭརྞདྷཱུཔཱདྷཱརཾ གྲྀཧཱིཏྭཱ ཝེདིམུཔཱཏིཥྛཏ྄ ས ཙ ཡཏ྄ སིཾཧཱསནསྱཱནྟིཀེ སྠིཏཱཡཱཿ སུཝརྞཝེདྱཱ ཨུཔརི སཪྻྭེཥཱཾ པཝིཏྲལོཀཱནཱཾ པྲཱརྠནཱསུ དྷཱུཔཱན྄ ཡོཛཡེཏ྄ ཏདརྠཾ པྲཙུརདྷཱུཔཱསྟསྨཻ དཏྟཱཿ། 
ཏཏསྟསྱ དཱུཏསྱ ཀརཱཏ྄ པཝིཏྲལོཀཱནཱཾ པྲཱརྠནཱབྷིཿ སཾཡུཀྟདྷཱུཔཱནཱཾ དྷཱུམ ཨཱིཤྭརསྱ སམཀྵཾ ཨུདཏིཥྛཏ྄། 
པཤྩཱཏ྄ ས དཱུཏོ དྷཱུཔཱདྷཱརཾ གྲྀཧཱིཏྭཱ ཝེདྱཱ ཝཧྣིནཱ པཱུརཡིཏྭཱ པྲྀཐིཝྱཱཾ ནིཀྵིཔྟཝཱན྄ ཏེན རཝཱ མེགྷགརྫྫནཱནི ཝིདྱུཏོ བྷཱུམིཀམྤཤྩཱབྷཝན྄། 
ཏཏཿ པརཾ སཔྟཏཱུརཱི རྡྷཱརཡནྟཿ སཔྟདཱུཏཱསྟཱུརཱི ཪྻཱདཡིཏུམ྄ ཨུདྱཏཱ ཨབྷཝན྄། 
པྲཐམེན ཏཱུཪྻྱཱཾ ཝཱདིཏཱཡཱཾ རཀྟམིཤྲིཏཽ ཤིལཱཝཧྣཱི སམྦྷཱུཡ པྲྀཐིཝྱཱཾ ནིཀྵིཔྟཽ ཏེན པྲྀཐིཝྱཱསྟྲྀཏཱིཡཱཾཤོ དགྡྷཿ, ཏརཱུཎཱམཔི ཏྲྀཏཱིཡཱཾཤོ དགྡྷཿ, ཧརིདྭརྞཏྲྀཎཱནི ཙ སཪྻྭཱཎི དགྡྷཱནི། 
ཨནནྟརཾ དྭིཏཱིཡདཱུཏེན ཏཱུཪྻྱཱཾ ཝཱདིཏཱཡཱཾ ཝཧྣིནཱ པྲཛྭལིཏོ མཧཱཔཪྻྭཏཿ སཱགརེ ནིཀྵིཔྟསྟེན སཱགརསྱ ཏྲྀཏཱིཡཱཾཤོ རཀྟཱིབྷཱུཏཿ 
སཱགརེ སྠིཏཱནཱཾ སཔྲཱཎཱནཱཾ སྲྀཥྚཝསྟཱུནཱཾ ཏྲྀཏཱིཡཱཾཤོ མྲྀཏཿ, ཨརྞཝཡཱནཱནཱམ྄ ཨཔི ཏྲྀཏཱིཡཱཾཤོ ནཥྚཿ། 
ཨཔརཾ ཏྲྀཏཱིཡདཱུཏེན ཏཱུཪྻྱཱཾ ཝཱདིཏཱཡཱཾ དཱིཔ ཨིཝ ཛྭལནྟཱི ཨེཀཱ མཧཏཱི ཏཱརཱ གགཎཱཏ྄ ནིཔཏྱ ནདཱིནཱཾ ཛལཔྲསྲཝཎཱནཱཉྩོཔཪྻྱཱཝཏཱིརྞཱ། 
ཏསྱཱསྟཱརཱཡཱ ནཱམ ནཱགདམནཀམིཏི, ཏེན ཏོཡཱནཱཾ ཏྲྀཏཱིཡཱཾཤེ ནཱགདམནཀཱིབྷཱུཏེ ཏོཡཱནཱཾ ཏིཀྟཏྭཱཏ྄ བཧཝོ མཱནཝཱ མྲྀཏཱཿ། 
ཨཔརཾ ཙཏུརྠདཱུཏེན ཏཱུཪྻྱཱཾ ཝཱདིཏཱཡཱཾ སཱུཪྻྱསྱ ཏྲྀཏཱིཡཱཾཤཤྩནྡྲསྱ ཏྲྀཏཱིཡཱཾཤོ ནཀྵཏྲཱཎཱཉྩ ཏྲྀཏཱིཡཱཾཤཿ པྲཧྲྀཏཿ, ཏེན ཏེཥཱཾ ཏྲྀཏཱིཡཱཾཤེ ྅ནྡྷཀཱརཱིབྷཱུཏེ དིཝསསྟྲྀཏཱིཡཱཾཤཀཱལཾ ཡཱཝཏ྄ ཏེཛོཧཱིནོ བྷཝཏི ནིཤཱཔི ཏཱམེཝཱཝསྠཱཾ གཙྪཏི། 
ཏདཱ ནིརཱིཀྵམཱཎེན མཡཱཀཱཤམདྷྱེནཱབྷིཔཏཏ ཨེཀསྱ དཱུཏསྱ རཝཿ ཤྲུཏཿ ས ཨུཙྩཻ རྒདཏི, ཨཔརཻ ཪྻཻསྟྲིབྷི རྡཱུཏཻསྟཱུཪྻྱོ ཝཱདིཏཝྱཱསྟེཥཱམ྄ ཨཝཤིཥྚཏཱུརཱིདྷྭནིཏཿ པྲྀཐིཝཱིནིཝཱསིནཱཾ སནྟཱཔཿ སནྟཱཔཿ སནྟཱཔཤྩ སམྦྷཝིཥྱཏི། 
