﻿པྲཀཱཤིཏཾ.
11.
ཨནནྟརཾ པརིམཱཎདཎྜཝད྄ ཨེཀོ ནལོ མཧྱམདཱཡི, ས ཙ དཱུཏ ཨུཔཏིཥྛན྄ མཱམ྄ ཨཝདཏ྄, ཨུཏྠཱཡེཤྭརསྱ མནྡིརཾ ཝེདཱིཾ ཏཏྲཏྱསེཝཀཱཾཤྩ མིམཱིཥྭ། 
ཀིནྟུ མནྡིརསྱ བཧིཿཔྲཱངྒཎཾ ཏྱཛ ན མིམཱིཥྭ ཡཏསྟད྄ ཨནྱཛཱཏཱིཡེབྷྱོ དཏྟཾ, པཝིཏྲཾ ནགརཉྩ དྭིཙཏྭཱརིཾཤནྨཱསཱན྄ ཡཱཝཏ྄ ཏེཥཱཾ ཙརཎཻ རྨརྡྡིཥྱཏེ། 
པཤྩཱཏ྄ མམ དྭཱབྷྱཱཾ སཱཀྵིབྷྱཱཾ མཡཱ སཱམརྠྱཾ དཱཡིཥྱཏེ ཏཱཝུཥྚྲལོམཛཝསྟྲཔརིཧིཏཽ ཥཥྛྱདྷིཀདྭིཤཏཱདྷིཀསཧསྲདིནཱནི ཡཱཝད྄ བྷཝིཥྱདྭཱཀྱཱནི ཝདིཥྱཏཿ། 
ཏཱཝེཝ ཛགདཱིཤྭརསྱཱནྟིཀེ ཏིཥྛནྟཽ ཛིཏཝྲྀཀྵཽ དཱིཔཝྲྀཀྵཽ ཙ། 
ཡདི ཀེཙིཏ྄ ཏཽ ཧིཾསིཏུཾ ཙེཥྚནྟེ ཏརྷི ཏཡོ ཪྻདནཱབྷྱཱམ྄ ཨགྣི རྣིརྒཏྱ ཏཡོཿ ཤཏྲཱུན྄ བྷསྨཱིཀརིཥྱཏི། ཡཿ ཀཤྩིཏ྄ ཏཽ ཧིཾསིཏུཾ ཙེཥྚཏེ ཏེནཻཝམེཝ ཝིནཥྚཝྱཾ། 
ཏཡོ རྦྷཝིཥྱདྭཱཀྱཀཐནདིནེཥུ ཡཐཱ ཝྲྀཥྚི རྣ ཛཱཡཏེ ཏཐཱ གགནཾ རོདྡྷུཾ ཏཡོཿ སཱམརྠྱམ྄ ཨསྟི, ཨཔརཾ ཏོཡཱནི ཤོཎིཏརཱུཔཱཎི ཀརྟྟུཾ ནིཛཱབྷིལཱཥཱཏ྄ མུཧུརྨུཧུཿ སཪྻྭཝིདྷདཎྜཻཿ པྲྀཐིཝཱིམ྄ ཨཱཧནྟུཉྩ ཏཡོཿ སཱམརྠྱམསྟི། 
ཨཔརཾ ཏཡོཿ སཱཀྵྱེ སམཱཔྟེ སཏི རསཱཏལཱད྄ ཡེནོཏྠིཏཝྱཾ ས པཤུསྟཱབྷྱཱཾ སཧ ཡུདྡྷྭཱ ཏཽ ཛེཥྱཏི ཧནིཥྱཏི ཙ། 
ཏཏསྟཡོཿ པྲབྷུརཔི ཡསྱཱཾ མཧཱཔུཪྻྱཱཾ ཀྲུཤེ ཧཏོ ྅རྠཏོ ཡསྱཱཿ པཱརམཱརྠིཀནཱམནཱི སིདོམཾ མིསརཤྩེཏི ཏསྱཱ མཧཱཔུཪྻྱཱཾཿ སནྣིཝེཤེ ཏཡོཿ ཀུཎཔེ སྠཱསྱཏཿ། 
ཏཏོ ནཱནཱཛཱཏཱིཡཱ ནཱནཱཝཾཤཱིཡཱ ནཱནཱབྷཱཥཱཝཱདིནོ ནཱནཱདེཤཱིཡཱཤྩ བཧཝོ མཱནཝཱཿ སཱརྡྡྷདིནཏྲཡཾ ཏཡོཿ ཀུཎཔེ ནིརཱིཀྵིཥྱནྟེ, ཏཡོཿ ཀུཎཔཡོཿ ཤྨཤཱནེ སྠཱཔནཾ ནཱནུཛྙཱསྱནྟི། 
པྲྀཐིཝཱིནིཝཱསིནཤྩ ཏཡོ རྷེཏོརཱནནྡིཥྱནྟི སུཁབྷོགཾ ཀུཪྻྭནྟཿ པརསྤརཾ དཱནཱནི པྲེཥཡིཥྱནྟི ཙ ཡཏསྟཱབྷྱཱཾ བྷཝིཥྱདྭཱདིབྷྱཱཾ པྲྀཐིཝཱིནིཝཱསིནོ ཡཱཏནཱཾ པྲཱཔྟཱཿ། 
ཏསྨཱཏ྄ སཱརྡྡྷདིནཏྲཡཱཏ྄ པརམ྄ ཨཱིཤྭརཱཏ྄ ཛཱིཝནདཱཡཀ ཨཱཏྨནི ཏཽ པྲཝིཥྚེ ཏཽ ཙརཎཻརུདཏིཥྛཏཱཾ, ཏེན ཡཱཝནྟསྟཱཝཔཤྱན྄ ཏེ ྅ཏཱིཝ ཏྲཱསཡུཀྟཱ ཨབྷཝན྄། 
ཏཏཿ པརཾ ཏཽ སྭརྒཱད྄ ཨུཙྩཻརིདཾ ཀཐཡནྟཾ རཝམ྄ ཨཤྲྀཎུཏཱཾ ཡུཝཱཾ སྠཱནམ྄ ཨེཏད྄ ཨཱརོཧཏཱཾ ཏཏསྟཡོཿ ཤཏྲུཥུ ནིརཱིཀྵམཱཎེཥུ ཏཽ མེགྷེན སྭརྒམ྄ ཨཱརཱུཌྷཝནྟཽ། 
ཏདྡཎྜེ མཧཱབྷཱུམིཀམྤེ ཛཱཏེ པུཪྻྱཱ དཤམཱཾཤཿ པཏིཏཿ སཔྟསཧསྲཱཎི མཱནུཥཱཤྩ ཏེན བྷཱུམིཀམྤེན ཧཏཱཿ, ཨཝཤིཥྚཱཤྩ བྷཡཾ གཏྭཱ སྭརྒཱིཡེཤྭརསྱ པྲཤཾསཱམ྄ ཨཀཱིརྟྟཡན྄། 
དྭིཏཱིཡཿ སནྟཱཔོ གཏཿ པཤྱ ཏྲྀཏཱིཡཿ སནྟཱཔསྟཱུརྞམ྄ ཨཱགཙྪཏི། 
ཨནནྟརཾ སཔྟདཱུཏེན ཏཱུཪྻྱཱཾ ཝཱདིཏཱཡཱཾ སྭརྒ ཨུཙྩཻཿ སྭརཻཪྻཱགིཡཾ ཀཱིརྟྟིཏཱ, རཱཛཏྭཾ ཛགཏོ ཡདྱད྄ རཱཛྱཾ ཏདདྷུནཱབྷཝཏ྄། ཨསྨཏྤྲབྷོསྟདཱིཡཱབྷིཥིཀྟསྱ ཏཱརཀསྱ ཙ། ཏེན ཙཱནནྟཀཱལཱིཡཾ རཱཛཏྭཾ པྲཀརིཥྱཏེ༎ 
ཨཔརམ྄ ཨཱིཤྭརསྱཱནྟིཀེ སྭཀཱིཡསིཾཧཱསནེཥཱུཔཝིཥྚཱཤྩཏུཪྻིཾཤཏིཔྲཱཙཱིནཱ བྷུཝི ནྱངྦྷཱུཁཱ བྷཱུཏྭེཤྭརཾ པྲཎམྱཱཝདན྄, 
ཧེ བྷཱུཏ ཝརྟྟམཱནཱཔི བྷཝིཥྱཾཤྩ པརེཤྭར། ཧེ སཪྻྭཤཀྟིམན྄ སྭཱམིན྄ ཝཡཾ ཏེ ཀུརྨྨཧེ སྟཝཾ། ཡཏ྄ ཏྭཡཱ ཀྲིཡཏེ རཱཛྱཾ གྲྀཧཱིཏྭཱ ཏེ མཧཱབལཾ། 
ཝིཛཱཏཱིཡེཥུ ཀུཔྱཏྶུ པྲཱདུརྦྷཱུཏཱ ཏཝ ཀྲུདྷཱ། མྲྀཏཱནཱམཔི ཀཱལོ ྅སཽ ཝིཙཱརོ བྷཝིཏཱ ཡདཱ། བྷྲྀཏྱཱཤྩ ཏཝ ཡཱཝནྟོ བྷཝིཥྱདྭཱདིསཱདྷཝཿ། ཡེ ཙ ཀྵུདྲཱ མཧཱནྟོ ཝཱ ནཱམཏསྟེ ཧི བིབྷྱཏི། ཡདཱ སཪྻྭེབྷྱ ཨེཏེབྷྱོ ཝེཏནཾ ཝིཏརིཥྱཏེ། གནྟཝྱཤྩ ཡདཱ ནཱཤོ ཝསུདྷཱཡཱ ཝིནཱཤཀཻཿ༎ 
ཨནནྟརམ྄ ཨཱིཤྭརསྱ སྭརྒསྠམནྡིརསྱ དྭཱརཾ མུཀྟཾ ཏནྨནྡིརམདྷྱེ ཙ ནིཡམམཉྫཱུཥཱ དྲྀཤྱཱབྷཝཏ྄, ཏེན ཏཌིཏོ རཝཱཿ སྟནིཏཱནི བྷཱུམིཀམྤོ གུརུཏརཤིལཱཝྲྀཥྚིཤྩཻཏཱནི སམབྷཝན྄། 
