﻿པྲཀཱཤིཏཾ.
12.
ཏཏཿ པརཾ སྭརྒེ མཧཱཙིཏྲཾ དྲྀཥྚཾ ཡོཥིདེཀཱསཱིཏ྄ སཱ པརིཧིཏསཱུཪྻྱཱ ཙནྡྲཤྩ ཏསྱཱཤྩརཎཡོརདྷོ དྭཱདཤཏཱརཱཎཱཾ ཀིརཱིཊཉྩ ཤིརསྱཱསཱིཏ྄། 
སཱ གརྦྷཝཏཱི སཏཱི པྲསཝཝེདནཡཱ ཝྱཐིཏཱརྟྟརཱཝམ྄ ཨཀརོཏ྄། 
ཏཏཿ སྭརྒེ ྅པརམ྄ ཨེཀཾ ཙིཏྲཾ དྲྀཥྚཾ མཧཱནཱག ཨེཀ ཨུཔཱཏིཥྛཏ྄ ས ལོཧིཏཝརྞསྟསྱ སཔྟ ཤིརཱཾསི སཔྟ ཤྲྀངྒཱཎི ཤིརཿསུ ཙ སཔྟ ཀིརཱིཊཱནྱཱསན྄། 
ས སྭལཱངྒཱུལེན གགནསྠནཀྵཏྲཱཎཱཾ ཏྲྀཏཱིཡཱཾཤམ྄ ཨཝམྲྀཛྱ པྲྀཐིཝྱཱཾ ནྱཔཱཏཡཏ྄། ས ཨེཝ ནཱགོ ནཝཛཱཏཾ སནྟཱནཾ གྲསིཏུམ྄ ཨུདྱཏསྟསྱཱཿ པྲསཝིཥྱམཱཎཱཡཱ ཡོཥིཏོ ྅ནྟིཀེ ྅ཏིཥྛཏ྄། 
སཱ ཏུ པུཾསནྟཱནཾ པྲསཱུཏཱ ས ཨེཝ ལཽཧམཡརཱཛདཎྜེན སཪྻྭཛཱཏཱིཤྩཱརཡིཥྱཏི, ཀིཉྩ ཏསྱཱཿ སནྟཱན ཨཱིཤྭརསྱ སམཱིཔཾ ཏདཱིཡསིཾཧཱསནསྱ ཙ སནྣིདྷིམ྄ ཨུདྡྷྲྀཏཿ། 
སཱ ཙ ཡོཥིཏ྄ པྲཱནྟརཾ པལཱཡིཏཱ ཡཏསྟཏྲེཤྭརེཎ ནིརྨྨིཏ ཨཱཤྲམེ ཥཥྛྱདྷིཀཤཏདྭཡཱདྷིཀསཧསྲདིནཱནི ཏསྱཱཿ པཱལནེན བྷཝིཏཝྱཾ། 
ཏཏཿ པརཾ སྭརྒེ སཾགྲཱམ ཨུཔཱཔིཥྛཏ྄ མཱིཁཱཡེལསྟསྱ དཱུཏཱཤྩ ཏེན ནཱགེན སཧཱཡུདྷྱན྄ ཏཐཱ ས ནཱགསྟསྱ དཱུཏཱཤྩ སཾགྲཱམམ྄ ཨཀུཪྻྭན྄, ཀིནྟུ པྲབྷཝིཏུཾ ནཱཤཀྣུཝན྄ 
ཡཏཿ སྭརྒེ ཏེཥཱཾ སྠཱནཾ པུན རྣཱཝིདྱཏ། 
ཨཔརཾ ས མཧཱནཱགོ ྅རྠཏོ དིཡཱཝལཿ (ཨཔཝཱདཀཿ) ཤཡཏཱནཤྩ (ཝིཔཀྵཿ) ཨིཏི ནཱམྣཱ ཝིཁྱཱཏོ ཡཿ པུརཱཏནཿ སརྤཿ ཀྲྀཏྶྣཾ ནརལོཀཾ བྷྲཱམཡཏི ས པྲྀཐིཝྱཱཾ ནིཔཱཏིཏསྟེན སཱརྡྡྷཾ ཏསྱ དཱུཏཱ ཨཔི ཏཏྲ ནིཔཱཏིཏཱཿ། 
ཏཏཿ པརཾ སྭརྒེ ཨུཙྩཻ རྦྷཱཥམཱཎོ རཝོ ྅ཡཾ མཡཱཤྲཱཝི, ཏྲཱཎཾ ཤཀྟིཤྩ རཱཛཏྭམདྷུནཻཝེཤྭརསྱ ནཿ། ཏཐཱ ཏེནཱབྷིཥིཀྟསྱ ཏྲཱཏུཿ པརཱཀྲམོ ྅བྷཝཏ྄ཾ༎ ཡཏོ ནིཔཱཏིཏོ ྅སྨཱཀཾ བྷྲཱཏྲྀཎཱཾ སོ ྅བྷིཡོཛཀཿ། ཡེནེཤྭརསྱ ནཿ སཱཀྵཱཏ྄ ཏེ ྅དཱུཥྱནྟ དིཝཱནིཤཾ༎ 
མེཥཝཏྶསྱ རཀྟེན སྭསཱཀྵྱཝཙནེན ཙ། ཏེ ཏུ ནིརྫིཏཝནྟསྟཾ ན ཙ སྣེཧམ྄ ཨཀུཪྻྭཏ། པྲཱཎོཥྭཔི སྭཀཱིཡེཥུ མརཎསྱཻཝ སངྐཊེ། 
ཏསྨཱད྄ ཨཱནནྡཏུ སྭརྒོ ཧྲྀཥྱནྟཱཾ ཏནྣིཝཱམིནཿ། ཧཱ བྷཱུམིསཱགརཽ ཏཱཔོ ཡུཝཱམེཝཱཀྲམིཥྱཏི། ཡུཝཡོརཝཏཱིརྞོ ཡཏ྄ ཤཻཏཱནོ ྅ཏཱིཝ ཀཱཔནཿ། ཨལྤོ མེ སམཡོ ྅སྟྱེཏཙྩཱཔི ཏེནཱཝགམྱཏེ༎ 
ཨནནྟརཾ ས ནཱགཿ པྲྀཐིཝྱཱཾ སྭཾ ནིཀྵིཔྟཾ ཝིལོཀྱ ཏཱཾ པུཏྲཔྲསཱུཏཱཾ ཡོཥིཏམ྄ ཨུཔཱདྲཝཏ྄། 
ཏཏཿ སཱ ཡོཥིཏ྄ ཡཏ྄ སྭཀཱིཡཾ པྲཱནྟརསྠཱཤྲམཾ པྲཏྱུཏྤཏིཏུཾ ཤཀྣུཡཱཏ྄ ཏདརྠཾ མཧཱཀུརརསྱ པཀྵདྭཡཾ ཏསྭཻ དཏྟཾ, སཱ ཏུ ཏཏྲ ནཱགཏོ དཱུརེ ཀཱལཻཀཾ ཀཱལདྭཡཾ ཀཱལཱརྡྡྷཉྩ ཡཱཝཏ྄ པཱལྱཏེ། 
ཀིཉྩ ས ནཱགསྟཱཾ ཡོཥིཏཾ སྲོཏསཱ པླཱཝཡིཏུཾ སྭམུཁཱཏ྄ ནདཱིཝཏ྄ ཏོཡཱནི ཏསྱཱཿ པཤྩཱཏ྄ པྲཱཀྵིཔཏ྄། 
ཀིནྟུ མེདིནཱི ཡོཥིཏམ྄ ཨུཔཀུཪྻྭཏཱི ནིཛཝདནཾ ཝྱཱདཱཡ ནཱགམུཁཱད྄ ཨུདྒཱིརྞཱཾ ནདཱིམ྄ ཨཔིཝཏ྄། 
ཏཏོ ནཱགོ ཡོཥིཏེ ཀྲུདྡྷྭཱ ཏདྭཾཤསྱཱཝཤིཥྚལོཀཻརརྠཏོ ཡ ཨཱིཤྭརསྱཱཛྙཱཿ པཱལཡནྟི ཡཱིཤོཿ སཱཀྵྱཾ དྷཱརཡནྟི ཙ ཏཻཿ སཧ ཡོདྡྷུཾ ནིརྒཏཝཱན྄། 
