﻿པྲཀཱཤིཏཾ.
16.
ཏཏཿ པརཾ མནྡིརཱཏ྄ ཏཱན྄ སཔྟདཱུཏཱན྄ སམྦྷཱཥམཱཎ ཨེཥ མཧཱརཝོ མཡཱཤྲཱཝི, ཡཱུཡཾ གཏྭཱ ཏེབྷྱཿ སཔྟཀཾསེབྷྱ ཨཱིཤྭརསྱ ཀྲོདྷཾ པྲྀཐིཝྱཱཾ སྲཱཝཡཏ། 
ཏཏཿ པྲཐམོ དཱུཏོ གཏྭཱ སྭཀཾསེ ཡདྱད྄ ཨཝིདྱཏ ཏཏ྄ པྲྀཐིཝྱཱམ྄ ཨསྲཱཝཡཏ྄ ཏསྨཱཏ྄ པཤོཿ ཀལངྐདྷཱརིཎཱཾ ཏཏྤྲཏིམཱཔཱུཛཀཱནཱཾ མཱནཝཱནཱཾ ཤརཱིརེཥུ ཝྱཐཱཛནཀཱ དུཥྚཝྲཎཱ ཨབྷཝན྄། 
ཏཏཿ པརཾ དྭིཏཱིཡོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སམུདྲེ ྅སྲཱཝཡཏ྄ ཏེན ས ཀུཎཔསྠཤོཎིཏརཱུཔྱབྷཝཏ྄ སམུདྲེ སྠིཏཱཤྩ སཪྻྭེ པྲཱཎིནོ མྲྀཏྱུཾ གཏཱཿ། 
ཨཔརཾ ཏྲྀཏཱིཡོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སཪྻྭཾ ནདཱིཥུ ཛལཔྲསྲཝཎེཥུ ཙཱསྲཱཝཡཏ྄ ཏཏསྟཱནི རཀྟམཡཱནྱབྷཝན྄། ཨཔརཾ ཏོཡཱནཱམ྄ ཨདྷིཔསྱ དཱུཏསྱ ཝཱགིཡཾ མཡཱ ཤྲུཏཱ། 
ཝརྟྟམཱནཤྩ བྷཱུཏཤྩ བྷཝིཥྱཾཤྩ པརམེཤྭརཿ། ཏྭམེཝ ནྱཱཡྻཀཱརཱི ཡད྄ ཨེཏཱདྲྀཀ྄ ཏྭཾ ཝྱཙཱརཡཿ། 
བྷཝིཥྱདྭཱདིསཱདྷཱུནཱཾ རཀྟཾ ཏཻརེཝ པཱཏིཏཾ། ཤོཎིཏཾ ཏྭནྟུ ཏེབྷྱོ ྅དཱསྟཏྤཱནཾ ཏེཥུ ཡུཛྱཏེ༎ 
ཨནནྟརཾ ཝེདཱིཏོ བྷཱཥམཱཎསྱ ཀསྱཙིད྄ ཨཡཾ རཝོ མཡཱ ཤྲུཏཿ, ཧེ པརཤྭར སཏྱཾ ཏཏ྄ ཧེ སཪྻྭཤཀྟིམན྄ པྲབྷོ། སཏྱཱ ནྱཱཡྻཱཤྩ སཪྻྭཱ ཧི ཝིཙཱརཱཛྙཱསྟྭདཱིཡཀཱཿ༎ 
ཨནནྟརཾ ཙཏུརྠོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སཪྻྭཾ སཱུཪྻྱེ ྅སྲཱཝཡཏ྄ ཏསྨཻ ཙ ཝཧྣིནཱ མཱནཝཱན྄ དགྡྷུཾ སཱམརྠྱམ྄ ཨདཱཡི། 
ཏེན མནུཥྱཱ མཧཱཏཱཔེན ཏཱཔིཏཱསྟེཥཱཾ དཎྜཱནཱམ྄ ཨཱདྷིཔཏྱཝིཤིཥྚསྱེཤྭརསྱ ནཱམཱནིནྡན྄ ཏཏྤྲཤཾསཱརྠཉྩ མནཿཔརིཝརྟྟནཾ ནཱཀུཪྻྭན྄། 
ཏཏཿ པརཾ པཉྩམོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སཪྻྭཾ པཤོཿ སིཾཧཱསནེ ྅སྲཱཝཡཏ྄ ཏེན ཏསྱ རཱཥྚྲཾ ཏིམིརཱཙྪནྣམ྄ ཨབྷཝཏ྄ ལོཀཱཤྩ ཝེདནཱཀཱརཎཱཏ྄ སྭརསནཱ ཨདཾདཤྱཏ། 
སྭཀཱིཡཝྱཐཱཝྲཎཀཱརཎཱཙྩ སྭརྒསྠམ྄ ཨནིནྡན྄ སྭཀྲིཡཱབྷྱཤྩ མནཱཾསི ན པརཱཝརྟྟཡན྄། 
ཏཏཿ པརཾ ཥཥྛོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སཪྻྭཾ ཕརཱཏཱཁྱོ མཧཱནདེ ྅སྲཱཝཡཏ྄ ཏེན སཱུཪྻྱོདཡདིཤ ཨཱགམིཥྱཏཱཾ རཱཛྙཱཾ མཱརྒསུགམཱརྠཾ ཏསྱ ཏོཡཱནི པཪྻྱཤུཥྱན྄། 
ཨནནྟརཾ ནཱགསྱ ཝདནཱཏ྄ པཤོ ཪྻདནཱཏ྄ མིཐྱཱབྷཝིཥྱདྭཱདིནཤྩ ཝདནཱཏ྄ ནིརྒཙྪནྟསྟྲཡོ ྅ཤུཙཡ ཨཱཏྨཱནོ མཡཱ དྲྀཥྚཱསྟེ མཎྜཱུཀཱཀཱརཱཿ། 
ཏ ཨཱཤྩཪྻྱཀརྨྨཀཱརིཎོ བྷཱུཏཱནཱམ྄ ཨཱཏྨཱནཿ སནྟི སཪྻྭཤཀྟིམཏ ཨཱིཤྭརསྱ མཧཱདིནེ ཡེན ཡུདྡྷེན བྷཝིཏཝྱཾ ཏཏྐྲྀཏེ ཀྲྀཏྶྲཛགཏོ རཱཛྙཱཿ སཾགྲཧཱིཏུཾ ཏེཥཱཾ སནྣིདྷིཾ ནིརྒཙྪནྟི། 
ཨཔརམ྄ ཨིབྲིབྷཱཥཡཱ ཧརྨྨགིདྡོནཱམཀསྠནེ ཏེ སངྒྲྀཧཱིཏཱཿ། 
པཤྱཱཧཾ ཙཻརཝད྄ ཨཱགཙྪཱམི ཡོ ཛནཿ པྲབུདྡྷསྟིཥྛཏི ཡཐཱ ཙ ནགྣཿ སན྄ ན པཪྻྱཊཏི ཏསྱ ལཛྫཱ ཙ ཡཐཱ དྲྀཤྱཱ ན བྷཝཏི ཏཐཱ སྭཝཱསཱཾསི རཀྵཏི ས དྷནྱཿ། 
ཏཏཿ པརཾ སཔྟམོ དཱུཏཿ སྭཀཾསེ ཡདྱད྄ ཨཝིདྱཏ ཏཏ྄ སཪྻྭམ྄ ཨཱཀཱཤེ ྅སྲཱཝཡཏ྄ ཏེན སྭརྒཱིཡམནྡིརམདྷྱསྠསིཾཧཱསནཱཏ྄ མཧཱརཝོ ྅ཡཾ ནིརྒཏཿ སམཱཔྟིརབྷཝདིཏི། 
ཏདནནྟརཾ ཏཌིཏོ རཝཱཿ སྟནིཏཱནི ཙཱབྷཝན྄, ཡསྨིན྄ ཀཱལེ ཙ པྲྀཐིཝྱཱཾ མནུཥྱཱཿ སྲྀཥྚཱསྟམ྄ ཨཱརབྷྱ ཡཱདྲྀངྨཧཱབྷཱུམིཀམྤཿ ཀདཱཔི ནཱབྷཝཏ྄ ཏཱདྲྀག྄ བྷཱུཀམྤོ ྅བྷཝཏ྄། 
ཏདཱནཱིཾ མཧཱནགརཱི ཏྲིཁཎྜཱ ཛཱཏཱ བྷིནྣཛཱཏཱིཡཱནཱཾ ནགརཱཎི ཙ ནྱཔཏན྄ མཧཱབཱབིལ྄ ཙེཤྭརེཎ སྭཀཱིཡཔྲཙཎྜཀོཔམདིརཱཔཱཏྲདཱནཱརྠཾ སཾསྨྲྀཏཱ། 
དྭཱིཔཱཤྩ པལཱཡིཏཱ གིརཡཤྩཱནྟཧིཏཱཿ། 
གགནམཎྜལཱཙྩ མནུཥྱཱཎཱམ྄ ཨུཔཪྻྱེཀཻཀདྲོཎཔརིམིཏཤིལཱནཱཾ མཧཱཝྲྀཥྚིརབྷཝཏ྄ ཏཙྪིལཱཝྲྀཥྚེཿ ཀླེཤཱཏ྄ མནུཥྱཱ ཨཱིཤྭརམ྄ ཨནིནྡམ྄ ཡཏསྟཛྫཱཏཿ ཀླེཤོ ྅ཏཱིཝ མཧཱན྄། 
