﻿པྲཀཱཤིཏཾ.
18.
ཏདནནྟརཾ སྭརྒཱད྄ ཨཝརོཧན྄ ཨཔར ཨེཀོ དཱུཏོ མཡཱ དྲྀཥྚཿ ས མཧཱཔརཱཀྲམཝིཤིཥྚསྟསྱ ཏེཛསཱ ཙ པྲྀཐིཝཱི དཱིཔྟཱ། 
ས བལཝཏཱ སྭརེཎ ཝཱཙམིམཱམ྄ ཨགྷོཥཡཏ྄ པཏིཏཱ པཏིཏཱ མཧཱབཱབིལ྄, སཱ བྷཱུཏཱནཱཾ ཝསཏིཿ སཪྻྭེཥཱམ྄ ཨཤུཙྱཱཏྨནཱཾ ཀཱརཱ སཪྻྭེཥཱམ྄ ཨཤུཙཱིནཱཾ གྷྲྀཎྱཱནཱཉྩ པཀྵིཎཱཾ པིཉྫརཤྩཱབྷཝཏ྄། 
ཡཏཿ སཪྻྭཛཱཏཱིཡཱསྟསྱཱ ཝྱབྷིཙཱརཛཱཏཱཾ ཀོཔམདིརཱཾ པཱིཏཝནྟཿ པྲྀཐིཝྱཱ རཱཛཱནཤྩ ཏཡཱ སཧ ཝྱབྷིཙཱརཾ ཀྲྀཏཝནྟཿ པྲྀཐིཝྱཱ ཝཎིཛཤྩ ཏསྱཱཿ སུཁབྷོགབཱཧུལྱཱད྄ དྷནཱཌྷྱཏཱཾ གཏཝནྟཿ། 
ཏཏཿ པརཾ སྭརྒཱཏ྄ མཡཱཔར ཨེཥ རཝཿ ཤྲུཏཿ, ཧེ མམ པྲཛཱཿ, ཡཱུཡཾ ཡཏ྄ ཏསྱཱཿ པཱཔཱནཱམ྄ ཨཾཤིནོ ན བྷཝཏ ཏསྱཱ དཎྜཻཤྩ དཎྜཡུཀྟཱ ན བྷཝཏ ཏདརྠཾ ཏཏོ ནིརྒཙྪཏ། 
ཡཏསྟསྱཱཿ པཱཔཱནི གགནསྤརྴཱནྱབྷཝན྄ ཏསྱཱ ཨདྷརྨྨཀྲིཡཱཤྩེཤྭརེཎ སཾསྨྲྀཏཱཿ། 
པརཱན྄ པྲཏི ཏཡཱ ཡདྭད྄ ཝྱཝཧྲྀཏཾ ཏདྭཏ྄ ཏཱཾ པྲཏི ཝྱཝཧརཏ, ཏསྱཱཿ ཀརྨྨཎཱཾ དྭིགུཎཕལཱནི ཏསྱཻ དཏྟ, ཡསྨིན྄ ཀཾསེ སཱ པརཱན྄ མདྱམ྄ ཨཔཱཡཡཏ྄ ཏམེཝ ཏསྱཱཿ པཱནཱརྠཾ དྭིགུཎམདྱེན པཱུརཡཏ། 
ཏཡཱ ཡཱཏྨཤླཱགྷཱ ཡཤྩ སུཁབྷོགཿ ཀྲྀཏསྟཡོ རྡྭིགུཎཽ ཡཱཏནཱཤོཀཽ ཏསྱཻ དཏྟ, ཡཏཿ སཱ སྭཀཱིཡཱནྟཿཀརཎེ ཝདཏི, རཱཛྙཱིཝད྄ ཨུཔཝིཥྚཱཧཾ ནཱནཱཐཱ ན ཙ ཤོཀཝིཏ྄། 
ཏསྨཱད྄ དིཝས ཨེཀསྨིན྄ མཱརཱིདུརྦྷིཀྵཤོཙནཻཿ, སཱ སམཱཔློཥྱཏེ ནཱརཱི དྷྱཀྵྱཏེ ཝཧྣིནཱ ཙ སཱ; ཡད྄ ཝིཙཱརཱདྷིཔསྟསྱཱ བལཝཱན྄ པྲབྷུརཱིཤྭརཿ, 
ཝྱབྷིཙཱརསྟཡཱ སཱརྡྡྷཾ སུཁབྷོགཤྩ ཡཻཿ ཀྲྀཏཿ, ཏེ སཪྻྭ ཨེཝ རཱཛཱནསྟདྡཱཧདྷཱུམདརྴནཱཏ྄, པྲརོདིཥྱནྟི ཝཀྵཱཾསི ཙཱཧནིཥྱནྟི བཱཧུབྷིཿ། 
ཏསྱཱསྟཻ ཪྻཱཏནཱབྷཱིཏེ རྡཱུརེ སྠིཏྭེདམུཙྱཏེ, ཧཱ ཧཱ བཱབིལ྄ མཧཱསྠཱན ཧཱ པྲབྷཱཝཱནྭིཏེ པུརི, ཨེཀསྨིན྄ ཨཱགཏཱ དཎྜེ ཝིཙཱརཱཛྙཱ ཏྭདཱིཡཀཱ། 
མེདིནྱཱ ཝཎིཛཤྩ ཏསྱཱཿ ཀྲྀཏེ རུདནྟི ཤོཙནྟི ཙ ཡཏསྟེཥཱཾ པཎྱདྲཝྱཱཎི ཀེནཱཔི ན ཀྲཱིཡནྟེ། 
ཕལཏཿ སུཝརྞརཽཔྱམཎིམུཀྟཱཿ སཱུཀྵྨཝསྟྲཱཎི ཀྲྀཥྞལོཧིཏཝཱསཱཾསི པཊྚཝསྟྲཱཎི སིནྡཱུརཝརྞཝཱསཱཾསི ཙནྡནཱདིཀཱཥྛཱནི གཛདནྟེན མཧཱརྒྷཀཱཥྛེན པིཏྟལལཽཧཱབྷྱཱཾ མརྨྨརཔྲསྟརེཎ ཝཱ ནིརྨྨིཏཱནི སཪྻྭཝིདྷཔཱཏྲཱཎི 
ཏྭགེལཱ དྷཱུཔཿ སུགནྡྷིདྲཝྱཾ གནྡྷརསོ དྲཱཀྵཱརསསྟཻལཾ ཤསྱཙཱུརྞཾ གོདྷཱུམོ གཱཝོ མེཥཱ ཨཤྭཱ རཐཱ དཱསེཡཱ མནུཥྱཔྲཱཎཱཤྩཻཏཱནི པཎྱདྲཝྱཱཎི ཀེནཱཔི ན ཀྲཱིཡནྟེ། 
ཏཝ མནོ྅བྷིལཱཥསྱ ཕལཱནཱཾ སམཡོ གཏཿ, ཏྭཏྟོ དཱུརཱིཀྲྀཏཾ ཡདྱཏ྄ ཤོབྷནཾ བྷཱུཥཎཾ ཏཝ, ཀདཱཙན ཏདུདྡེཤོ ན པུན རླཔྶྱཏེ ཏྭཡཱ། 
ཏདྭིཀྲེཏཱརོ ཡེ ཝཎིཛསྟཡཱ དྷནིནོ ཛཱཏཱསྟེ ཏསྱཱ ཡཱཏནཱཡཱ བྷཡཱད྄ དཱུརེ ཏིཥྛནཏོ རོདིཥྱནྟི ཤོཙནྟཤྩེདཾ གདིཥྱནྟི 
ཧཱ ཧཱ མཧཱཔུརི, ཏྭཾ སཱུཀྵྨཝསྟྲཻཿ ཀྲྀཥྞལོཧིཏཝསྟྲཻཿ སིནྡཱུརཝརྞཝཱསོབྷིཤྩཱཙྪཱདིཏཱ སྭརྞམཎིམུཀྟཱབྷིརལངྐྲྀཏཱ ཙཱསཱིཿ, 
ཀིནྟྭེཀསྨིན྄ དཎྜེ སཱ མཧཱསམྤད྄ ལུཔྟཱ། ཨཔརཾ པོཏཱནཱཾ ཀརྞདྷཱརཱཿ སམཱུूཧལོཀཱ ནཱཝིཀཱཿ སམུདྲཝྱཝསཱཡིནཤྩ སཪྻྭེ 
དཱུརེ ཏིཥྛནྟསྟསྱཱ དཱཧསྱ དྷཱུམཾ ནིརཱིཀྵམཱཎཱ ཨུཙྩཻཿསྭརེཎ ཝདནྟི ཏསྱཱ མཧཱནགཪྻྱཱཿ ཀིཾ ཏུལྱཾ? 
ཨཔརཾ སྭཤིརཿསུ མྲྀཏྟིཀཱཾ ནིཀྵིཔྱ ཏེ རུདནྟཿ ཤོཙནྟཤྩོཙྩཻཿསྭརེཎེདཾ ཝདནྟི ཧཱ ཧཱ ཡསྱཱ མཧཱཔུཪྻྱཱ བཱཧུལྱདྷནཀཱརཎཱཏ྄, སམྤཏྟིཿ སཉྩིཏཱ སཪྻྭཻཿ སཱམུདྲཔོཏནཱཡཀཻཿ, ཨེཀསྨིནྣེཝ དཎྜེ སཱ སམྤཱུརྞོཙྪིནྣཏཱཾ གཏཱ། 
ཧེ སྭརྒཝཱསིནཿ སཪྻྭེ པཝིཏྲཱཿ པྲེརིཏཱཤྩ ཧེ། ཧེ བྷཱཝིཝཱདིནོ ཡཱུཡཾ ཀྲྀཏེ ཏསྱཱཿ པྲཧརྵཏ། ཡུཥྨཱཀཾ ཡཏ྄ ཏཡཱ སཱརྡྡྷཾ ཡོ ཝིཝཱདཿ པུརཱབྷཝཏ྄། དཎྜཾ སམུཙིཏཾ ཏསྱ ཏསྱཻ ཝྱཏརདཱིཤྭརཿ༎ 
ཨནནྟརམ྄ ཨེཀོ བལཝཱན྄ དཱུཏོ བྲྀཧཏྤེཥཎཱིཔྲསྟརཏུལྱཾ པཱཥཱཎམེཀཾ གྲྀཧཱིཏྭཱ སམུདྲེ ནིཀྵིཔྱ ཀཐིཏཝཱན྄, ཨཱིདྲྀགྦལཔྲཀཱཤེན བཱབིལ྄ མཧཱནགརཱི ནིཔཱཏཡིཥྱཏེ ཏཏསྟསྱཱ ཨུདྡེཤཿ པུན རྣ ལཔྶྱཏེ། 
ཝལླཀཱིཝཱདིནཱཾ ཤབྡཾ པུན རྣ ཤྲོཥྱཏེ ཏྭཡི། གཱཐཱཀཱནཱཉྩ ཤབྡོ ཝཱ ཝཾཤཱིཏཱུཪྻྱཱདིཝཱདིནཱཾ། ཤིལྤཀརྨྨཀརཿ ཀོ ྅པི པུན རྣ དྲཀྵྱཏེ ཏྭཡི། པེཥཎཱིཔྲསྟརདྷྭཱནཿ པུན རྣ ཤྲོཥྱཏེ ཏྭཡི། 
དཱིཔསྱཱཔི པྲབྷཱ ཏདྭཏ྄ པུན རྣ དྲཀྵྱཏེ ཏྭཡི། ན ཀནྱཱཝརཡོཿ ཤབྡཿ པུནཿ སཾཤྲོཥྱཏེ ཏྭཡི། ཡསྨཱནྨུཁྱཱཿ པྲྀཐིཝྱཱ ཡེ ཝཎིཛསྟེ྅བྷཝན྄ ཏཝ། ཡསྨཱཙྩ ཛཱཏཡཿ སཪྻྭཱ མོཧིཏཱསྟཝ མཱཡཡཱ། 
བྷཱཝིཝཱདིཔཝིཏྲཱཎཱཾ ཡཱཝནྟཤྩ ཧཏཱ བྷུཝི། སཪྻྭེཥཱཾ ཤོཎིཏཾ ཏེཥཱཾ པྲཱཔྟཾ སཪྻྭཾ ཏཝཱནྟརེ༎ 
