﻿པྲཀཱཤིཏཾ.
20.
ཏཏཿ པརཾ སྭརྒཱད྄ ཨཝརོཧན྄ ཨེཀོ དཱུཏོ མཡཱ དྲྀཥྚསྟསྱ ཀརེ རམཱཏལསྱ ཀུཉྫིཀཱ མཧཱཤྲྀངྑལཉྩཻཀཾ ཏིཥྛཏཿ། 
ཨཔརཾ ནཱགོ ྅རྠཏཿ ཡོ ཝྲྀདྡྷཿ སརྤོ ྅པཝཱདཀཿ ཤཡཏཱནཤྩཱསྟི ཏམེཝ དྷྲྀཏྭཱ ཝརྵསཧསྲཾ ཡཱཝད྄ བདྡྷཝཱན྄། 
ཨཔརཾ རསཱཏལེ ཏཾ ནིཀྵིཔྱ ཏདུཔརི དྭཱརཾ རུདྡྷྭཱ མུདྲཱངྐིཏཝཱན྄ ཡསྨཱཏ྄ ཏད྄ ཝརྵསཧསྲཾ ཡཱཝཏ྄ སམྤཱུརྞཾ ན བྷཝེཏ྄ ཏཱཝད྄ བྷིནྣཛཱཏཱིཡཱསྟེན པུན རྣ བྷྲམིཏཝྱཱཿ། ཏཏཿ པརམ྄ ཨལྤཀཱལཱརྠཾ ཏསྱ མོཙནེན བྷཝིཏཝྱཾ། 
ཨནནྟརཾ མཡཱ སིཾཧཱསནཱནི དྲྀཥྚཱནི ཏཏྲ ཡེ ཛནཱ ཨུཔཱཝིཤན྄ ཏེབྷྱོ ཝིཙཱརབྷཱརོ ྅དཱིཡཏ; ཨནནྟརཾ ཡཱིཤོཿ སཱཀྵྱསྱ ཀཱརཎཱད྄ ཨཱིཤྭརཝཱཀྱསྱ ཀཱརཎཱཙྩ ཡེཥཱཾ ཤིརཤྪེདནཾ ཀྲྀཏཾ པཤོསྟདཱིཡཔྲཏིམཱཡཱ ཝཱ པཱུཛཱ ཡཻ རྣ ཀྲྀཏཱ བྷཱལེ ཀརེ ཝཱ ཀལངྐོ ྅པི ན དྷྲྀཏསྟེཥཱམ྄ ཨཱཏྨཱནོ ྅པི མཡཱ དྲྀཥྚཱཿ, ཏེ པྲཱཔྟཛཱིཝནཱསྟདྭརྵསཧསྲཾ ཡཱཝཏ྄ ཁྲཱིཥྚེན སཱརྡྡྷཾ རཱཛཏྭམཀུཪྻྭན྄། 
ཀིནྟྭཝཤིཥྚཱ མྲྀཏཛནཱསྟསྱ ཝརྵསཧསྲསྱ སམཱཔྟེཿ པཱུཪྻྭཾ ཛཱིཝནཾ ན པྲཱཔན྄། 
ཨེཥཱ པྲཐམོཏྠིཏིཿ། ཡཿ ཀཤྩིཏ྄ པྲཐམཱཡཱ ཨུཏྠིཏེརཾཤཱི ས དྷནྱཿ པཝིཏྲཤྩ། ཏེཥུ དྭིཏཱིཡམྲྀཏྱོཿ ཀོ ྅པྱདྷིཀཱརོ ནཱསྟི ཏ ཨཱིཤྭརསྱ ཁྲཱིཥྚསྱ ཙ ཡཱཛཀཱ བྷཝིཥྱནྟི ཝརྵསཧསྲཾ ཡཱཝཏ྄ ཏེན སཧ རཱཛཏྭཾ ཀརིཥྱནྟི ཙ། 
ཝརྵསཧསྲེ སམཱཔྟེ ཤཡཏཱནཿ སྭཀཱརཱཏོ མོཀྵྱཏེ། 
ཏཏཿ ས པྲྀཐིཝྱཱཤྩཏུརྡིཀྵུ སྠིཏཱན྄ སཪྻྭཛཱཏཱིཡཱན྄ ཝིཤེཥཏོ ཛཱུཛཱཁྱཱན྄ མཱཛཱུཛཱཁྱཱཾཤྩ སཱམུདྲསིཀཏཱཝད྄ བཧུསཾཁྱཀཱན྄ ཛནཱན྄ བྷྲམཡིཏྭཱ ཡུདྡྷཱརྠཾ སཾགྲཧཱིཏུཾ ནིརྒམིཥྱཏི། 
ཏཏསྟེ མེेདིནྱཱཿ པྲསྠེནཱགཏྱ པཝིཏྲལོཀཱནཱཾ དུརྒཾ པྲིཡཏམཱཾ ནགརཱིཉྩ ཝེཥྚིཏཝནྟཿ ཀིནྟྭཱིཤྭརེཎ ནིཀྵིཔྟོ ྅གྣིརཱཀཱཤཱཏ྄ པཏིཏྭཱ ཏཱན྄ ཁཱདིཏཝཱན྄། 
ཏེཥཱཾ བྷྲམཡིཏཱ ཙ ཤཡཏཱནོ ཝཧྣིགནྡྷཀཡོ རྷྲདེ ྅རྠཏཿ པཤུ རྨིཐྱཱབྷཝིཥྱདྭཱདཱི ཙ ཡཏྲ ཏིཥྛཏསྟཏྲཻཝ ནིཀྵིཔྟཿ, ཏཏྲཱནནྟཀཱལཾ ཡཱཝཏ྄ ཏེ དིཝཱནིཤཾ ཡཱཏནཱཾ བྷོཀྵྱནྟེ། 
ཏཏཿ ཤུཀླམ྄ ཨེཀཾ མཧཱསིཾཧཱསནཾ མཡཱ དྲྀཥྚཾ ཏདུཔཝིཥྚོ ྅པི དྲྀཥྚསྟསྱ ཝདནཱནྟིཀཱད྄ བྷཱུནབྷོམཎྜལེ པལཱཡེཏཱཾ པུནསྟཱབྷྱཱཾ སྠཱནཾ ན ལབྡྷཾ། 
ཨཔརཾ ཀྵུདྲཱ མཧཱནྟཤྩ སཪྻྭེ མྲྀཏཱ མཡཱ དྲྀཥྚཱཿ, ཏེ སིཾཧཱསནསྱཱནྟིཀེ ྅ཏིཥྛན྄ གྲནྠཱཤྩ ཝྱསྟཱིཪྻྱནྟ ཛཱིཝནཔུསྟཀཱཁྱམ྄ ཨཔརམ྄ ཨེཀཾ པུསྟཀམཔི ཝིསྟཱིརྞཾ། ཏཏྲ གྲནྠེཥུ ཡདྱཏ྄ ལིཁིཏཾ ཏསྨཱཏ྄ མྲྀཏཱནཱམ྄ ཨེཀཻཀསྱ སྭཀྲིཡཱནུཡཱཡཱི ཝིཙཱརཿ ཀྲྀཏཿ། 
ཏདཱནཱིཾ སམུདྲེཎ སྭཱནྟརསྠཱ མྲྀཏཛནཱཿ སམརྤིཏཱཿ, མྲྀཏྱུཔརལོཀཱབྷྱཱམཔི སྭཱནྟརསྠཱ མྲྀཏཛནཱཿ སརྨིཔཏཱཿ, ཏེཥཱཉྩཻཀཻཀསྱ སྭཀྲིཡཱནུཡཱཡཱི ཝིཙཱརཿ ཀྲྀཏཿ། 
ཨཔརཾ མྲྀཏྱུཔརལོཀཽ ཝཧྣིཧྲདེ ནིཀྵིཔྟཽ, ཨེཥ ཨེཝ དྭིཏཱིཡོ མྲྀཏྱུཿ། 
ཡསྱ ཀསྱཙིཏ྄ ནཱམ ཛཱིཝནཔུསྟཀེ ལིཁིཏཾ ནཱཝིདྱཏ ས ཨེཝ ཏསྨིན྄ ཝཧྣིཧྲདེ ནྱཀྵིཔྱཏ། 
