﻿भजन संग्रह.
54.
कुम्‍सो पपाइक्‍ब कली तार पाइश्‍शो ताप्‍तीके ताप्‍शा, शेंतीक कुम्‍सो। जीफ ङा मुरपुकीमी सावल कली “दाऊद आंइ दातेमी ख्रुंइसीब” देंशो ना ङा दाऊद आ कुम्‍सो। १सामुएल २३:१९; १सामुएल २६:१ परमप्रभु, इन नेंमी आं कली प्रोंइयीनी। इन ठेयब सक्तिमी आं कली दोस मताइब बाक्‍ब, दे कोंइदीन। 
परमप्रभु, आं लोव़ नेनीन, आं पुंइशो लोव़ नेनीने। 
मरिम्‍शो पाइबपुकी आं गे बारतेक्‍म। हुश ख्राक्‍श पोक्‍बपुकीमी साइक्‍चा माल्‍तीमी। मेकोपुकी परमप्रभु कली ममिम्‍थु, महिंनीम। ठेयब सेंदा पा। 
परमप्रभु थमा पा आं कली वारच पाइब बाक्‍ब। मेको आं कली ब्रोंइचा गेब बाक्‍ब। 
सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन। 
परमप्रभु, गो इन कली आं दाक्‍तीके चढ़ेनुङ। परमप्रभु यावे, गो इन कली “गे रिम्‍शो पाइब बाक्‍नीनी” दे इन नें ठेयब सेल्‍नुङ। मारदे हना परमप्रभु यावे रिम्‍शो पाइब बाक्‍ब। 
गे आं श्‍येत नेल्‍ल रे प्रोंइतीनी। मिनु गो आं जोरी सत्रु आन कली ग्राती। 
