﻿भजन संग्रह.
128.
लां ङा कुम्‍सो। परमप्रभु यावे कली मान पा हिंबपुकी आसीक तशो बाक्‍नीम। मेकोपुकी परमप्रभु यावे आ लांम गाक्‍शो बाक्‍नीम। 
गे इ पशो गेय रे जाइनेवे। गे ग्‍येरसीशा मारेइ मारेइमी दारनेवे। 
मिनु इ मीश इ खिंमी सिश्‍शो अङगुर बोट खोदेंशो बाक्‍ब। इ आल इ खिंम तेल रवा आ कोच्‍वा दाप्‍शो खोदेंशो बाक्‍‍नीम। भजन संग्रह १२७:३ 
मोपा परमप्रभु यावे कली मान पा हिंब मुर आसीक ताइब। 
परमप्रभु यावेमी इ कली सियोन रे आसीक गेब। गे मबेक्‍थु नाक्‍त किंत किंत यरूसलेममी रिम्‍शो दुम्‍शो ताइनेवे। 
मिनु गे इ चच युइ आन कली ताइनेवे। इस्राएली आन थुं नाइश्‍शा बाक्‍मल। उत्‍पत्ती ४८:११; भजन संग्रह १२५:५ 
