﻿भजन संग्रह.
136.
परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको रिम्‍शो पाइब बाक्‍ब। मेको आ दाक्‍तीके गेना हना यो लीब। भजन संग्रह १०१:६ 
मिनु देवी देवता आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब। 
मिनु परमप्रभु, आन परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब। 
मेकोमी ला ठेयब छक लाक्‍चा ङा गेय पाइब। मारदे हना मेको आ दाक्‍तीके गेना हना यो लीब। 
मेकोमी जोक्‍ब तुइक्‍ब दुम्‍‍तीकेमी सरीङ सेल्‍तु। मारदे हना मेको आ दाक्‍तीके गेना हना यो लीब। 
मेकोमी ब्‍वाक्‍कु तार रागी सेल्‍तु। मारदे हना मेको आ दाक्‍तीके गेना हना यो लीब। 
मेकोमी नां तास्‍ला सेल्‍तु। मारदे हना मेको आ दाक्‍तीके गेना हना यो लीब। उत्‍पत्ती १:१४-१८ 
मेकोमी नाक्‍ती कली नां सेल्‍तु। मारदे हना मेको आ दाक्‍तीके गेना हना यो लीब। 
मेकोमी नाक्‍दो कली तास्‍ला नु सोरुल सेल्‍तीमी। मारदे हना मेको आ दाक्‍तीके गेना हना यो लीब। 
मेकोमी इजीप्‍त रागीमी ङोंइती जरमेशो नेल्‍ल आन कली साइक्‍तीमी। मारदे हना मेको आ दाक्‍तीके गेना हना यो लीब। भजन संग्रह १३५:८-१२ 
मेकोमी इस्राएली आन कली इजीप्‍ती आन दाते रे ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब। 
मेकोमी आ ठेयब सक्तिमी मेको आन कली ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब। 
मेकोमी लल समुन्‍द्रमी लां सेल्‍तु। मारदे हना मेको आ दाक्‍तीके गेना हना यो लीब। 
मेकोमी इस्राएली आन कली मेको लां रे पा शोक्‍पाइक्‍तीमी। मारदे हना मेको आ दाक्‍तीके गेना हना यो लीब। 
मेकोमी फाराओ नु आ लडाइ पाइब आन कली लल समुन्‍द्रमी योल्‍पाइक्‍तु। मारदे हना मेको आ दाक्‍तीके गेना हना यो लीब। 
मेकोमी आ मुर आन कली गोरशो रागीम लां कोंइताक्‍मी। मारदे हना मेको आ दाक्‍तीके गेना हना यो लीब। 
मेकोमी ठेयब पिप आन कली साइक्‍तीमी। मारदे हना मेको आ दाक्‍तीके गेना हना यो लीब। गन्‍ती २१:२३-३५ 
मेकोमी सक्ति पाइश्‍शो पिप आन कली साइक्‍तीमी। मारदे हना मेको आ दाक्‍तीके गेना हना यो लीब। 
मेकोमी एमोरी आन पिप सीहोन कली साइक्‍तु। मारदे हना मेको आ दाक्‍तीके गेना हना यो लीब। 
मेकोमी बाशान ङा पिप ओग कली साइक्‍तु। मारदे हना मेको आ दाक्‍तीके गेना हना यो लीब। 
मेकोमी मेको आस रागी आ मुर आन कली योक्‍शा, गेम्‍तीमी। मारदे हना मेको आ दाक्‍तीके गेना हना यो लीब। 
मेकोमी मेको रागी आ गेय पाइब इस्राएली आन कली गेम्‍तीमी। मारदे हना मेको आ दाक्‍तीके गेना हना यो लीब। 
मेकोमी गो श्‍येत जकानु, आंइ कली मिम्‍ताक्‍व। मारदे हना मेको आ दाक्‍तीके गेना हना यो लीब। 
मेकोमी आंइ कली आंइ जोरी सत्रु आन गुइ रे प्रोंइतु। मारदे हना मेको आ दाक्‍तीके गेना हना यो लीब। 
मेकोमी ब्रोंइब नेल्‍ल आन कली जचा गेब। मारदे हना मेको आ दाक्‍तीके गेना हना यो लीब। भजन संग्रह १४५:१५ 
स्‍वर्ग ङा परमप्रभु कली “गे रिम्‍शो पाइब बाक्‍नीनी” देनीन। मारदे हना मेको आ दाक्‍तीके गेना हना यो लीब। 
